"Mama?!" nasisiyahang niyakap ni Jeselle ang natatahimik na ina. Nakarating siya sa kuweba ng mga ninunong dayo nang maayos. Tahimik ang lahat nang pumasok siya roon at abutang mukhang masinsinan ang pag-uusap ng lahat.
"Shanaya, maligayang pagbabalik sa mahiwagang lugar." Nakangiting tumayo si Liah na nasa mismong gitna nakaupo at inilahad ang mga kamay. Gayundin ang ginawa nina Shera at Misha. Marahan namang yumukod si Shanaya bilang paggalang sa mga ito. Alanganing ngiti ang namutawi sa kaniyang mga labi.
"Nakarating sa amin ang balitang kasama mo ang mahal mong asawa? Nasaan siya?" si Shera ang nagtanong ng ganap na silang nakaupong tatlo at inaalalayan naman siya ng anak na lumapit sa mga ninuno.
Napapalunok na hinalikan muna ni Shanaya ang anak sa ibabaw ng ulo nito bago huminga n
