DAHIL KAILANGANG makainom ng gamot agad ni Aga ay hindi na nagluto si Cadence. Nagpahatid na lang siya ng pagkain mula sa mansyon at pinasamahan na rin niya ng gamot. Sinigurado ni Cadence na lahat ng kakailanganin ay madadala roon sa bahay ng nobyo.
Habang naghihintay ay pumasok muna siya sa loob ng silid upang punasan si Aga gamit ang bimpo. Sandali pa muna niyang pinakiramdaman ang binata at nang masiguro na tulog ito at maingat siyang naupo sa tabi nito. Bahagya pa siyang natawa nang makitang salubong ang mga kilay ni Aga kahit pa himbing itong natutulog.
Magaan niyang sinalat ang pisngi ng nobyo pati sa noo. Mainit pa rin ito. Marahil ay dahil iyon sa sugat na mula sa tama ng bala. Bumuntong-hininga na lang siya bago hinawakan ang bimpo at binasa. Piniga niya iyon at dahan-dahan na
