Wasak na gate, malalim na hukay na dulot ng pagsabog, at mga sirang bahay o gusali ang nadatnan nina Hexur ng dumating sila ng Haito Compound. Ang mga duguan na Haitos ay isa-isang dinadala sa hospital ngunit ang mga pwede naman gamutin ng kanilang mga kasamang doktor ay nagpapaiwan na sa compound.
Ang bahay na tinutuluyan ni Hexur ay maraming mga butas dahil sa tama ng bala. Bakas sa pader ang pinagdaanan na panganib ng mga kasama sa bahay ni Hexur.
"Boss, si Morie, tinangay siya ng mga tauhan ng Vinsue Mafia Organization," umiiyak na sabi ng matandang kusinera.
"Nakatitiyak ba kayong Vinsue ang mga walang pusong sumalakay dito sa atin?" galit na tanong ni Hexur.
"Oo, boss. May iniwan po silang sulat para sa iyo."
Kinuha ni Hexur ang sulat sa isang maliit na kapirasong papel. Pag
