"PAANO PO kayong nakaligtas, mommy?" tanong ni Azariah sa ina habang nakaupo sila sa sala.
Ginagap nito ang palad niya saka nagsalita, "anak, hindi totoong naaksidente ako. Palabas lang ang lahat."
"P-po?"
Tumingin ang mommy niya kay Aga na
napangiti naman sa kaniya saka bahagyang tumango. Lumipad ang tingin niya sa mga kasamang nandoon sa sala.
Lahat ay nakayuko na tila ayaw magsalita.
Kahit ang nobyo niyang si Von ay nanatili lamang na tahimik. Kumunot ang kanyang noo kasi wala siyang maintindihan sa mga nangyayari.
Tumikhim muna si Aga bago nagsalita, "Ang narinig mo rito sa mansyon na pag-uusap ng mommy mo at ng kidnapper ay hindi totoo."
"Paanong hindi totoo?"
"Ang kausap ng mommy mo no'ng oras na iyon ay si Kean."
Lumipad ang tingin niya kay Kean na kumaway naman sa ka
