"Baby, siya si Ate Ellena mo," dugtong ni Mirko, kapagkuwan ay sinulyapan ang babae sa harapan namin. "And she's Tyra— ang aking butihing kaibigan."
Kaibigan? As in kaibigan lang ba talaga? Wala ng iba?
Bakit ba parang mas natuwa pa ako sa narinig na magkaibigan sila? Ang sarap lang iuntog ng ulo ko sa pader nang matauhan ang katawang lupa ko, siguro ay gutom lang ako.
Sa tinuran pa ni Mirko ay napalabi si Tyra at tila nang-aasar na nilingon ito. Kung susumahin ay magkaedad lang sila ni Mirko. Pareho kaming babae ngunit mas lamang siya ng sampung paligo sa akin.
Sa hapag ay tahimik kaming kumakain, tanging si Ella lang ang nagsisilbing tila radyo sa amin at patuloy sa kaniyang pagkukuwento nang kung anu-ano.
Hindi rin nagtagal nang matapos kami sa pagkain, matapos maghugas ni Tyra ng
