Isang linggo na ang lumilipas ngunit wala pa rin si Jomar. Hindi malaman ng mga kasamahan nila kung saan napunta ang pinuno ng mga bodyguards ng kanilang mafia prince.
Pinabalikan ni Hexur ang lugar kung saan nila nakasagupa ang grupo ni Karl ngunit hindi nakita roon ang bangkay ni Jomar. Wala rin nakuhang records sa mga istasyon ng pulis na nahuli ito.
Malaking palaisipan sa magkasintahan kung nasaan ang isang taong itinuturing din ni Hexur na kaibigan. Gustong paghinalaan n'ya si Cedric sa pagkawala ni Jomar ngunit pinatunayan ni Froilan na ng mga oras na iyon ay magkasama sila ni Cedric sa Haito Compound at nag-eensayo ang huli.
Hindi mapakali si Hexur. Panay na rin ang tingin niya sa kan'yang pulsuhan upang makita kung nagbalik na ang kan'yang balat sa braso. Gusto kasi niyang ma
