الضابط والحسناء

بارت 3

لبارت الثالث

(((التقينا وكانت نظراتنا تفضح ‏مافينا التقينا ورأيت

الحسناء ذات العيون الجميله الذي جعلت قلبي رهينه

التقينا وكان **تنا هو كلامنه وكانت نظراتنا هي

كل مابيدنا عجزنا عن الكلام واصبح **تنا هو العنوان)))

شفت وحدة مندارة بس جان اكو شلال على ظهرها بس اول مرة اشوف شلال لونه احمر

لون شعرها احمر لون شعرها غريب كلش

ولمن ندارت حسيت الشمس التفت الي

سبحان الرسم هاي الملامح والعيون الي لونها مابين الاسود ومابين اللون البني

بيضه وعدها شامه جوة شفتها

حسيت كلبي طشر من شفتها

بس حاولت ماابين

.....منار

....باشا

.....هههههه

.....فديت والله وفديت هالعيون

.....ههههه خجلتني

اتصورت انو مراح نشاوف لان اني رفضت اشوفك وانت كلت مااريداشوفج بلا رضاج بس تاليتك اجيت

..... اي ماكدرت جنت راسملج ميت صورة بالي كل شويه جنت اتخيل شكلج شي مختلف

يمكن من ننعجب باانسان نتخيله مثل منريد

....وشلون شف*ني

.....اني مااكول لبنيه انتي حلوة

.....هههههه صدك

.....اي

.....لويش

.....لان البنات ينغرن

....ميحتاج انغر

.....ليش

....لااني اعرف نفسي حلوة ههههه

....لامبينه مو مغرورة

....بس اكيد مو بكد غرورك

....ها يعني يحقلي لولا

.....الصراحه

....اي

.....يحقلك ههههه بس مو هوايه

...ههههه لابس انتي حلوة

.....بس

.... اي حاليا بس هيح اكلج

....زين لعد

ظليت ساكت واباوعها

وهي خجلت وخدودها حمرت

.....شبيك هيج تباوعلي

......يمكن رسمتلج بالي ميت رسمه مختلفه متوقعتها هيج

بس فعلا يبقى الواقع مختلف

.....ليش صدمك الواقع

....لا

.....ههههه انت شكد غامض وكلامك مامفهوم

....اني

.....اي

......لا بالع** كلش انسان بسيط بس الناس متفهمني

.....اها يعني الكل ناس متفهمك

....اي صدكين

....تريد الصدك

.....لا

.....هههههه يعني تريدني اكذب عليك

.....لا بس مااريد اضوج

....اني لازم اروح لان الناس كامو يبوعون علينا هسه باجر يكولون اجى صديقها للبيت

....اكص ل**نه الي يحجي عليج

....شكرا

.....وين تروحين

...ماما بيت جوارينا هذوله

واشرت على بيت كدامهم

....وليش تروحين

.....مو دنطلع وماما كالتلي خلصي وتعاي

....وين تروحين

... ياباشا شنو د تحقق ويايه

.....اي

..ياالله شكد صريح ههههه

...اني راح اروح هسه بس اطلب منك طلب

...اي اكيد

....مااريدك بعد تجي هنا

....مااوعدج بس احاول اذا وعديتني بشي

....بشنو

....انو نظل اصدقاء

......احنا الي تربطنه مو صداقه ياباشا

.....لعد شيربطنه

سكتت

حسيت كلبي راح يوكف بسبب قربي يمي

نزلت راسها ونزلت خلصات شعرها الاحمر وغطت وجهها

مجاوبتيني

....ماااعرف ياابو أدم

.....ههههه

....عود شنو دذكرين

.....ميحتاج اذكرك موصحيح

....مختصر الكلام مااريدج تبعدين عني وخلص

....ليش

صفنت وماجاوبتها

...روحي منار ليظل بالها عليج

.....منيه

....امج

......وين راح نوصل ياابو ادم

وعاف*ني ومشت

بس ندارت عليه واني جنت داباوع عليها

وردت رجعت عليه وكفت كدامي

....هشام ابتعد عني رجاءا

صدك اني ماااكدر اقدملك شي انت حياتك موالك

جانت تحجي بس اني جنت اباوع على شفتها مجنت منتبه بشنو تحجي

ابتسمت

....انت ليش دتضحك

...لا هيج

...صارلي ساعه احجي وياك وانت كاعد تضحك

هم ابتسمت

هزت براسها ومشت من كدامي ودخلت لبيت جوارينهم

واني نداريت ومشيت رحت لسيارتي وشفت الي بالشارع جانو يباوعون عليه

مهتميت صعدت بسيارتي ولتافيت ورحت

جنت كلش فرحان محاس بيهيج احساس حلو صار هوايه

دورات اكول يجوز الي مريت بي سابقا خلاني اشوف النسوان مجرد متعه بدون حب

بس اكيد حلو شعور الحب

او يجوز الحب هو ندل طريقه لكلبي

يجوز اني داصرف بأنانيه يجوز دافكر بس بنفسي

بعدت كل الافكار عندي لان مااريد شي يضوجني

اني جنت هلاايام مجاز ماعندي دوام

رجعت للبيت

واول مادخلت جانت رواء واكفه ومبدله

والجهال ماكو

كتلها

....وين الجهال

....نايمين بغرفتهم

....وين دتروحين

...اني راح اسافر ويا بيت اهلي للاردن كم يوم

.....شنو عيني

.....اريد اسافر

شمرت الموبايل والمفتاح على القنفه

وجريت الكرسي وكعدت عليه

.....مدافتهم بله فهميني البارحه جيتي واليوم شايله الجنطه والجهال نايمين وتريدين تعوفيهم

ودتريدين اسافرين شنو الفلم

...ماكو فلم اريد اسافر اغير جو

..... انتي صاحيه

.....اي صاحيه وكلش

.....ماكووو سفر اخذي الجنطه ودخلي جوة

هاي سالفه جديدة عايفه جهالها ورايحه دسافر جان خجلتي من نفسج

....هههههه اني اخجل ليش موانت

.....احترامي نفسج عد ترة تعبت منج انتي الي وصلتينا لهنا 

.....اني لو امك

دمي صعد لراسي وكمت وكفت ورحت جريت الجنطه وشمرتها وطشرت الملابس كلها

....اني ماعندي ام سمعتي ماعندي ام امي ماتت من جابتني

.....هههه قشمر نفسك

.....حجايه ثانيه واخليج تندمين

....من زمان ندمت اني من يوم الي زوجتك واعرفك متحبني واعرف ابوك جبرك تزوجني وانت جنت تحتقرني وتكرهني لان قبل جان عندي علاقه بواحد وجنت احبه وجنا علااساس راح نزوج بس ابويه رفض

وزعك بالي وحبيتك وانت جنت تعرف بعلاقتي السابقه

بس انت دائما تحس انو ابوك صاحب فضل عليك ومتكدر دكله لا لهذا السبب قبلت بيه وزوجتني واني حبيتك

.... كم مرة كتلج لتحجين بهذا الموضوع كم مرة كتلج سدي ولتفتحي كم مرة لازم اعيد حتى تفهمين

مااريد اذكرج بلي سويتي ماااريد افتح الدفاتر القديمه

.....ماكو واحد ميغلط

.....واني ماكدرت انسى غلطتج ويايه

انتي مخنتيني بجسدج اعرف بس من ازوجتج

ورا زواجنا بسنه شفتج تحجين وياااحمد بلحديقه مال اهلج من هذاك الوقت كرهت اللحظات الحلوة الي عشتها وياج

......هو اجى لبيت اهلي واني خفت تصير مشكله بينكم وحجيت وياة

....كذابه انتي جنتي بعدج تحبي

....ميت مرة كتلك وبررتلك بس انت متريد تقتنع اي غلطت و بس حجيت وياة وطلبت منك السماح ولاميت مرة وانت سامحتني

....اني ماسامحتج لان استغليتيني من قبل ولان ازوجتيني وانتي مشاعرج لغيري

ولان دائما ذكريني باامي وكاانما تعيرني

ولانج عديمه المسؤوليه ودائما تتهربين

مكدرتي تفهميني جنتي دائما تزينين حياتنا بس حياتنا فارغه

....هسه ذكرت تعاتبني

....اني مانسيت بس اعرف الجدال وياج عقيم

....احبك

2

وبعد مشوفين جهالج

.....كلي تغيري واني اتغير

....الي يريد يتغير من نفسه ميطلب من احد يكله

....انت جنت تحبني جنت احس بيك

....يجوز

.....ليش لعد عايش ويايه

.....اني هم ماااعرف ليش

ظلت تباوع بعيني واني اباوع عليها

وبعدين صعدت فوك

رواء **رت شي بيه مدااكدر اصلحه

يمكن اجتني لحظات حبيتها وجتي لحظات كنت وياها سعيد بس عرفت انو اني وياها بينا شي يربطنا

غير الاطفال وغير الحب بس مااعرف شنو

اني طفولتي مكانت بيها حنيه مشفت حب

او حتى الحب الي اشوفه والاهتمام كان قليل

ومن كبرت بديت ابحث بالنساء عن الحب

ومالكينه ومن زوجت هم مالكيته

جنت انحب بس ماااحب

بس اطفالي هما الي كانو يمدوني بالحب

ظليت كاعد وبعدين كمت داروح للمطبخ جنت اريد اشرب جاي واخذ حبابه براستول لان راسي راح يطك

وشفت الهدوم الي اطشرت وبين الهدوم جانت اكو ورقه او شي ء ما جريتها جانت صورتي اني وادم وعلي

صفنت وبعدين اخذتها ويايه وخليتها على الميز

وسويتلي جاي وكعدت على الميز اشربه وسمعت صوت الجرس جريت الريمونت وفتحت التلفزيون مال كامرة

جان ابويه

كلت جابه شعجب

كمت داروح على الباب وشفت الهدوم الي مطشرة بالكاع شلتهن بالجنطه وديت الجنطه بالصاله

وطلعت فتحت الباب

.....هلو يابه

.....هلو ابني شو ماكو صارلك بالعشرين يوم

....موتدري جنت بالموصل

...اي اعرف مو رجعت وهم مااجيتني

والله صاير موخوش ولد

....ههههههه تعال يابه خلي ندخل جوة

دخلنا جوة وسديت الباب

....وين ادم وعلي

....نايمين

....شكد مشتاقلهم

....اكعدهم

....لا عوفهم خطيه يتنحسون بعدين

....اليوم ابقى يمنه

....لامااكدر اجيت داحجي وياك

....خير يابه شكووو

....امشي نطلع بالحديقه ماريد مرتك تنزل وتسمع كلامنا

....اي يله

طلعنا وكعدنا برة

....اي شكو شو قلقتني

....امك

....شنو السالفه ياهو الي ديشوفني يكلي امك شذكركم بيها

....ليش منو د*كلك

.....المهم يابه شبيها

....تريد تشوفك

.....ههههه صدك ليش متعرف اني صار عمري 37سنه

وكل هاي السنين مشايفها ومااريد اذكر الاوقات الي جنت بيها يمها

لقائى بيها عبارة عن كارثه

.....يااابني الي روح و افتح صفحه جديدة وشوفها هي دكول اني مريضه وخاف اموت

..... ومتموت شنو يعني قابل احسن من الي ماتو

.....يعني انت مراح تشوفها

....لا

...ليش

.....ليش لشنو وعلى شنو ليش على هوايه اشياء تذكر يابه لونسيت الي سوته ويايه

...ميخالف تبقى امك

....الله يخليك لدكلي امي اترجاك عوف هذا الموضوع

اني الي بيه مكفيني

....اني ردت اكلك لان اجتي توسلت عليه ودكول مااريد اسويله احراج بالشغل

.... كللهاخلي تطلع من حياتي وتنساني نهائيا

.....براحتك ابني

بس داحس بيك غير شي

...لامابيه

...شلونك ويا رواء

.....زين

....اي الحمدلله خلي اروح لان بيت عمتك اجوي من السفر وخابروني وكلت امرلهم ليش متجي ويايه

....تعبان

....انتظرك اجيب على وادم وتجي زين

...ان شاءالله باجر نجيك من وكت

.....مع السلامه

....الله وياك يابه

وطلع ابويه وسديت ورا الباب وبعد

ورحت  جبت تلفوني وكعدت بالمرجوحه

وخابرت منار

.....الووو

....هلا ست منار

....ههههه هلا باشا

....شلونج

....الحمدلله

.....الله يجعلج

....هسه شلون وياك باشا

....شكووو

....مراح تروح من دربي

.....لا

....تعرفين شي

....شنو

.....شعرج حلوو دربالج فد يوم دكصي

......صدك اني عاجبني اكصه

....دربالج هيج حلو عاجبني

....ههههه وانت شنو دخلك

....لاوالله

...اي والله

...انت وين

...بالبيت

....عزة ومرتك بالبيت وكاعد تحجي ويايه

.....اي

....ترة حرام عليك والله

ليش هيج تسوي وياها احس بينكم شي

....يمكن

...ممكن اسئلك سؤال بماانو احنا اصدقاء

...اي ياصديقتي سئليني

....انت تحبها لزوجتك

.....ماااعرف يمكن اي ويمكن لا

.....شنو حزورة

....هيج شي

...هي تحبك

......اي تحبني

.....اذن ليش متبادلها الحب ليش متعيش وياها وتعيش حبك الها

....تعرفين ا نتي اول وحدة اسمحلها تحجي عن حياتي لو غير وحدة جان سديت التلفون بوجهها

....ليش عود

....ماااحب احد يحجي بحياتي الشخصيه

.....هااا كلتلي

هشام

.....نعم

....اريد اعرف شتريد مني لان لااني الي راح احبك وانت تحبني وانت ماعندك عائله وتريد تسوي عائله وراح تاخذني ونكون حياة مع بعض ونجيب اطفال ونربيهم سوا

ولااني راح اخذك من بيتك واطفالك ومرتك

ولا صحيح الي ديصير بينا

...اي شلونج

....هشام ليش تغير الموضوع

....لان اني ضايج ومختنك وخابرتج حتى تروح الضوجه

مو دكعدين ضوجيني بالزايد

....شلون لابيه امنعك ولابيه امنع نفسي

....من شنو

....من كلشي

.....اي هسه ذكرت بيوم الي اجيت لبيتكم وجنتي لابسه نقاب ردت بس اشوفج صار عندي فضول

...اي ههههه

....منار

.....هاياباشا

.....فداج الباشا بروحه

.....ههههه يمه يمه من ل**نك انت شيكدرلك

....ههههه اي دربالج لعد ادوخج ترة

.... ضحكتي وابتسامتي وكلامي مبيوكه فرحته

.....ليش

.....مدارتاح من داحجي وياج

.....شلون بله ترتاحين تريديني ازوجج

....ههههه والله ضحكتني صدك

......اشو ضحكين

.....انت عندك حياتك يمكن اني وياك نهرب بواقعنا ‏ ونروح للخيال يمكن راح نحجي يوم يومين ثلاثه وبعدين راح نندثر ويترسنه التراب

ونصير ماضي او ذكرى و راح اذكر الباشا الي دخل لحياتي وخلاني ابتسم وخلاني احزن لاأجل حياته

وخلاني اشعر بتأنيب الضمير لان يمكن داخرب حياته بصورة او اخرى ‏

وهو هم راح يذكرني او ممكن انسي بزحمته. الدنيا

وبعلاقاته

الهوايه واصير حالي حال اي وحدة دخلت لحياته

وطلعت من حياته وهي ماتحمل بداخلها بس كومت ألم

الي مثلك ياهشام صعب ينحب وصعب ماينحب

اني متاكدة حياتك موسهله لهذا السبب تهرب من حياتك بعلاقتك

....اني مااهرب من شي ابدا

....انت تهرب من نفسك تهرب من غرورك من كبريائك

بس تهرب لنفسك

،،،،،

من تحجي وكانما تحجي شعر او قصه حلوة

.....كلامج حلو بس مو احلى منج

....ههههه ميفيد الحجي

...ههههه اشكرج

.....على شنو

....لان جنت ضايج وشويه تغيرت نفسيتي

....يدلل الباشا احنا اصدقاء واعتبرني صديقك هم موصديقتك ههههه

....شلون صديق هذا يخبل وشعرة احمر والعيون يابايه عليها

......خجلتني

.....فدوة للتخجل

....بطل سوالف البنات متاكل ويايه

..... ليش يابه رجال انتي كل البنات يذبلن ترة بس اغمزلهن ههه

.....خف علينا عمي ترة احتا فقرة اخاف اذبل

هههه

.....لا مااريدج اذبلين بعد وكت عليج

......اي الحمدلله

....يله اني راح اروح لان نعست كلش

جان ميهلي اسد التلفون بس ماردت اطول وياها اكثر

.....اوكي تصبح على خير باشا

.....وانتي من اهل الخير

منار

....نعم

......اي شي تحتاجين اني موجود

.....اوكي

.....دربالج على نفسج

.....شو تغيرت وكلبت بسرعه عبالك

....لاوالله بس هيج كلت خاف تحتاجين شي

.....هشام لتقربني منك حتى لابعدين ابتعد وكلي وجع

التهي بحياتك وعوفني لحياتي

يتبع .....