DALAWANG ARAW ang lumipas mula nang masagip si Cadence mula sa mga kidnappers ay umuwi na siya ng kanilang bahay. Tumagal nang ganoon dahil ayaw ng daddy niya na umuwi siya na may masakit pa sa katawan. Siniguro nito na maayos na talaga ang kaniyang lagay habang si Aga ay nanatili pa rin sa ospital.
Mahigpit na yakap ang binigay sa kaniyang ng mommy niya pati na ng mga pinsan niyang mga umiiyak pa. Alam niya na masaya lamang ang mga ito pero iba ang iyak ni Azariah. Pany din ang sorry nito kahit wala naman itong kasalanan.
"Para kang sira. Sorry ka nang sorry e wala ka namang kasalanan!" aniya habang hinahaplos ang ulo ng pinsan na nakayakap sa kaniya.
"Hayaan mo na lang iyang pinsan mo. Na-miss ka lang niya siguro," wika naman ng kaniyang mommy na ngayon ay hawaka ng isa niyang kamay.
