BIRTHDAY celebration ng mother ni Keith at imbitado silang mga Santiago sa bahay nito bukas ng gabi. Iyon ang inanunsyo sa kanila ni Mama Betty nang kinausap sila ni Lance sa living room ng bahay.
Pero wala roon ang atensyon ni Marissa. Pakiramdaman niya ay namamaga ang labi niya sa tindi ng paghalik ni Lance sa kanya. At ang damuho, nakatayo lang sa harap niya at nakangiti na tila ba walang nangyari. Bagong ligo ito at nakasuot na ng suit. Handa na yatang pumasok sa opisina.
“Can I skip that one? Marami akong tatapusin sa opisina, Ma,” paalam ni Lance.
“Pero sayang naman anak, personal akong tinawagan ni Eliza. Pumunta raw tayo.”
Eliza must be Keith’s mother. At sa pagkakaalam niya ay elitista rin ito tulad ni Mama Betty. Kung siya
