"MAGKAIBIGAN KAYONG dalawa?" tanong ni Cadence kina Aga at Migs. Kapwa tahimik lang ang mga ito habang siya naman ay nakatayo sa harap. Ang daddy niya ay lumabas muna dahil may kausap sa cellphone.
Napansin ni Cadence na um-okay na ang nobyo mula nang may ipainom ang doktor na kaibigan. Marahil ay antibiotics na iyon kaya umayos na ang pakiramdam ni Aga kahit paano.
"Oo," ani Aga na tiningnan pa si Migs. "Kagaya namin ni Atty. Harold, isa rin siya sa scholar ng abuela mo noon."
Hindi makapaniwala si Cadence. "Wow! Don't tell me na may iba pa kayong kaibigan na naging scholar din ni Abuela at iba-iba kayo ng propesyon!"
"Ganoon na, Miss Cadence. Actually ay 5 kami."
"5!?" tanong niya na nanlalaki ang mga mata. "So, sino pa ang dalawa?"
"Well—"
"Migs."
Sabay silang lumingon kay Aga
