NAKATINGIN LANG ako sa sugat kong ginagamot ni ninong Stephen pero paminsan-minsan ay sa mukha niya ako napapatitig.
Seryoso si ninong habang nililinis ang mga dugong natuyo. Nakakunot ang kanyang noo at paminsan-minsan din ay nagtitiim ang bagang niya sa hindi ko malamang dahilan ay para siyang galit.
"Talagang prinsesa namin may taga-gamot pa." tito West said habang pinapanood ang ginagawa ni ninong Stephen.
Hindi ako umimik sa sinabi ni tito West pero pinanood ko ang naging reaksyon ni ninong Stephen na medyo ngumuso. Napalunok ako nang mapatitig sa natural na kulay pula niyang labi.
Nawala lang ang atensyon ko do'n nang magsalita siya, "Okay na.." aniya na may naglalarong ngiti sa labi.
Napaangat ang paningin ko sa mata niya na parang natutuwa sa nasaksihan.
"Haaays naku! Ang clu
