Masakit ang ulong bumangon si Jeselle. Kinapa niya ang likuran nito at may nakapa siyang maliit na bukol. Sinapo niya rin ang noo dahil kumikirot iyon. Nang mapatingin sa bagay na nasa dibdib, saka pa lamang parang bumalik sa kaniya ang mga nangyari kani-kanilang. Aabutin na sana niya ang librong iyon nang mapatingin sa nahulog mula sa kanang kamay.
Bote?
Buti at hindi iyon nabasag. Isang maliit na bote na maaaring gawing keychain iyon. Napakunot-noong dinampot at sinipat. Saan galing ito? Ang takip nito ay isang cork pero walang namang laman sa loob. Transparent kasi ang nasabing bote.
Ipinasyang itago na lang ni Jeselle ang maliit na bote sa bulsa ng kasuotan bago dinampot ang may kakapalang libro. Tinanggal niya ito mula sa pagkakadikit sa dibdib. Pero kasabay niyon ang paghapdi ng k
