Run, Mirko. Rawr!
Malakas akong napahalakhak sa sariling kabaliwan, inuudyo ko pa si Mirko na siya ngayong nangungunot ang noo habang namumula ang mukha. Kulang na lang ay sapakin ako nito.
Bulgar pa kung pasadahan niya ng tingin ang kabuuan ko, katulad kung paano ako nito tititigan kanina na para bang ano mang oras ay handa na niya akong sunggaban.
Wala pa sa sariling naitakip ko ang dalawang kamay sa dibdib, nag-aanyong inosente habang pinagmamasdan ang nagsasayaw na pagnanasa sa mga mata ni Mirko ngayon.
"Huwag po, Daddy Mirko." Sa sinabi kong iyon ay nanlaki ang dalawang mata nito, tila ba hindi inaasahan ang pang-aasar kong iyon kaya mas lumakas ang tawa ko.
Napahawak ako sa tiyan ko kung saan bigla iyong sumakit dahil sa labis kong kasiyahan, maluha-luha rin ang parehong mata ko
