الضابط والحسناء

بارت 2

البارت الثاني

...من اكلك متتحمل حجايه مني دكول لا

.....والمطلوب ياست رواء بهالليل شنو شتريدين

..ماااريد منك شي

....اذن خلص روحي نامي التهي بااطفالج

.....هشام

....يانعم

....الله يخليك ارجع مثل الاول

.....من ترجعين انتي مثل قبل

....يعني شلون

......تعرفين شلون واذا ماعرفتي فالمشكله عندج عظيمه

اذن

عفتها واكفه وعقلها يودي ويجيب بكلامي ودخلت جوة

وظليت كاعد ماااكدر انام بعدين نعست ونمت

بس من هذا اليوم بدت حياتي تاخذ طريق آخر

طليت فترة متردد اتصل بمنار مرة ثانيه

ولكن اتصلت وحاولت عدت مرات اتكلم وياها ولكن هي رفضت اخرشي مسحت رقمها

وكلت خلص لهنا وكافي لعب جهال على شنو مدوخ نفسي ويا هيج وحدة

ميت وحدة اجيب غيرها

بس هي بقت بالي

و دائما الحياة تلعب دورها

اتصلت عليه منار وطلبت مني خدمه

طلبت مني انو اساعد ابن خالتها متعارك وياشباب وماخذيهم الشرطه

طبعا هذا الموضوع سهل بتلفون واحد اطلعه

وفعلا اتصلت وكالو هسه نطلعه

واتصلت بيها.

..... هلو منار

....هلو باشا

....ههههه حلوة هاي مال باشا

....اي كلش حلوة

....خابرت وهسه شويه ويطلعو

.....مانعرف شلون نشكرك هاي صار ثاني مرة ساعدنا

...لاعادي ماسويت شي

....حلوة هاي الصفه الي بيك الي تساعد الناس

هاي ويا الكل لوبس ويا البنات الحلوات

هههه

.....لابس ويا الحلوات ههههه

...صدك

.....لااكيد اني اساعد الكل هذا واجبي

..اي حلو هيج

.....محتاجه شي

.....لاسلامتك واشكرك مرة ثانيه

....لاتدللين

وسلمت عليها وسديت التلفون

ومكانت هاي اخر مرة اتصل بيها

ومنا بديت اتعلق بمنار وبديت مع العلم.

احنا دائما نتكلم تحت مسمى اصدقاء

اكتشفت انو منار هوايه مختلفه عن الي مرن بحياتي بيها شي مميز كانت اغلب الوقت تسئلني عن اطفالي

عن زوجتي عن حياتي

مكان بينا كلام حب مجرد اثنين جمعهم صوت حبيت

الروح الي عدها سوالفها كلامها و مكنت اتصل بيها هوايه ولكن هي اخذت حيز جدا كبير بحياتي

ابتعدت عن كل الي اعرفهن لدرجه انو غيرت ارقام تلفوني

وكمت بس احجي ويا منار واستمرينا اصدقاء كانت واعيه ومثقفه بشكل

مكنت اكدر اكللها اريد اشوفج

مكنت اريدها تحس انو اني يهمني بس شكلها

همت وياها بخيالي وباافكاري

ومر مايقارب اربع اشهر على صداقتي ويا منار كل يوم احجي وياها بس ولامرة كتلها احبج او معجب بيج وهي ايضا

وهذا الي جذبني لهاي العلاقه حسيتها صديقه

ولكن ماكوشي اسمه صداقه بين الرجل والمراة

دائما مشاعر الرجل تغلبه

ولاني ولاول مرة احس بااحاسيس مختلفه هالمرة حسيت كلبي

بدة ينبض بدة يدك

والعلاقه الي جمعتني بمنار كانت علاقه خجوله

حلوة لمن نحب ونخجل من الي نحبه

طول هاي الفترة رحت بعالم اخر

كمت طول مااني كاعد افكر بمنار

بالي يمها

بس لمن سئلت نفسي وين راح توصلني هاي العلاقه هالمرة

مالكيت جواب عن سؤالي

لان ماااعرف وين راح اوصل

واليوم

ولمن وصلت لمكتبي وخابرت منار

كانت موعلى بعضها

.....منار صباح الخير

...هلو باشا. صباح الخيرات

....شلونج

....يعني زينه

...خير بيج شي

....لا

....احجي منو وياج

....صدك ماكو احد

....لعد ليش ضايجه

.....هشام اني هوايه فكرت و ترة الي دنسوي موصح

....شنو الي دنسوي

.....اني داخذك من حياتك

.....هي دائما جانت حياتي هيج

....يعني قصدك دائما بيها نسوان

...اي

....صراحتك الزايدة محلوة تعرف

....اي اعرف

.....وبرغم هذا تحجي بصراحه

....طبعي مااكدر اغيرة مويكولون الي بالبدن ميغيره بس الجفن

....اسم الله عليك الله يخليك ويحفظك لزوجتك وللاطفالك 

....اشكرج

....اني مااريد احجي وياك بعد

....ليش

....داحس نفسي انسانه موزينه مااعرف شلون هيج ظليت احجي وياك كل هاي الفترة

... اي براحتج

....انت مغرور

....اعرف

....شنو الي متعرفه لعد

....انتي

....شلون يعني

.....انتي مااعرفج انتي الي اريد اشوفج اريد اعر ف هاي الي تحجي ويايه شلون شكلها اريد اعرفها اكثر

....بس اعتقد كان باااستطاعتك تشوفني بطريقتك الخاصه

...اي اكدر بس اريد اشوفج برضاج‏

.....ليش

....لان اكيد ملامحج راح تكون احلى

....يجوز اطلع محلوة

....مومهم

....معقوله هشام باشا الي معروف عنه يحب الحلوات ميهتم

...اي تصير ليش لا

......اسفه

....على شنو

....على اقتحامي حياتك

.....انتي مو اول وحدة بس انتي تختلفين بس اكيد احترم قرارج

..... اشكر تفهمك انت انسان جيد بيك هوايه صفات حلوة

عوف كلشي وارجع لحياتك ارجع لمرتك وللاطفالك

عيش فرحتك الهم

....انتي متدرين حياتي شلونها فلتحكمين

.....الي عرفته منك كافي

....يجوز رسمتلج غير واقعي

،...انت متكذب والله يساعد زوجتك عليك

لان اكيد هوايه تجرحها

....ههههه لا لتخافين

....الي تحب واحد مثلك مثل الي تلعب بالنار

....وانتي خايفه من هاي النار

.....خايفه لاتحركني وتالي اصبح جمر

اني اتمنى اسمع اخبارك بخير واتمنالك السعادة وين متكون

....اسكرج ولكي بالمثل

....مع السلامه

....الله وياج

حسيت دمي كام يغلي

الله يلعن اليوم الي ساعدت امج بي ودخلتي لحياتي

مااعرف شصار بيه

ماكدرت اظل كاعد بالمكتب تركيزي تشتت

كمت وطلعت ورحت للبيت

دخلت شفت رواء نايمه وادم كاعد ديلعب بالمكياج ومدمر البيت

كمت اعيط و اني منا عصبي

.....رواء

....ها هشام اجيت

....لابعدني

هاي شنو ابنج متعرفين تنتبهين عليه شويه شنو سالفتج

طفل لعب بشي وكع صار بي شي

....راسي يوجعني ونمت

..... اي وعايفه الطفل وحدة

....انت ليش صاير دور عليه حجه

.....رواء ترة وصلتيها لهنا كل شويه وطالعتلي بحجايه متحبني بارد احذر مني

انت دور حجج عليه شنو سالفتج سويلج حاجه مفيدة احسن من هذا الكلام

...مثل شنو

....والله ماعرف انتي تعرفين

.....ترة اني تعبت وهذوله هم تعبوني

...والمطلوب ياست رواء

....جيبلي خدامه حتى اتفرغلهم اني

....ها حلوة هاي مال خدامه زين احنا وين جنى دنحجي وانتي وين رحتي شو انتي تفرين بصف السالفه

.....اني تعبانه وراح اروح لبيت اهلي كم يوم ارتاح

وارجع

...الله وياج انتي كل كم يوم رايحه لااهلج عادي شنو الجديد هسه اخابر السايق يجي يوصلج

باوعت عليها وشالت ادم وراحت واني كعدت

وشغلت التلفزيون

وشويه ونزلت رواء والجهال مبدلين وبيدها جنطه

وعلي وادم ركضو عليه

يبوسوني

.....راح اروح

.....الله وياج

....ادم حبيبي

....ها هشام

....ههههه كم مرة كتلك لدكلي هشام كلي بابا

....ها بابا

....اريدك تصير عاقل

...تعال ويانه

....لاحبيبي عندي شغل عود اجي عليك اخذك انت وعلاوي اطلعكم زين

....اي زين

.....يله علاوي تعال انطيني بوسه حبيبي

يله السايق برة طلعو

...بيباي بابا

....باي

وباوعتلي صفحت وطلعت

واني درت وجهي من سمعت صوت الباب نسدت

طلعت جكارة وشعلتها وظليت كاعد وافكار هوايه براسي

مااادري شااريد

بس مواصل لهاي المرحله من قبل

شنو الي ديصير ويايه

وحاولت التهي بدوامي واطلع ويااصدقائي واليوم العصر رحت على ادم وعلي واخذتهم وطلعتهم واشتريتلهم ال**ب ورجعتنهم ولمن رجعت شفت ام رواء واكفه بالباب

..... هشام شلونك

.....هلو الحمدلله

،...اريد احجي وياك

....اوكي خلي اطبك السيارة واجي

....يله اني جوة بالصاله ادخل

... ميخالف

وخرت سيارتي من الطريق وكفتها على صفحه ونزلت

ودخلت جوة وتوجهت للصاله جانت ام رواء كاعدة

....تعال هشام عيني

رحت كعدت

هشام ترة هاي مو حاله انتو يوميه هيج تتعاركون

انت تعرف رواء شكد تحب وممصدكه صارلكم خمس سنين مزوجين

انت لشوكت راح تخلي الماضي يااثر عليك

...رجاءا لجيبين هذا الموصوع مثل كل مرة

ممااثر عليه شنو تريدون سولي يحاء نفسي

هذا الموضوع مأجاي بالي

....اني موقصدي اذكرك بس حبيت اكلك عقد الماضي لتأثر عليك

.....اني ماعندي عقد لتحاولون تغيرون الموضوع بتج كل كم يوم وطالعه من البيت

....بس انتو ازوجتو عن حب

..... هههههه ياحب هذا شنو دتريدين تحسسيني اني جنت احب بتج وزوجتها انتي تعرفين ليش ازوجت بتج

وشنو الظروف

.....بس هي تحبك وهوايه وانت تعرف

.....كمت ماااعرف شي

.....انت متغير هوايه هشام انت اكيد تعرفت على وحدة

وحبيتها

....مامضطر اجاوب وابرر لااي احد

...اني ماااريد تخرب حياه بنتي ولتخلون هذوله الاطفال يدفعون نتيجة أخطائكم

صفنت بكلامها

وشفت ادم كاعد بالكاع وديلعب بالسيارة

....الله كريم

...هشام اخذها وياك واخذ جهالك لتخلي الفجوة الي بينكم تكبر

.....لا عوفيها كم يوم يمكم وبعدين عود هي ترجع

من تريد

....هسام وتالي ويا هالغرور والخشم اليابس الي عندك

ترة هيج حياتكم متمشي

....اني رجال بس احجي ويا بنتج خلي تتغير

..... وانت متتغير

....اني راح اروح

.....الله وياك

طلعت من بيت رواء واني افكر بكلام امها صدك هذوله الاطفال راح يكونون ضحيه بس الدنيا دتفتر بيه ومدتخليني اشوف طريقي

وكفت السيارة على صفحه وطلعت تلفوني وجان احس السيارة ندفعت بيه وصوت كلش قوي

باوعت بالمرايه جانت سيارة ورايه

شمرت التلفون ونزلت

باوعت السيارة من ورا مضروبه 

وجانت الي دسوق بنيه وبصفها كاعد رجال جبير ولد شاب ليورة

كمت احجي بصوت عالي

.....شبيج مدتباوعين

......نزلت كالت اسفه

ونزل هذا الولد الي كاعد ليورة وكام يحجي زايد

.....كتله روح منا قبل ماأبتلي بيك

....اني اخابرلك فلان شخص

....شوف انتو اجيتو ض*بتوني وشفت بنيه سكتت ماحجيت

بس والله اذا اكمشك اسويك بس عظام

شفته كام يشمر بالحجي

.....يعني فوك حكه دكه

وردتها من الله كمشته ض*بته لحد مرتاحيت ولتمت العالم وكتبت رقم السيارة وكتلهم

....اني اعلمكم  انتو مومال احترام ظاهر

طبعا مااسويها ابد اكعد اض*ب احد لان ممصادف احد متعرضلي ودائما اخذ المواضيع بتفهم بس هالمرة

فقدت اعصابي وكلشي التم عليه رواء ومنار والمشاكل الي بالشغل

وومشيت بسيارتي وبتعدت عنهم

شلت تلفوني وخابرت منار

ظل يدك مجاوبت

لج جاوبي انتي منين طلعتيلي

وسديته وبعدها شفتها ددك هي

....الوووو

.....اريد اشوفج

.....شنو

......الي سمعتي

....اسفه بس ياهشام احنا حجينه بهذا الموضوع

.....اعرف بشنو حجينه بس اني اريد اشوفج

.....اسفه ماااكدر اني كلتلك احنا مانرهم سوة

....موبكيفج

.....لعد بكيف منو

....اوكي اوصل للبيت واخابرج هسه سويت حادث والحادث الثاني احتمال اموت بي

.....اسم الله ليش دائما تجيب طاري الموت

......لان الموت الشي الوحيد المريح

.....انت هشام كلشي يكون الك بس تطلب

.....واني مااريد كلشي اريدج انتي بالي وكلبي وعقلي اخذتيهن مني 

...اني موعلى بعضي من عرفتج لحد الان صوتج وكلامج تعبني اني كلش ضايج ومااريدج ضوجيني

اني اريد كلما احجي وياج ارتاح مواضوج وانغث

...... اني نعجبت بيك من اول مرة شفتك وقربك مني مشكله جبيرة

وكفت السيارة

.....منار اني ضايج رجاءا لضوجيني اكثر

اني عندي مشاكل كومه فوك راسي

اني اريد اهرب من مشاكلي الج

.....وبعدين

....مااعرف

....روحلها.

...منيه 

...زوجتك

.....لا

.....ليش

.....منار عوفي هذا الموضوع

....شتريد مني هشام الله يخليك لتخليني اعيش بدوامه

اني كتلك الي تحب واحد مثلك مثل الي تلعب بالنار

ياريت لو عارفتك من قبل

جان يمكن هوايه شغلات تغيرت

......اوف

اني اريد اشوفج منار

...ماااكدر

....اوكي براحتج

....لتزعل ولضوج هشام

....معليج بيه يله روحي

.....ليش هيج تحجي ويايه

....ترة ضايج ومالي واهس اخذ وانطي

هههههه

......لا بس انت غريب على دقيقه تكلب واني مااحب هيج انسان

...لتحبين لعد احسلج

...هههههه

.....هم ضحكت بابا سكتي

....ههههه بس والله حلو انت من صير عصبي

.....اي الله لايشوفج من اصير عصبي

......صدك

.....اي

....خاف كاعد تخوفني

.....لامداخوفج داحجي الصدك

...اوكي راح اروح هسه اني

.....روحي

..... مع السلامه باشا

....مع السلامه

ههههههه والله هاي البنيه بس دكلي باشا تغير مزاجي واكوم اضحك

بس يامنار راح اشوفج باااي ثمن وبااي طريقه

كانت

وثاني يوم قررت اشوفها بس اجتني أوامر انو اروح التحق

لمدت  اسبوعين وكان لابد انو التحق

والتحقت كان التحاقي بالموصل

جان اكو قتال

جنت اكدر ماالتحق جان خابرت احد وطلعتلي ميت عذر

بس مامسويها فديوم

حياتي الشخصيه شي وشغلي شي ثاني

من البس البدله العسكريه واحمل سلاح

احس نفسي اتحول للانسان ثاني

واصير انسان بجزئين مختلفين يمكن لان اني مااهاب شي او لان تعلمت اعيش هاي الحياة واعيش حياتي بنصفين

مختلفين ومتناقضين

اول ماوصلنا هناك حسيت بريحه البارود وريحه الدم

حسيت بالظلمه برغم ضوة الشمس مر كم يوم واني ماانام واحس كل شويه وراح يصير شي ينهي حياتنا ‏

كنت اتصل ب علي وادم يوميه واسمع صوتهم واحس بالراحه

بس راحتي جانت ناقصه وجاني مسج من منار كاتبه بي

((( حبيت اطمئن عليك))))

ضحكت لان الي داعيشه ويا منار مثل ال**ب الاطفال تختل وألكيها وبعدها اختل وتلكيني

اغيب وبعدها ارجعلها ونفس الشي هي

ترابط غريب عبالك الدنيا مصرة انو نلتقي او نحجي مع بعض

رديت عليها

((((اني زين واني حاليا بالموصل)))

يمكن حبيت اشوف راح تقلق عليه

(((صدك بس الوضع يمك خطر كلش))

((((اي اعرف بس الله الحافظ )))

ودكت عليه

.اول مجاوبت حسيت الروح ردتلي مااعرف ليش جريت نفس وحسيت دخل هوا وكدرت اتنفس

....مساء الخير ‏

.... هلووو. هشام انت زين

....اي الحمدلله

....قلقتني عليك

....ماكو شي

وسمعت صوت بتلفوني باوعت الشاشه كان رقم رواء

بسرعه سديت التلفون من منار وخابرت رواء

جان بالي يم علي وادم خفت لابيهم شي

وجان ادم ديخابرني حجيت وياة وبعدها سديته

وانتبهت انو اني سديت التلفون بوجه

منار

هذا قلقي على اطفالي تغلب على كلبي

وهذا الفعل البسيط خلاني اسئل نفسي اني اكدر اخلي اطفالي يعيشون حياة معذبه مابين ام واب منفصلين او مومستقرين بسببي

ماتصلت بمنار بعد ولاهي اتصلت بيه وخلص الاسبوع واليوم موعد نزولي لبغداد جنت كلش تعبان لان هاي الاسبوعين تعبتني وتعبت نفسيتي من كثرت الاشياء الب*عه الي شفتها

اول ماوصلت للبيت زينت لحيتي وغسلت ونمت وكعدت على صوت الباب

وسمعت صوت ركض على الدرج ضحكت كلت هذوله

الشياطين ‏ الصغار وصدك نفتحت الباب واجوي وكمزو عليه

شكد مشتاقلهم ظليت العب وياهم وجانت رواء واكفه

محجيت وياها وهي محجت شي

ظليت كاعد وياهم وبعدين بدلت وطلعت وخطواتي ودتني يم بيت منار

وظليت شويه واكف وشفت بنيه طلعت وكفت تقفل الباب بالقفل نزلت من السيارة ومشيت على كيفي

ورحت وكفت وراها

وندارت وشاف*ني

وجان توكع المفتاح من يدها

....هشام

ظليت اباوع عليها وهي ظلت تباوع عليه

ابتسمت ‏إلها

....منار

يتبع .....

1

#الكاتبه #روجمان