Ang mga pangyayari ay sadyang hindi inaasahan, bagkus ay
nagsisilbing aral naman sa lahat ng mahiwagang dayo. Ang pagiging
ganid at makasarili ay walang magandang dulot kaninuman, kaya ang
pagiging malinis ng kalooban at puso ang palaging pinaiiral sa
mahiwagang lugar.
Mula sa araw na ito, lilinisin ng inuming iyan ang lahat ng
kasalanan ninyong lahat, maliit man ito o malaki. Magkakaroon kayo ng bagong pag-asa at buhay na siya ninyong magiging gabay sa panibagong yugto ng inyong mga magiging karanasan.
Mabuhay ang mga mahiwagang dayo! Mabuhay tayong lahat!
At sabay-sabay na itinaas nila ang kaniya-kaniyang kopita at ininom ang kulay kahel na inumin, bilang tanda ng kanilang pagkakaisa. Pagkatapos na maibaba, masigabong palakpakan ang pumailanlang sa paligid.
Itinakda ang da
