SI CADENCE ANG napapangiwi habang pinagmamasdan niya si Aga na nililinis ang sugat nito. Sa mukha lang nito siya nakatingin dahil hindi naman niya kayang tingnan mismo ang sugat lalo na sa bandang dibdib nito. Gusto niyang pagalitan ang sarili kaya naman paminsan-minsan na iniiwas niyang ang tingin.
"H-hindi ka ba nasasaktan?" tanong niya habang nakatitig sa mukha ng binata. "Dapat yata ay ibalik natin sa ospital iyan para sila na mismo ang maglinis. Baka mamaya ay mapaano ka pa."
"Marunong ako maglinis ng sugat, huwag ka mag-alala." Pinagpatuloy nito ang ginagawa habang siya naman ay tumayo.
"Dapat nga pala ay hindi manok ang kinain mo kasi malansa iyon."
Hindi kumibo si Aga. Tahimik lang ito sa ginagawa.
"Anong gusto mong kainin mamaya? Gusto mo ba magpadala na lang tayo rito mula s
