TAHIMIK kong pinapanuod ang dagat habang pabalik na kami sa resort. Matapos ang nakita ko kanina ay hindi na ako makatingin sa kanya ng diretso. Maging siya ay dumistansya na rin sa akin. Nasa sofa ako naka-upo at ayaw kong lumingon sa cabin para makita siya. Maya-maya lang ay huminto na ang speedboat. Tumayo na ako at humawak sa railing para dumiretso sa hagdanan. Ramdam ko ang bawat paghampas ng alon sa speedboat. Sinalubong naman kami ng dalawang lalaki na naghatid din sa amin dito kanina. Kinuha nila ang lubid ng angkla ng speedboat. Naramdaman ko ang paglabas ni William sa cabin. Nataranta ako. Gusto ko ng maunang makababa dahil nahihiya pa akong makita siya. Nagmamadali akong bumaba ng hagdan. Sa pagmamadali ko ay natalisod ako dahil sa dulas ng hagdanan.
"Ayy...!" pinikit ko ang mg
