HERA’s POV
Si Nami ang nag-asikaso kay Bree sa kwarto at hindi ko naman pwedeng pabayaan ang estudyante ko kaya ako ang naghatid sa kanya sa banyo. “Pasensya ka na kay Bree ha. May bagong sabon d’yan sa loob. Ikaw na bahala. Ilagay mo na lang dito ‘yung damit mo.” At itinuro ko ang laundry basket sa tabi ng pinto ng CR. “Lalabhan ko mamaya.” Sabi ko saka ako naghanap ng damit na pwede niyang suotin dahil isasalang ko sa washing machine ang damit niya.
Hindi na siya nakasagot.
Mabuti na lang at may heater at mainit na tubig sa banyo. Alam kong sanay sa ganoon si Jae Hyun.
Nakahanap din ako ng maluwag na t-shirt at pants. Hindi naman siya mataba at fit naman ang katawan niya kaya baka pwede na itong nakita ko. Kinuha ko iyon sa cabinet pagkatapos kong magpalit ng damit. Nakakahiya nama
