بارت 7
635 Words
البارت السابع
....راح ادكوليلي تحبها راح اكلج ماادري
...نار بكلبي ياهشام نار مداكدر اسوي شي هسه حسيت من ددكلي مرتك
لاراح اعيط ولا راح اغلط لان خسرت
بس هو منو الي خسر اني لو هي
مداعرف كلي انت كلي شسويتلج رواء حتى خلتك عين الها وعين لغيرها
.....هوايه اذتني لج اني هشام لج اني الدنيا كلها تخاف مني وخليت الناس تحسبلي الف حساب من امشي ومن احجي ولج اني املي اي مكان بوجودي بس رواء جرحتني واذتني
....شسوت خانتك
.....خنزرت عليها
انتي مو تستغلين الظرف حتى دكعدين تحجين عليها
....ريحني فدوة كلي ترة اني هسه المغفله
الي اكلت الفلم هذا كله
....تصورين الخيانه شلون اصير
....بهوايه طرق
...صحيح الخيانه موبس بالجسد الخيانه بالنظر وبلااحساس
وبالشعور
... ليش متركتها
...مااكدر لان مااريد اشوفها م**ورة بس هسه تعبت
...هههههه شوف شلون اني متفهمه وكاعدة احجي ويا رجلي الي صارلي عشر تيام مزوجته عن مرته السابقه وحبه الها
سبحان الي انطاني هذا البرود بس لوتعرف شنو بكلبي وشداحس
جان خفت تكعد كدامي
....اني موماااحبج اني نعجبت بيج و
...اي لتكمل انت نعجبت بيه ردت داوي جرح بجرح
لعدمن انت تحبها ليش هيج سويت ليش دخلتني لحياتك ليش هيجي وجعتني
انت وراك سر جبير كلي علااقل شضام عني اني هسه اكتشفت انو اني جنت مغيبه عقلي وجنت مغفله ومجنت انتبه من تحجي عن رواء وشلون ضوج وشون متقبل اجيب اسمها
هسه يله حسيت انو انت تريدها بس دتكابر
مدااعرف شسوي مدااكدر اكعد حتى اكعد ولاداكدر اعيط
ولا داكدر ابجي اكو فد شي واكف بزردومي
مديخليني اتنفس
والله ماسويت شي بس حبيتك بس اي بكتك منها
وجانت تض*ب على راسها وشكد جان شكلها هادئ
بس هسه تحولت لوحدة عبالك مخبله تروح وتجي متكعد وتحجي
واني جنت مااجاوب بس اباوعها
...ظل ساكت انت تريد تخبلني مو
رفعت حواجبي يعني لا
تقربت مني وجان تض*ب الكوب مال جاي الي كدامي والجكاير وكعتهن بالكاع وطشرت الجكاير وطشرت الكزاز
مال كوب وجان صوته قوي
....شدسوين دفعتها وكمت وكفت
... باوع ياباشا كلبي طشر مثله تكدر تلمه
نزلت عيني بالكاع وشفت الكزاز
...اذا كدرت الم كلبي
وعفتها وصعدت للغرفه لبست العسكري مالتي ونزلت اخذت المسدس وخليته بالحزام مالتي
ودنكت اخذت جكارة من الكاع واخذت الجداحه وتلفوني وطلعت رحت للدوام
ظليت لليل وبعدين من طلعت رحت للبيت القديم
ومخابرت منار
رحت للبيت وجان بي اضويه مفتوحه
وكفت السيارة ونزلت بسرعه
وفتحت الباب بالمفاتيح
ودخلت جانت اكو جنط بالكاع وملاعيب مال علاوي وادم
بس جان البيت هدوء
صعدت للغرفه مال علاوي وادم جانو نايمين
ماتقربت عليهم خفت لايكعدون
فتحت باب غرف*نا شفت رواء نايمه ومغمضه عينها بس بااذانها سماعه
نزعت الحذاء مالتي باب الغرفه ورحت
على كيفي جريت السماعه وجان تفتح عينها
..لتخاف مدااحجي ويااحد
وجان اجر السماعه طلع صوت ااغاني
طفت التلفون
وخليته يم الكومدي
وكعدت
....خير جابك هنا
....انتي جابج هنا لوناسيه هذا بيتي
...لا مانسيت بس انت عندك غير بيت روح هناك
وهذا البيت منا وجاي نكعد بي اني وجهالي وانت تنطينا مصرف ولو اني مامحتاجتك بس هذوله مسؤوليتك
....هذا بيتي اجي بي بالوكت الي اريدة
....لا
تقربت منها
وصرت بوجهها
...انتي بعدج مرتي
..هم لا انت بعد متعنيلي شي
....شنو الي تريدين توصليله بهاي التصرفات
....الي انت جنت تريدة من زمان
....اظاهر انتو كلكم تريدون ارجع اتعامل وياكم
بلااحساس
ارجع هشام الي متن**رله حجايه
ترديني احاسبج لو ماكو شي ي**ر عينج
....متكدر تحاسبني على شي
...متاكدة
... روح حاسب نفسك وانت لو صدك هسه دكلي انتي طالك
وتخلصني
...مااطلكج والله لاطلع عينج واخليج تتمنين الراحه
هسه. انتي دستي على وجعي وانتي راح داوي بس بوجعج
..هههه ضحكتني
...راح اضحكين هوايه يارواء هوايه انطيتج فرص بس ماشفت شي تغير
...اي حقك لان اول فرصه رحت زوجت
...لانج غ*يه لو تعرفين اني تعبان وبحاجتج واريدج
مجان ظليتي تتغابين وتسوين تمثليات
ويوميه عايف*ني وطالعه
لانج بيدج خليتيني بحاجه لغيرج بسوالفج وبااحساسي الي موتي وبعدم الثقه الي زرعتيها بيه
...دتبرر موقفك
..اني مدابرر شي ولا بحاجه انو ابرر لااي احد
سمعتي
...وهسه شتريد
...ههههه منج اريد لاتحلمين
...والحلم انت الي مراح تنوله
....الايام جايه هوايه
يتبع ....
- Writer
- chap_listContents
- likeADD