الضابط والحسناء

بارت 4

البارت الرابع

.....يجوز ابعدج عني ويجوز اقربج اكثر مني

...شنو يعني بمزاجك اي

.....اني ليش مداكدر اكلك لا وخلص واوكفك بمكانك

ليش داحس الدنيا دجرني وداغوص بيك اكثر

،.....ام شعر الاحمر لتفكرين هوايه وتعبين نفسج كلشي يبين بوقت ما

......شضاملي ياباشا

:.....لتفكرين انو فد يوم اخلي شي يأذيج

...الله كريم راح نشوف باجر شراح يضمنه

.....الله كريم سهله

....احلام سعيدة

....اذا احلم بيج اكيد سعيدة

.....ههههه والله ماادري اذا راح يكون حلمك بيه

بس كون الحلم حلو

...اذا انتي بي معناته حلو

....ههههه اي زين يله باي

.......باي

بعد كل مرة احجي ويا منار احس بالسعادة

واحس بمشاعر متضاربه مابين حب ومابين اهتمام ‏ ولكن اني داحس هالمرة بهاي العلاقه راح اخسر شي

بس مداعرف شنو لان اول مرة

اعيش علاقه بهاي الطريقه وظليت كاعد

بالمرجوحه وبعدين نمت بالمرجوحه وظليت اتمرجح ومغمض عيني وجانت يدي طخ بالكاع

وامشيها على الثيل واتلمسه

فجأة حسيت احد كمش يدي

عرفت هاي رواء من لمست يدها

ظلت كامشه يدي وكفت المرجوحه برجلي

ومحجيت شي

....هشام

....ها

....تعال نام جوة

....مااريد

....اني اسفه

.....على شنو 

....على كل شي

....مثل كل مرة تعتذربن بس مراح يتغير شي

لان راح تبقين انتي نفسج

.....ياريت لو يرجع الوقت بيه جان مازوجتك وماشفت هاي النظرات بعيونك

كمت كعدت وهي جانت مدنكه بالكاع

لمن كعدت جريت يدي

.... كلشي الا وقته

وتركتها ودخلت الصبح طلعت من وكت

رحت للمعمل مالتي لان اني عندي معمل

مال اخشاب صارله ثمن شنوات

بس اني خال ناس اثق بيهم يمشون الشغل بي

وخلصت كم شغله

ورجعت اخذت علاوي وادم ورحت لبيت ابويه

وظليت لليل يله رجعت بحيث لمن رجعت جانو نايمين بالسيارة شلتهم وصعدتهم لغرفتهم

رواء شاف*ني بس محجت شي دائما مغلفه نفسها بهذا البرود

والامبالاة ‏

بهاي الفترة الي اجتي ماشفت بيها منار ولكن علاقتي قوت بيها كلش وكمت طول وقتي احجي ويا حبيتها

وكمت انتظر دكت التلفون بالدقيقه جنت اسمع صوت لهفتها من تحجي ويايه بس لحد الان  نتكلم تحت غطاء واحد وهو الصداقه مع العلم صداقتنا تحولت لحب ‏ من زمان بس الترددبالاعتراف بالحب

كان سيد الموقف

كلشي عرفت عن منار ‏

وجانت دائما هي تحجي واني اسمع

انما اخر اسبوع الي جنت ماموجود بالبيت جنت بالدائرة

التحقت لمدت اسبوع وهذا الاسبوع كضيته كله احجي ويا منار بحيث صار اكو فد عالم خاص بينا

ومابين دقيقه ودقيقه نتحاجه

حسيت اني بغير دنيتي بغير واقعي كل همسه منها

تبعثر كياني

وبعد تفكير كلت لنفسي ليش مااكللها احبج مدام اشعر بهذا الشي ليش اخبئ عنها

وبعدها خابرتها

.وجاوبتني بنفس الهفه الي احسها بيها كل مرة اتصل عليها

.....الو صباح الخير

......صباحووو ياباشا

....شلونج ام شعر الاحمر

....هههههه والله زينه انت شلونك

... اني بخير مدامج بخير

...ان شاءالله دوم بخير دومي وعلاوي شلونهم

.....الحمدلله زينين يبوسوج منا ومنا

.....هههههه هاي هما يبوسوني

....لا للحقيقه اني اريد ابوسج منا ومنا

......هههههه عزة شنو هاي انت هاصديقي

....غير احجي الحقيقه تريدني اكذب

....ياريت لو تكذب شويه

.....لا مااكدر اكذب

......اعرف بيك متكذب وهاي احلى صفه بيك بس بنفس الوقت هم محلوة

لان دورات صراحتنه الزايدة تاذي المقابلنا وجرحه

...اي صحيح بس شسوي طبعي هيج

....اي احنا اليوم مخبوصين ماما خبصتنه من الصبح

.... ليش شكو

..... ديجيني عريس ههههه

....صدك والله

.....اي والله ابن صديقته ماما

...وانتي قابله

....اني مااريد ازوج اصلا بس ماما اظل سويلي ميت سالفه وعلى انتي كبرتي ومن هالكلام

.....اي بيها الخير الله يسعدج تستاهلين انتي

....الله يسلمك

.....يله لعد روحي كملي شغلج

....هشام ضجت

....من شنو

.....لان راح انخطب

.....وانتي شيهمج

......شلون ميهمني

....روحي خلصي شغلج وراج عريس وتحضيرات اليوم

....انت ضجت مو

.....اي

....ليش

....لان احبج

سكتت مجاوبت ظليت بس اسمع انفاسها

....حتى اعترافك بالحب مختلف

.....اني ماكلت لوحدة احبج انتي اول وحدة. يجوز اعيش لحظات فرح ومتعه وياهن بس ماااحبهن واذا شعرت بااحساس من اي نوع مااعترف

....اني تعلقت بيك هوايه ومداكدر امنع نفسي عنك بس العب بالنار صعب

.....يانار اني محد يحكمني الي اريد ة اسوي ومااهتم لااي احد

.....اذن انت اناني ومتفكر بس بروحك واني اذا بقيت وياك راح اكون مجرد رقم بحياتك

اذا سمحت اخذك منها راح تجي وحدة تاخذك مني

معادله كلما نحلها زيد تعقيد

لتحبني ولدكلي احبج لان انت مجرد صوتك يرهب كلبي ويخليني ضعيفه اني حتى مااريد اشوفك حتى لااتعب حتى لاامشي بشي وهو غلط

.....اناني اذا اريد احب

...اذا دتبني سعادتك على حسابها فااذن اناني

....لعد ليش استمريتي تحجين ويايه

....ضعف كلبي واحنا منكدر نحكم كلبنا كلما اريد ابتعد عنك واكول خلص بعد مااحجي وياك

ارد انهز واضعف واحس اني بحاجه الك واحجي وياك وكلما اخلص كلامي وياك واسد التلفون اكعد الوم نفسي واحتقر روحي جنت انتقد وحدة تحب رجال مزوج

واكول هاي ماعدها اخلاق بس تاليتي صرت مثلهن

يمكن المسأله مو مسأله اخلاق المشكله

بضعفنه وعدم سيطرتنا على مشاعرنا

لان دائما نختار اشخاص غلط

.... يعني اني غلطه

....انت احلى غلطه بس مااكدر اكملها

......اوكي سوي الي يريحج يامنار الله يسعدج

.....اشكرك واتمنى تلكي الابتسامه الي فاقدها

اني مومهمه مثلهم صدكني

.....تعرفين شي الحب انو احب بيج تفاصيل مو مهمه الهم بس  مهمه الي

....جان حلمي انو احب واحد ويسوي المستحيل حتى يوصلي بس بعدين التقيت باشا ردت اني اسوي المستحيل والي هو انو يعود الزمن ليورة والتقي بي

بس يبقى المستحيل مستحيل

...مراح ادخل حياتج ولاراح افرض نفسي عليج

....احبك ياباشا وبعد مراح اكدر احجي وياك

اتمنى ابقى ذكرى حلوة بحياتك

....مع السلامه منار

...مراح تتمنالي السعادة

....لا

....اشكرك باي

مكتلها باي سديت التلفون وكمت افتر مثل المخبل

مكدرت اكللها شلون اتمنالج السعادة وانتي. راح تروحين لغير رجال

الاحساس الي صار بداخلي محتاجله وقت طويل يله عرفته

بس يجوز هيج افضل خليها تعيش حياتها ليش اربطها بيه

وقابل هي اول وحدة

وحاولت اتناسها الهي نفسي بااي شي

بس ابتعدت عن كل النسوان كمت اشوفهن عدم

وحتى رواء مجان اكو شي يربطنه سوا

من ارجع للبيت هي بحالها واني بحالي

اول مرة احس انو المراة والرجل ميربطهم بس سرير يربطهم حب واحساس مشاعر

وصارل 24يوم ضبط مااعرف شي عن منار

واليوم بالشغل طلبو مني انو اسافر عندي كلت زين راح انسى ومن ارجع مااذكرها

سفرتي جانت ضمن شغلي

طول تلث اشهر

لمن طلبومني السفر قبلت بدون اي تردد

ردت اغير جو اطلع لان داحس يومي مرتكز على شي واحد

اليوم يمشي بمنار ويجي ثاني يوم هم افكر بمنار

وكالولي اليوم السفرة مالتك

طلعت من الدوام ورحت سلمت على ابويه

ورجعت للبيت وكعدت احضر هدومي

ورواء جانت

مالها دخل بس تباوع

كعدت العب ويا علاوي وادم وبعدها اجى موعد نومهم وراحو نامو

واني غسلت وبدلت وجنت دانتظر السايق يجي اروح للمطار

وجتي رواء كعدت كدامي

....شكد راح ظل هناك

....تلث اشهر

.....تروح وترجع بالسلامه

....الله يسلمك

....اني جنت اريد احجي وياك بموضوع بس مو وكته هسه

سديت عيني وفحتها وجريت حسرة

...شتريدين رواء

.....احنا بعد منرهم نستمر لان انت بدنيا واني بدنيا

ثانيه

....تريدين تطلكين

.....اي

... يجارلج بس مو هسه من ارجع من السفر

....زين ننتظر

سمعت صوت هورن جريت الجنطه مالتي وطلعت

من البيت

وجان السايق بالباب فتحلي الصندوك خليت الجنطه مالتي وفتحلي الباب الورة وصعدت كعدت

جانت السيارة تمشي واني اباوع من الجامه جنت مثل الي كاعد على جمر ماااعرف ليش

بس روحي هنا مداكدر  عبالك اكوشي ديمنعني من السفر

وصلت للمطار بعد ماخلصت الاجراءات

وظليت بالصاله مال انتظار بس جنت دالوب عبالك

بركان

ومشتعل بيه

بعد متحملت طلعت تلفوني وخابرتها مجاوبت

ظليت ادك

وهي مجاوب

سديت التلفون وكعدت على الكرسي وحسيت اعصابي فجأة رخت كل واهسي نعدم

سمعت دينادون على رحلتي

ظليت كاعد وجانو العالم من حواليه د*كومون واحد ورا الثاني

لحد ماسمعت الموظف يصيحني

...استاذ ترة الطيارة راح تقلع

...اي

كمت وكفت وظليت بمكاني لابيه اكمل ولابيه ارجع

....اخي بيك شي

...لا

مشيت بخطوات ثكيله

وصلت لمقعدي

وجانت كاعدة بصفي بنيه شابه

جانت طول مكاعدة تقرا ايات وجانت ترجف

انقهرت عليها

.....اول مرة صعدين طيارة

...اي

....وحدج

....اي اخويه ينتظرني هناك

جانت كل شويه تغمض عينها مثل البنات الصغار

ضحكت

وصارت مطبه

وهي كلش خافت

....ماكو شي

حسيتها راح تبجي

....شعجب هيج تخافين من الطيارة

....اختنك من المكان الصغير وبي هوايه ناس

واخاف من الطيارة لان ماااحب الاماكن العاليه

.....ها بس لتخافين اني يمج

ابسمت ابتسامه رقيقه

....اشكرك

للحظه تخيلت بوجهها منار

مع العلم ماكو شبه بينهم اظاهر كمت اهلوس اني

بعد ماخلصت الرحله الطويله والمتعبه وصلت للمانيا

وجنت كلش تعبان لان ركبت طيارتين يله وصلت

وهسه لازم اركب طيارة ثالثه اروح لغير مدينه

واخيرا بعد عناء طويل وصلت للفندق

ونمت وماحسيت الاثاني يوم قريب الظهر

وبديت اخلص اموري

كنت يوميه اتصل ب بااطفالي بس مااتصلت بمنار

ولاهي خابرتني هناك عزموني اصدقائي

على عشه بمطعم

وجانت كعدة مال شباب وبنات هم وتعرفت على وحدة اسمها أولينا

أولينا تشبه ال**بات عيونها ملونه وشعرها اصفر بس

محركت بيه شعرايه

يوميه تتصل بيه خلي نطلع مااعرف شنو واني جنت ارفض او تريد تحجي ويايه واني اكللها مشغول

استغربت من نفسي انو وصلت لمرحله ماااشوف امراة اخرى

كل النساء صارن عدم بحياتي بس

اثنين رواء ومنار

وحدة يجمعني بيها عائله واطفال

وحدة يجمعني بيها حب

انما باقي النساء مكامن يحركن بيه شي ولاحتى يجذبني

اول مرة اعرف انو الي يحب انسان يقتنع بي

اكتشفت انو الحب اقتناع واكتفاء باانسان واحد

المشكله بالحب مو بالقرب او البعد

الحب يكبر بينا مهما كانت المسافات فترة كضيتها مابين اشتغل ومابين اصدقائي

ومابين افكاري الضايعه كلشي جان يفتر و يفتر ويكف يم اثنين رواء ومنار

بس منار كلبي جان يوكف يمها كذب نكول الي منحجي وياة ننساها. ‏

يرادلنه شي اكبر يله ينسينه الحب

نكضت الفترة الي جان لازم اقضيها هنا وهسه اجى وكت ارجع

رجعت لبغداد وجنت مشتاق لكلشي لبغداد لاادم لعلاوي

لمنار

واول ماوصلت للمطار تلكاني صديقي فاضل

.....حمدلله على السلامه

....الله يسلمك حبيبي فاضل

...شلون جانت سفرتك جم حلوة تعرف عليها

....ولا وحدة

....لا لا لا مداصدك معقوله

....اي والله مالي واهس

....مداصدك

.....اي شبيك مالي خلك

....خاف دتحب ومتكدر تباوع على غيرها

...يمكن

....معقوله هشام يوكع

.....هههه هشام يوكع ميوكع

.....مو اكول

وظلينا سوالف لحد ماوصلت للبيت

وجنت كلش مشتاق للاطفال فتحت الباب بالمفتاح ودخلت

جان البيت فارغ صعدت فوك جانو ماكو

خابرت على رواء

...الو

....هلو هشام

...وينج

...بيت اهلي

...ليش موتعرفين اليوم اوصل

...اي

...ليش مااجيتي موتعرفين ارجع متلهف للجهال

....اذا تريد تعال اخذهم

....انتي واحد شيحجي وياج بله

وسديت التلفون شلون فورت دمي

رحت دورت المفتاح مال سيارة ورحت على الجهال لان جنت كلش مشتاقلهم

وصلت لبيت اهلها لرواء وخابرتها كتلها طلعيلي الجهال

واخذتهم ورجعنا للبيت ظليت ملتهي وياهم واشوفهم الال**ب الي جبتها الهم وبعدين نمت اني وياهم نامو بحضني للعصر كعدنا واجتي رواء

للبيت واول مااجتي هي اني طلعت

وفكرت بمنار وكلت لازم اشوفها حتى لو من بعيد

وصلت لحد كدام بابهم

ودكيت عليها

....مجاوبتني

.معقوله زوجت بهل اربع اشهر

بعد ماتحملت كلت انزل ادك الباب

وفعلا نزلت ودكيت الباب

سمعت صوت جوة وصوت احد يمشي

....منو

سمعت صوتها وكلبي نفض وفز من مكانه

....اني

.....باشا

...اي مراح تفتحين الباب

....مااكدر وحدي بالبيت

....فتحيها بس اشوفج

....ماااكدر فدوة لصير مشكله

....اوكي براحتج

نداريت دارجع لسيارتي وسمعت صوت القفل نطك

وصوت جرت الباب

....باشا

غمضت عيني ندار يت عليها

...شدسوي هنا

....ردت اشوفج

....ليش شوفني صارلنا اربع اشهر احنا منحجي واحد ويا الثاني

.جريت يدها ردت اشوف بيدها حلقه

مجانت اكو حلقه

..منخطبت

...ليش

.....ماكدرت

....شنو السبب

...متعرف

....اني

.....انت وانت وانت

...مشتاقلج

مجاوبت ظلت ساكته

....العصفور من كصو جناحه ممات بس توقفت حياته

واني حياتي توقف

ليش دخلتها ليش سمحتلك تدخل لحياتي وليش دخلت لحياتك

....قدرنا هيج

....لا هذا حظي السيء

....يعني اني حظ سيء

...اكيد من انت كدامي واني مليانه وجع ومن انت كدامي ومااكدر امد يدي واخذك الي

ومن انت كدامي وممنوع تمد يدك وتاخذني لحضنك هذا حظ سيء وموت عاالبطيء

....لوتعرفين شنو الوجع اني احبج واريد ازوجج

.....روح الله يخليك ترة صارلي اربع اشهر مصبرة نفسي مثل الطفل لترجع تفتحلي جرح جديد

....مااكدر طريقي ديرجعني الج

.....روحلها الله يخليك

..... اني اريدج انتي

....واني مااكدر

..... اني راح اخذج غصبن عن الكل

.....متكدر

...هههه لتتحديني

....منار اريد ازوجج اني مداكدر الغيج من حياتي

....ماااكدر اسفه

.....اني قررت

....انت قررت واني ماقررت

...راح انطيج مهله تفكرين ولتخافين انتي ماخربتي حياتي

حياتي ااصلا خربانه

سكتت

....من ادك عليج جاوبيني

هزت براسها

اشرتلها بيدي وتركتها واكفه بمكانها ومشيت وصعدت سيارتي

ورحت للبيت

ومن دخلت جانت رواء كاعدة مبينه عدها كومه حجي

....هلو هشام حمدلله على السلامه

...الله يسلمج

...وين جنت يمها

....يم منو

...يم منو قابل اكيد الي تحبها

....شتريدين رواء

....ليش سوي هيج ويايه لان احبك

كعدت على الكرسي

...انتي وين تريدين توصلين

....للي تريد توصله انت

تعرف ياهشام كل مرة اشتم بيك ريحته وحدة اكرهك بس بعد لحظات

من اسمع صوت ادم يكلك بابا ارجع احبك ومن

اشوف ملامحك ارجع احبك من جديد

كل مرة اسامحك بخيانتك كل مرة انطيك عذر

بس هالمرة غير كل مرة هالمرة انت تحبها مبين من عيونك وحزنك انت متحزن على شي ولاتهتم

هالمرة هي باكت كلبك وروحك اني احبك هشام احبك

هوايه اني انسانه عندي اخطاء مثل ماانت عندك اخطاء بس والله حبيتك

ردت بس دكلي تغيري حتى اتغير

تكدر تنكر وجودي بحياتك تكدر كلي

شكتلها كتلها احبج كتلها هي الحياة الجايه كتلها نفسك الها

كتلها انتي حياتي شكتلها كلي هشام

7

جانت تحجي وتبجي ودموعها تنزل على خدودها وتمسحها بس متلحك تمسح كل دموعها لان جانو مثل المطر

اني احبك واتمنالك ترتاح اعرف انت متحبني

بس ليش مشيت كل هاي المدة

ليش خليتني اتعلق بيك لهل الدرجه

....الله يخليج كافي

.... كافي واني شوكت اكول كافي

وكامت تعيط

عرفني عليها خلي اشوف شنو الي بيها يختلف عني

هيج هي حلوة

شنو اني ق**حه

انت ليش محبيتني بس كلي ليش

تقربت عليه وكمشت وجهي كلي انت ماتحبني كلي انت تكرهني بلكي اكرهك

بلكي ابطل احبك

كلي

غمضت عيني

...رواء كافي

...اني احبك بس كافي انت تعبتني

اذيتني

.....ماااعوفج اني

....وكلبك

....لتبجين

وجريت راسها قوي وخليته على كلبي وحسيت دموعها بللت قميصي

....تعبانه اني هشام

كلش تعبانه ياريت لو اخلي راسي وبعد ماافتح عيوني ابد

غمضت عيني وكلبي جان ديدكطع

....انت تحبها

....اش اششش اشششش

ومسحت دموعها ورجعت راسها بحضني

يتبع