“Hunny…”
Nag-angat si Paprika ng tingin sa papalapit na si Llewyn na kasalukuyang nagtatanggal ng suot na helmet. Ang usapan nila ay magkikita na lang sa isang mall sa malapit at doon s’ya susunduin nito kaya nagulat pa s’ya nang makita ito sa tapat ng RD Pharma pagkalabas n’ya doon.
“Llewyn! What are you doing here-”
Hindi na n’ya naituloy ang sinasabi nang biglang may kotse na bumusina sa gilid n’ya. Sabay pa sila halos na napatingin ni Llewyn doon at halos mahigit n’ya ang hininga nang makita si Jarvis na bumababa mula doon. Agad na tiningnan n’ya si Llewyn na kunot ang noong nakatingin pa rin kay Jarvis. Agaran ang pagdapo ng kaba sa dibdib n’ya lalo na nang lumapit ng todo si Jarvis sa gawi n’ya at mabilis ang mga kilos na hinalikan s’ya sa pisngi. Nagulat s’ya sa ginawa nito at ha
