TATLONG araw na ang lumipas mula nang umalis si Dom sa mansiyon, ngunit hindi pa rin maalis sa isip ni Rhodri ang naging desisyon nito na pumasok sa kumpanya ni Leon.
Habang tahimik at mag-isang nakaupo sa kaniyang opisina, hindi na napigilan nito ang kan’yang mga luha habang binabasa ulit ang sulat na iniwan sa kan’ya ni Dom.
“Kung iyan talaga ang bumabagabag sa isip at damdamin mo, Dom, susuportahan kita. Basta ipangako mo lang na kokontakin mo ako kung sakaling kailangan mo ng tulong ko,” wika nito sa sarili habang pinupunasan ang mga luha.
Upang matulungan si Dom ay kailangan niyang sakyan ang mga laro nina Dinah at Leon, kailangan niyang malaman kung ano pa ang mga plano ng mga ito laban sa kan’ya. Kailangan niyang magpanggap na wala siyang alam tungkol sa mga masasamang plano ng
