Palingon-lingon si Torikara sa paligid. Sinisigurado niyang walang makakaalam o makakakita sa kaniyang gagawin. Ngayon ang araw na pinakahihintay niya!
Hindi siya sumama sa kasiyahan para sa ikapitong pagbilog ng buwan. Nagdahilan siya kina Bella at Tamak na masama ang pakiramdam. Muntik na ngang mabulilyaso dahil nais na lang siyang alagaan ni Bella. Sobrang bait sa kaniya nito. At hindi niya rin maintindihan kung bakit sobrang gaang ng pakiramdam niya kapag kausap o kasama ito. Pero, sinabi niyang pahinga lang ang kailangan niya. Nag-aalinlangan man na iwan siya, nagawa niyang kumbinsihin ang mga ito na umalis na. Para maisagawa na nga niya ang bilin ng ina!
Ngayon kasi ang araw na walang mga mahiwagang dayo sa paligid. Samantalang araw naman ng pahinga ng tatlong ninunong dayo. Hindi
