HERA’s POV
Kapag sinabi ni Mama na persona non grata, ang ibig sabihin no'n babalian ng buto si Jae Hyun at babasagan ng mukha at ilong oras na magkamali ang boyfriend ko ng trato sa akin. Bonus na lang iyong hindi na siya makakaapak sa Binondo habang buhay. Iyon ang ginawa ng mga tropa ni Mama na kapit-bahay namin kay Andrew kaya dalawang araw lang matapos kong makauwi sa Pilipinas galing sa South Korea, 2 years ago, nawala na din si Andrew ng tuluyan sa buhay ko.
Naalala ko tuloy ang hitsura noon ni Andrew. Hindi niya maidilat ang mga mata niya at basag ang ilong niya. Naihi din siya sa pants niya dahil sa sobrang takot nang iwasiwas sa mukha niya ang bakal na baseball bat na binili ni Mama online. Akala ko naman kaya siya bumili noon ay nahilig talaga siya sa baseball dahil iyon ang
