~DOMENIQUE~
RAMDAM ko ang namumuong galit sa mga mata ni Rhodri habang inaamin ko sa kan’ya ang lahat ng mga kalokohang ginagawa nina Dinah at Leon sa kaniyang kumpanya.
Lumapit na ako sa kan’ya at agad akong yumakap sa likod niya nang makita ko siyang walang humpay na sinusuntok ang dingding ng sala.
Napatitig ako sa mga mata niya nang tinatanggihan niya ang tulong na inaalok ko laban kina Dinah at Leon. Hindi ko inaasahan ang mga sagot niya at mas lalong hindi ko siya maintindihan. Buo na ang desisyon ko at walang kahit na sino man ang makakapigil sa mga plano ko.
Maraming taon ko nang pinagplanohan kung paano ako makapasok sa kumpanya ni Leon Lee, ngayong ang kalaban na ang lumapit sa akin, bakit ko pa ito tatanggihan?
Inaasahan ko na ang tugon ni Rhodri, alam kong hindi siya papa
