Mataman siyang nakatitig sa hukbong nakapaligid sa kanya ngayon. Armado pa rin ang mga ito, ang kaibahan lang ay ’di na iyon nakatutok sa kanya at wala na rin siyang panganib na maramdaman mula sa enerhiya nila.
“L5 Hunter Dane Antor, Senior 3. Narito po kami upang sunduin ka at dalhin sa Peak mountain. Naroon po ang pagpupulong at doon gaganapin ang iyong confirmation.” Malapad naman siyang ngumiti at mabilis na lumabas mula sa teleportation device nang marinig iyon. Sa likod ng kanyang mga ngiti ay ang paghinga nang maluwag dahil walang labanan na mangyayari. Agad namang nagdikit-dikit ang mga army hunter, animo’y gumagawa ng human shield para sa kanya. Wala sa sariling nasuyod niya ng tingin ang paligid. At doon nga mismo ay may nakita siyang matalim ang titig sa gawi niya. Maging ang
