NABABALOT na sa usok ang buong bar. Sobrang dami na rin ng tao. At marami na rin ang sumasayaw sa dancefloor. Ngunit kahit gaano yata kaingay ang tugtog ay hindi mapapantayan niyon ang t***k ng puso ko na ang lakas kumabog. Napako na ang tingin ko sa kinaroroonan ni William at sa babaeng kaharap niya. Mapungay ang mga mata ni William habang nakatitig dito. Mga titig na kailanman ay hindi ko pa naranasan.
"Hey, Kristelle! Okay ka lang ba?" malakas na tanong ni Cyrus sa tabi ko. Kinalabit niya pa ako para makuha ang atensyon ko.
Nilingon ko siya. "Huh?"
"Gusto mo bang sumayaw?" tanong niya at itinuro ang dancefloor kung saan marami na rin ang sumasayaw doon.
Umiling ako. "Ahm. Hindi... baka lang kasi nandito ang hinahanap ko kaya nililibot ko ang mga mata ko sa paligid." pagdadahilan k
