Ilang minuto ang lumipas nang huminto ang motor ni Itay sa bungad ng lugar namin, kaagad kong narinig ang pangkaraniwang ingay sa nasabing squatter area.
Tanghali na ngunit malakas ang ihip ng hangin sa paligid, kulang na lang ay tangayin iyong mga bubong na kulang sa pako at pabigat na mga bato at gulong.
Bumungad din sa pandinig namin ang kalansing ng mga nagbibinggo, ang sigawan ng mga nananalo sa tong its, lalo na ang mga batang kay init ay nagpapatintero sa kanal.
Nang makababa sa motor ay maagap ko ulit inalalayan si Inay sa kaniyang pagbaba, ganoon din si Itay na buhat sa kaniyang kamay ang mga gamit namin.
Hindi pa nagtagal nang para lang kaming lumusong sa giyera at sabay-sabay ang bawat paghakbang namin papasok sa lugar, siya namang tinginan ng mga tao roon.
Sunud-sunod ang
