Makalipas ang halos tatlumpung minuto ay bigla silang nakaramdam ng pagyanig sa lupa. Natigil ang lahat ng nag-uusap at nagising ang diwa ng mga nagtutulog-tulugan.
“Shhh . . . Walang mag-iingay.” Marahang pinindot ng isa sa mga alalay ng driver ang monitoring device na naka konekta sa limang camera na nakakabit sa truck na sinasakyan nila. Muli ay naramdaman nila ang pagyanig ng lupa, but this time, mas malapit na ito sa kinalalagyan nila.
Ilang sandali pa ay lumabas na sa malapad na screen monitor kung ano ang nangyayari sa labas. May kadiliman man at malakas pa rin ang buhos ng ulan ay hindi ito naging hadlang upang makita nila ang mga imahe na nahagip sa camera.
“Ugghhh!”
“Ñana!”
“Shhh!”
Napatakip na lang sila ng kanilang ilong matapos sumuka ang isa sa miyembro ng group F. Hin
