"Bili na kayo ng gulay na mas sariwa pa sa inyo!" sigaw ko sa mga taong nagdaraan sa harapan ko. "Ate! Halika rito!"
Siya namang lingon sa akin ng isang babae, may katandaan na ito at animo'y pinagsakluban ng langit at lupa ang mukha. Ngiting-ngiti ko siyang pinapalapit sa gawi ko.
Mayamaya ay lumapit din naman siya kaya umikot ako papunta sa harapan ng 'di kalakihang pwesto nila Jasper sa palengkeng iyon. At tama, nandito na nga ako ngayon.
Isa ng certified seller ng mga lantang gulay but of course, with a twist. Kaunting spray lang ng tubig sa mga gulay ay nagmistulan na ang mga itong fresh and yummy.
Sikretong malupit iyan ng mga tindera rito kaya shut up na lang tayo. Humagikgik ako nang malapitan ko iyong matanda, saka pa ako kumuha ng isang tali ng malunggay.
"Heto po, sa inyo n
