DAHIL SA BINIGAY na antibiotics ni Migs kay Aga ay napabilis nga ang paggaling ng sugat nito. Masigla na rin kahit paano ang binata. Nasa garden si Cadence at nagbabasa ng libro ng hapong iyon nang makatanggap siya ng tawag mula kay Aga. Katabi niya ang mommy niya na ganoon din ang ginagawa.
"Nasaan ka?" Iyon agad ang tanong niya rito pagkasagot.
"Miss me, baby?" tanong nito dahilan upang mapangisi siya pero agad din nawala dahil napansin niyang nakatingin ang mommy niya at halatang nakikinig.
"Miss mo mukha mo. Hinahanap ka ni daddy," aniya kahit na totoo namang namimiss niya ito. Ginamit lang niyang dahilan ang ama na totoong hinanap sa kaniyang ang nobyo.
"E, ikaw? Hindi mo ba ako hahanapin?" tanong nito na mas pinagulo ang t***k ng kaniyang puso.
"Hindi." Pilit niyang tinago ang n
