اساطير العشق

الفصل الثالث(جوازه سريعه غريبه)

#أساطير_العشق

#فريده_احمد_فريد

الفصل الثالث(جوازه سريعه غريبه)

#مع يوسف الشوال_قبل أيام

فتح المحادثه يشوف مين دي اللي بعتت له فوق ال50 رساله،لكنه برق اوي للكلام وخصوصا لما قرأ جمله معينه خلته يتشل مكانه من الصدمه

««حسام ابوس ايدك،كفايه اللي عملته فيا لحد كده،بس اللي ف بطني ده ذنبه ايه،ارحمني وماتفضحنيش»»

الفون وقع من ايده،مش قادر يستوعب ان اخوه ليه طفل،معقوله تكون دي حقيقه

يوسف عصر دماغه تفكير،بعد ما قرأ ان اخوه اتسبب ف حمل بنت بنوت،بعد ما ضحك عليها،زي ما فهم من المحادثه،،يعمل ايه،يكبر دماغه،ويدعي انه ما شفش حاجه

ولا يكلم البنت دي ويأخد ابن اخوه المتوفي ويربيه،كان القرار صعب اوي،خصوصا ان محدش بيقبل بطفل ابن حرام

مسك فون حسام، وكتب لها

((تعالي قابليني ف كافيه كوكب الشرق ف وسط البلد،هستناكي بعد ساعه))

ظهر له الاسهم الزرقا،لقاها بعتت رساله صوتيه

يوسف مقدرش يسمعها،خد الفون ف جيبه وقام

استعد وبلغ اخته انه نازل مشوار،ركب عربيته،ووصل الكافيه،طبعاً مخبي نفسه ورا نضارته السودا لأنه شخصيه مشهوره

فضل يبص ف ساعته ويبص ف وشوش البنات اللي داخله،لمحها أخيراً،عرفها من صورتها ع الواتس

بس هنا كانت لابسه حجاب وعبايه بلدي اوي،يوسف بص لها بق*ف،فهم انها من حي شعبي واخوه لف عليها،او هيه اللي لفت عليه

شاور لها بأيده،راحت عليه وهيه مستغربه قالها ببرود

((اقعدي))

((مين حضرتك وبتقولي اقعدي ليه))

((انا ابقي اخو حسام الشوال))

قعدت مره واحده وبصت له بخوف،قالها بجفاء

((حسام مات))

قامت ولطمت ع وشها،زعق فيها

((اقعدي يا بت انتي،وبلاش فضايح،انتي صحيح حامل من أخويا))

عينها دمعت،قعدت وحطت ايدها ع وشها وعيطت،يوسف بص لها بق*ف،ما اشفقش ع دموعها،وحسرتها

هزت له رأسها،قالها

((متأكده ان اللي ف بطنك دا ابن اخويا))

بصت له بعين م**وره،وهزت رأسها قالها بحده وهوه موطي صوته

((هتفضلي تهزي لي دماغك،فكك من دموع الافاعي دي،وكلميني هنا))

((هوه..هوه مات ازاي))

((مات زي ما مات،بصي يا بت انتي انا مش هسألك حملتي منه ازاي وايه اللي حصل بينكم،ولا هسألك حسام عرف واحده زيك انتي ازاي،المهم عندي دلوقتى هوه اللي ف بطنك،انا ضميري مش سامح لي اني اسيب اخويا يتعذب بذنبك وذنب اللي ف بطنك،انا مضطر وصدقيني لما اقولك مضطر اوي،اصلح غلطه اخويا،عشان اقدر اربي ابنه،انا مستحيل اعرف امي انك كنت عشيقته وشايله ابنه،اللي ف بطنك دا هيتولد ابني،وانا اللي هربيه ،فاهمه،دلوقتي قولي لي انتي فين اهلك))

((اهلي،انا يتيمه يا استاذ يوسف، و اخوك))

((ششش،ما تتكلميش غير اما اقولك،معني كده انك وحيده ومالكيش حد))

((ايوا))

((خلاص من الساعه دي انتي هتبقي ملكي،هخدك انضفك و أجيب لك ناس تعلمك ازاي تتكلمي زي الطبقه بتاعتنا،ولازم هدومك وشكلك وكلك كده يتغير فاهمه))

بصت له كده وما ردتش ع طول،فضل باصص لها مستني ردها،قالت أخيراً

((انا مش محتاجه حد يعلمني حاجه،انا خريجه جامعه ،انا بنت ناس يا يوسف بيه،واقدر اتكلم زيكم كويس أوي،بس ممكن افهم منك ،قصدت ايه بكل كلامك))

((قصدي واضح يا رقيه، انا هتجوزك وهربي ابنك، بس الاول هنضفك وهقدمك لأهلي ع انك حبيبتي وهتجوزك ف خلال اسبوعين قبل ما الفضيحه تبان عليكي، بسسسس، انا بحذرك، الطفل دا اول ما يتولد، انا هعمل له اختبار ال D.N.A، وهعرف اذا كان ابن حسام ولاااا، بس صدقيني لما اقولك هندمك ندم عمرك لو طلع مش ابن أخويا))

بصت له بق*ف لأول مره،وقفت وقالت له

((ماشي يا يوسف بيه حضرتك هتبدأ معايا من بكره،لاني عندي شغل لازم اسيبه وكمان ورايا شويه حاجات اعملها))

ما استنتش رده،سابته ومشيت،رجعت ع بيتها، سابت جواب ل خالها انها هترجع البلد ومش هتضايقه تاني

لمت هدومها وحاجتها،و راحت تبات عند صاحبتها مريم،حكت لها كل حاجه،ومريم اللي دايما بتغير منها لكن ما بتظهرش دا قالت لها توافق طبعاً وتتجوز اخوه

تاني يوم رقيه اتصلت بيه ع فون حسام وراحت تقا**ه،خدها لشقه فخمه ع النيل

قال لها

((جبت لك هدوم جديده،اتفضلي ادخلي جوا،جربيها واطلعي وريني شكلك وانتي نضيفه))

بصت له بحزن كبير،قالت ف نفسها

(فعلاً من شابه اخاه فما ظلم)

دخلت الاوضه وجربت الهدوم الغاليه من غير نفس،خرجت له وهيه لابسه طقم شيك جداً

بص لها ب رضا وقالها

((تمام،هتفضلي هنا وانا هبقي اجي لك وافهمك هنعمل ايه الايام الجايه،ومن هنا لوقتها،ياريت ما تطلعيش من هنا،فاهمه))

سابها وخرج من غير ما يوضح لها اي حاجه،هيه كمان مش عايزه تتكلم معاه ف حاجه

~~~~~~~~~

#نرجع ل فدوي

موسي((فوجي يا فدوي،فوجي يا بت عمي))

فتحت عينها بألم،بصت لوشه ف وشها

((انت إيه))

موسي((ايه هوه اللي اني اي ده،انا واد عمك يا فدوي،انتي كيف اتحملتي ريحه چثه سعاد))

فدوي بدون قصد رمت نفسها ف حضنه،دفعها بعيد وصرخ فيها

((اتحشمي يا بت،هيه امك ربتك ترمي حالك ف حضن اللرجال اكده))

فدوي بعياط((انا عمري ما شفت حد غير ماما،انا اسفه،بس انا خايفه اوي))

اضطر يحضن رأسها،عشان تبطل عياط،قالها

((خلاص اهدي ما چراچ حاچه،جومي،همي خليني ارچعك الصعيد، وما تچلچيش ع چثه سعاد،انا هدفنها،وهنأخد عزاها كماني عشانك يا بت عمي))

معرفتش تعترض،قامت وخرجت معاه،قالها

((ماهنعودوش طوالي أكده،لازمن اچيب لك هدمه محترمه تلبسيها،انتي ما عرفاشي انتي من عيله مين ف الصعيد،وحاچه كمان،ما ترغيشي مع حد واصل،فاهماني يابت عمي))

هزت رأسها ومشيت معاه،كانت مذهوله من العالم اللي اول مره تشوفه بعينها،موسي اشتري لها هدوم،لبستها ف المحل

وخدها ف عربيته،طول الطريق فضلت باصه له

((واه،مالك يا بت عم تبحلجي فيا اكده ليه،اول مره تشوفي راجل،واه يا موسي،دي صحيح طول عمرها محبوسه،چولي لي يا فدوي،كيف عشتي العمر دا كله مدفونه تحت الارض،اي،امك جنعتك ازاي تعيشي معزوله عن العالم))

فدوي((معرفش،انا معرفش حاجه،انت والشئ اللي انا فيه دا،وكل اللي عينه شيفاه دا غريب عني،انا اتربيت وعشت عمري كله ف الفيلا مع ماما،وعمري ما عرفت الحاجات دي))

موسي بأستهزاء((الله يسامحك يا سعاد،شكلي هتعب معاكي چوي يا بت عمي))

وصلوا سرايا الشيخ ف قنا،فرحه كبيره عمت كل البيت برجوعها،موسي عرفها عليهم كلهم

الجده:حميده كبيره العيله بعد جوزها

العم شاكر: ابو موسي راجل صعيدي كشري

العم أسعد:مغرور العيله بسبب خلفته للصبيان

العمه رحيمه:ست حقوده بسبب خلفتها للبنات وبس

العمه فاطمه:طيبه حنونه

الجد غسان:اخو جوز حميده،راجل خبيث طمعان ف مجلس العيله لكن محدش مديله اهتمام

ولاد وبنات العم كتار

كمال وعبد الحميد وانس وازهار و عمر و حليم و بدور وعموري.

دول غير اللي ف اشغالهم

فدوي تاهت بينهم ونسيت اساميهم،

قضت معاهم اليوم بصعوبه واتحملت كلامهم الجارح ع أمها

......

ف اوضه موسي

الجده((اسمع كلامي يا موسي البت ديه،معيزنهاش تطلع من طوعنا،دي طول عمرها مدفونه،واكيد بكره هتطج وتطلب تخرچ للعالم،ويمكن حد يوسوس لها وتطلب حچ ابوها وامها،اسمع يا وليدي،ثروه سعاد ما ينفعش ترچع لأهلها،دي حچنا احنا،اسمع كلام ستك يا واد))

موسي بأحترام مجبر

((بس يا حچه لي بتطلبي مني انا اتزوچها،دي بت هبله،چهله،ماعرفاش اي شئ ف اي شئ،وانا كيف ما انتي خابره،راچل اعمال كبير،وعضو مچلس شعب،كيف عايزاني اتزوچها واچدمها للناس))

الجده((اومال عايز واحد من ولاد اعمامك ولا عماتك يغويها ويأخدها بكل فلوسها لحاله،يا وليدي انت الكبير من بعد چدك،حتي ابوك خايب،معرفش يمشي امور العيله من بعد حمدان،وانت يا وليدي،عين الجبار تحرسك دايما،راچل كيف چدك،وانا عايزاك انت اللي تحط يدك ع املاك سعاد،وع نصيب مجيد ابوها الله يرحمه،ها چلت اي))

موسي((اللي تشوفيه يا حچه))

فدوي ما تعرفش يعني ايه جواز،ولا عندها اي معلومه عن العلاقات الزوجيه،بلغتها جدتها انها هتجوزها ل موسي

فدوي ما فهمتش،قالت لها

((يعني يا بتي،موسي حفيدي،هيبچي مسؤول عنك،كيف ابوكي،هتعيشي معاه ف نفس المكان،وتنتمي چاره ع نفس السرير،اي يا بتي،هعلمك انا اياك ولا اي))

فدوي هزت رأسها موافقه،من غير ما تفهم،فجأة لقت نفسها عروسه،وف اوضه موسي،دخل لها بعد الفرح واللمه وخلافه

لقاها قاعده ع السرير

موسي((اي يا فدوي،هتضلك جاعده أكده،جومي غيري هدومك))

فدوي بعياط((موسي،انا خايفه اوي،انا اول مره اكون مع راجل،انا خايفه منك،ومش حابه افضل معاك ف نفس الاوضه،انا حاسه انكم اغراب عني،مش مرتاحه وانا عايشه معاكم،عايزه ارجع بيتي يا موسي))

موسي بعصبيه

((واااااه،اني كنت خابر بالجرف ده،جلت لك يا ستي بلاش انا مع الهبله دي،بصي يا بت عمي،انا مجدر خوفك و رهبتك مني،بس انا دلوجت چوزك،راچلك،ماينفعش تجولي لي أكده،وبعدين اتطمني يا ستي،انا ما هلمسكيش واصل،انا كمان مش حابك،انا خابر انك جميله جوي،وچمالك ما شفتش زيه واصل،بس انا مش حابك ولا رايدك تكوني مرتي،بس دي اوامر الحچه،ولازمن تتنفذ،انتي هتنامي لوحدك ع الكنبه دهيه،وانا هنام بعيد عنك،وهنعيش كيف الأخوات،و،بعدين انا ما بجعدش اهنه ع طول،انا عايش ف مصر،وباچي أهنه للشغل و بس،يعني ما هنتجابلش غير كل فين وفين اتطمني))

مسحت دموعها وقالت

((انت دفنت امي صح،ولا سايبها ف البيت))

موسي((دفنتها،اتطمني،بس احنا جولنا للناس انك كنتي مع امك ف بلاد برا بتتعلمي،وولاد اعمامك وعماتك عارفين اكده،اوعي يا فدوي تجولي الحجيجه لحد،سامعه))

هزت رأسها،وقامت تقلع هدومها وهيه متضايقه،موسي اتحرج منها،سابها ودخل حمام اوضتهم

خرج لقاها نايمه ع الكنبه،اتنفس براحه وحمد ربنا،وراح ع سريره هوه كمان

الصبح سابها نايمه ونزل،جدته اتصدمت بيه

((موسي،تعاي يا وليدي،سبت مرتك ونزلت بدري لي يا موسي))

موسي((انا هفطر ونازل مصر يا حچه،عندي چلسه ف المچلس،وفي شويه شغل متأخر،هخلص شغلي وهعاود طوالي))

...

.ف اوضه موسي

بدور((اصحي يا فدوي،جومي بجا يا **لانه))

أزهار بحقد((هيه شعرها طويل جوي جوي اكده ليه،هيه فاكره نفسها ربانزل يعني،بصي صحيها انتي انا راحه الچامعه))

بدور((يا بت يا صفرا،غيرانه منيها ليه،عشان حلوه بزياده))

ازهار((بلا حلوه،بلا ما حلواش،انا ماشيه))

فدوي بتكاسل((صباح الخير،هوه في ايه))

بدور((جومي يا عروسه،عريسك سافر من ساعتين،ومارضيناش نصحوكي،بس الحچه جالت لي اصحيكي،جومي يا جمر بجا))

ازهار((جومي ياختي،انتي هتجضيها نوم ولا اي،فاكره نفسك لساكي ف أمريكا،انتي أهنه ف الصعيد،بنصحا من سته الصبح))

فدوي((خلاص انا قمت،في حاجه يعني))

ازهار مشيت،بدور قعدت جمب فدوي،بصت لها اوي

فدوي((بتبصي لي كده ليه،انتي اسمك ايه))

((بدور،بت عمتك فاطمه،واللي غارت دي،تبجي بت رحيمه،بت صفرا زي امها،سامحني يارب،المهم يا بدر انتي جومي جوليلي عملتي اي،مع عريسك))

((عملت ايه ف إيه))

((اي يا بت هتتخابصي عليا انا برضك،جولي لي موسي دخل عليكي،اصله مشي طوالي من غير ما يدينا الامانه))

((انتي بتقولي ألغاز يا بدور،امانه ايه انا مش فاهمه حاجه))

((فدوي،موسي لمسك،نام معاكي يعني،ف ايه هوه اني بتحدت هندي))

فدوي برقت،وهزت رأسها

بدور(وليه بجي موسي ما لمسكيش،اوعي تكوني زعلتيه،لحسن دا زعله واعر جوي،وما هيف*جش معاه مرته من امه،احكي لي ايه اللي دار بناتكم امبارح))

حكت لها بكل صراحه،بدور لطمت،وفهمتها ايه اللي كان لازم يحصل،فدوي ض*بتها بالألم مره واحده

بعدت عنها وبصت لها بغضب،فدوي زعقت لها

((ايه الكلام الفارغ ده،انتي مجنونه ولا ايه،يعني انتوا جوزتوني ل موسي ده عشان ينهش لحمي،دا بعينك انتي وستك وكلكم،ماما كان عندها حق لما قالت لي ان كل الرجاله كانوا ذئاب بشريه،انا مستحيل اخلي اي حد يلمس شعره مني،انتي سامعه))

جريت ع الحمام،بدور وقفت مصدومه،نزلت حكت لجدتها،وجدتها فهمتها الحقيقه،وقالت لها

((عايزاكي يا بدور تأخدي بالك منيها،وتفهميها ان امها علمتها غلط،وتعرفيها واجبات المره لزوچها،عايزه موسي يعاود يلاجي مرته،بت واعيه وفاهمه،مش عيله هبله وع**طه،ماشي يا بتي))

بدور وافقت بزعل،عارفه ان جدتها طلبت منها هيه بالذات لأنها الوحيدة ف البنات اللي أرمله

غصبت ع نفسها وطلعت تاني ل فدوي

~~~~~~~~~~~~

#نرجع ل سمر

تعبت من كتر المشي،وصلت لمنطقه العرائس،مش شايفه ادمها من التعب،فجأة كانت هتتقلب ع وشها

لقت نفسها اتخبطت ف كيس زباله اسود مرمي ف الشارع،وطت تأخده تحطه ع جمب،بصت ع صندوق زباله ملقتش

لسه بتحط الكيس ع جمب،لقته اتفتح ووقع منه فلوس كتير،و بوك و فون شكله جديد،سمر حرفيا اتسمرت مكانها

سمعت ناس بتقرب،وطت لمت الفلوس و الحاجه كلها وجريت ع سكن البنات،دخلت الحمام وطلعت الفلوس وعدتهم،شهقت من كتر المبلغ

فتحت البوك وشافت صوره ل سوسن وعبد الله،وورقه مكتوب فيها انها بتتعهد انها خدت اسم الجمعيه بتاعها وماضيه عليها هيه واسم ست تانيه

سمر قلبها وجعها اوي قالت لنفسها بهمس

((يا حرام،يعني دي فلوس جمعيه،دا اكيد صاحبتها دي دفعت فيها سنين،هتعملي ايه يا سمر انتي ف امس الحاجه للفلوس دي،وبعدين يا ربي))

قلبت ف البوك،لقت بطاقه سوسن،وبطاقه تموين،وشويه اوراق مهمه

ضميرها وجعها اوي،حطت الفلوس والحاجه ف شنطتها وخرجت،حاولت تنام شويه والشنطه ف حضنها

لكنها مقدرتش،قامت ونزلت،قالت لنفسها بت**يم

((طظ ف الفلوس،طظ ف اي حاجه توجع ضميري،انا هرجع الحاجه دي لصاحبتها،وربنا يسامحني اني كنت هأخدهم))

سمر فتحت الفون اللي اتقفل لما اترزع ع الأرض

....

مع سليم:جت له رساله ان فون اخته اتفتح،عبدالله كان هدي ورجع لبيت حماه،لانه معندوش مكان غير بيت اهل مراته

سليم اتحمس وقالهم

((التلفون اتفتح يا جماعه انا هتصل عليه))

وقفوا كلهم متحفزين،بيدعوا،خصوصا سوسن،اللي القهره هتموتها

سمر ع الطرف التاني

((ألو السلام عليكم))

سليم((لو سمحتي ما تقفليش الخط،ابوس ايدك يا انسه،التفلون دا بتاع اختي انتي لقتيه مع فلوس صح))

سمر بتوتر((اه صح حضرتك))

سليم((طب بالله عليكي رجعي لنا الفلوس،دي فلوس جمعية،جوز اختي كان بيدفع فيها بقاله سنين،بالله عليكي بيت اختي هيتخرب))

عبدالله خ*ف الفون منه وقالها بتوسل

((انا عبدالله،عشان خاطر ربنا رجعي الفلوس،وهد*كي حقك اقسم بالله))

سليم خد الفون تاني وقاله

((اهدي يا عبدالله،انت شقيت بالفلوس دي وربنا مش هيحرمك منها والانسه شكلها بنت حلال))

سمر((بص يا استاذ،انا واللهي كنت ناويه ارجعهم،قلي انتوا فين وانا أجي لكم))

سليم((لاء قولي انتي فين وانا هأجي لك لحد عندك))

سمر((انا مش هكدب عليك،انا مش اسكندرانيه،ومعرفش الطريق،واخاف افضل واقفه بالفلوس كده كتير،انت قلي عنوانكم وانا هأخد تا**ي واجي لكم فوراً))

سليم((ماشي يا انسه،بس خليكي معايا ع التلفون،وقفي تا**ي وانا هحاسبه لما يجي))

سمر((حاضر،لحظه بس))

شاورت ل تا**ي،وركبته،ادت الفون للسواق،سليم قاله ع العنوان،وصلت لقت اكتر من سبع رجاله واقفين

خافت،سليم راح عليها بعد ما طلب من اخواته وابوه وعبد الله انهم يستنوا

سليم((انتي انسه سمر صح))

سمر((اه وحضرتك سليم))

سليم((تمام،بس فين التا**ي،انا مش قلت لك انا هحاسبه،مشتيه ليه))

سمر بأبتسامه((معلش اصله معرفش يدخل الشارع الضيق دا،وبعدين واحد يعني))

سليم بأمتنان((كلك ذوق واللهي،تعالي معايا ماتخافيش))

دخلت شقتهم قالت ل سليم

((معلش انا هدي الشنطه ل صاحبه البطاقه وبس سامحني بس عشان اريح ضميري))

سوسن جريت عليها،ووطت تبوس ايدها،سمر بعدتها

سمر((ليه كده بس يا سوسن،بتشيليني ذنب ليه،وبعدين انتوا فلوسكم حلال،خدي يا ستي عدي فلوسك وشوفي حاجتك كلها))

سوسن بعياط((واللهي مافيش شكر ف الدنيا يوفيكي حقك،محدش بيعمل كده خالص يا سمر،بجد ربنا يكرمك ويجبر بخاطرك،لولاكي كان بيتي اتخرب))

ابتسمت لها سمر بمحبه،سوسن ادت الشنطه لجوزها،عبدالله فضل يحمد ربنا

مصطفي ابو سوسن ل سمر((واللهي يا بنتي،انتي بجد بنت حلال،قولي لي انتي اصلك منين))

سمر بهزار((اصلي انا يا عمي،واللهي علمي علمك،اسألني عن اصلي دلوقتى،مشرده ف الشارع))

بصوا لعضهم اوي

مصطفى((يعني ايه يا بنتي))

سمر((يعني ماليش بيت عايشه ف سكن تبع شغلي،مصنع الألبان عموري لو تعرفه،اصلي لسه جايه من مصر،قلت اغير سكن وشغلي يمكن ربنا يكرمني))

مصطفى بص ل مراته اوي،نظرات ذات مغزي،قال ل سمر

((يعني انتي عايزه مكان دلوقتى،في اوضه ادمنا صاحبها عارضها للإيجار لو عايزه طبعاً))

سمر بفرحه((بجد يا عمو،طب كلمهولي بالله عليك،عشان محدش راضي يأجر لي خالص عشان انا بنت،ممكن تساعدني))

سليم((ما تخافيش يا سمر اعتبري نفسك سكنتي خلاص،روحي هاتي حاجتك وتعالي هتقعدي فيها ع طول،هاتي شنطه هدومك بس،الاوضه فيها سرير وبوتجاز وشويه اثاث قديم بتاع واحد سايبه من سبع سنين،،وعوض بيأجرها ع كده،يلا انتي بسرعه وانا هجيب لك المفتاح))

سمر شكرتهم،بتلف تمشي،لقت عبد الله مطلع رزمه فلوس بيديها لها،قالها بصدق

((دول نصيبك يا بنت الناس،الشرع بيقول عشره ف الميه يعني حقك سبع الاف جنيه،بس انا هد*كي عشره،عشان أمانتك انتي بنت حلال بجد وربنا هيكرمك عشان تستاهلي))

عينها دمعت،رجعت ايده وقالت له

((وانا مش هقبل ع نفسي جنيه مش من حقي،انا لو ما شقيتش بالجنيه ما احسش بيه،واحمد ربنا ان التلفون كان مع الفلوس لولا كده مكنتش هعرف ارجع لكم فلوسكم وكانت هتبقي كلها حلالي شرعا))

ضحكت اوي،واستأذنتهم،وراحت جابت حاجتها،رجعت لهم،و دخلت الاوضه اللي ف وش شقتهم

سمر((هيه مش ولابد،بس ريحتها فظيعه))

سليم((طبعاً مش كل اللي سكنوها رجاله،وانتي طبعاً عارفه الشاب العزاب بيعيش ازاي))

سمر((مش مهم،المهم عندي ان بقا ليا بيت زي الناس،انا بجد مبسوطه اوي،والفضل ليكم بعد ربنا))

سليم((انتي طيبه اوي يا سمر،اللي زيك انقرضوا من زمان،بس انا عاتب عليكي عشان رفضتي هديتنا،دي كانت حاجه بسيطه مقابل شهامتك وجدعانتك))

سمر((كفايه مديح يا سليم لاحسن اتغر ف نفسي،بس واللهي انا بجد معايا حق الايجار،لو كنت محتاجه كنت هستلف من شغلي،اومال انا شغاله ليه،انا يا سليم ما بحبش تلاقيح الجتت،احب كل واحد يشيل مسؤوليه نفسه،وان كان ابن وزير))

بص لها وطالت نظره الإعجاب،قالت له بضحك

((عارف انا ممكن اقبل منك ايه))

((ايه يا تري،انتي تؤمري))

((الامر لله،ااقبل انك تساعدني وتنضف معايا))

((نعم يا ختييييي،لاء يا حبيبتي تشكري،اتغرزي لوحدك))

((اي دا ايه النداله دي كلها دا انا جارتك والنبي وصي ع سابع جار))

((عليه الصلاةوالسلام،بس لاء،لو عايزه مساعده معندناش اكتر من البنات هناديلك اخواتي يساعدوكي))

((لالالا،انا بهزر واللهي،يلا انت بالسلامة خلينا اشوف شغلي عشان هموت وانام))

((ماشي يا سمر وطبعا مش هوصيكي،لو احتاجتي اي حاجه نادي لي،انا شغال ف الورشه ادامك هنا،وياريت تعتبري ان ليكي اهل هنا مش مجرد جيران يلا السلام عليكو))

سمر ابتسمت اوي سندت ع بابها وهيه فرحانه،حست بقلبها بيميل ليه أوي،خدت نفسها واستعدت للتنضيف

~~~~~~~~~~~

#مع جنه

قامت بسرعه وفتحت الباب،شافت اللي خلاها تصرخ مفزوعه،ضل صغير ع الحيطه،بيجري بسرعه لبعيد

جنه فهمت انه إياد وبيخوفها عشان تمشي،دخلت لأوضته اللي جمبها،تستناه فيها،بس،دا نايم،إياد نايم ع سريره

الصبح جنه فضلت تراقبه،حست ان في حاجه غلط ف البيت ده،زهقت من مراقبته وهوه بيلعب ع الايباد بتاعه

دخلت المطبخ لقت ياسين بيغسل المواعين،اتحرجت

((ياسين بيه،تسمح لي انا اغسلهم مكانك،معلش بس انا حاسه انه مش مقامك))

((تعالي اتفضلي،انا مكنتش حابب اتقل عليكي واطلب منك تنضفي وتطبخي،انا جبتك هنا ل إياد وبس))

((فاهمه طبعاً،بسسسس،ممكن حضرتك تعلمني الطبيخ،التنضيف سهل واقدر انضف،بس الطبيخ حاجه صعبه عليا اوي))

((غريبه دي،بنت ف سنك وما بتعرفش تطبخ))

((اهوه بقا،في عجايب كتيره ف الدنيا،اعتبرني واحده منهم))

((انسه جنه ممكن اسألك عن حاجه))

((اتفضل))

((ممكن تقربي من إياد شويه،انا عارف انه يزهق اي حد بأسلوبه الفظ،بس ممكن تساعديني وتحاولي تغيريه))

قالت ف نفسها

((واللهي يا ياسين انت انا جيت هنا ادور ع عيلتي،مش عشان اخدمك انت وابنك،وبعدين انا نفسي عايزه اللي يساعدني بس ماشي))

ابتسمت بخداع وقالت له

((اكيد هحاول رغم انه مش طايقني،تصور انه امبارح حاول يرعبني))

((نعم،قصدك ايه))

((اه بجد،امبارح سمعت اصوات مخيفه،ولما خرجت اجري،شفت خيال صغير ع الحيطه،بس معرفش عملها ازاي،لاني دخلت له اوضته،لقته نايم))

((مستحيل))

((ايه هوه المستحيل تحب أحلف لك))

((جنه ممكن ما تخافيش زي اللي قبلك،كل اللي جم هنا قبلك قالوا بنسمع ونشوف حاجات ترعب،بس انا ما سمعتش حاجه أبداً،بصي هوه القصر ف مكان بعيد،وفضل مهجور سنين،يمكن دا السبب ف الاصوات دي،حاولي تتجاهلي اي صوت تسمعيه))

((ياسين بيه،قصدك ايه بكلامك،قصدك ان الجن عايشين معانا ف القصر دلوقتى،عشان فضل مهجور سنين،معقوله الكلام ده))

((انا معرفش ومش عايز اعرف،كل اللي انا محتاجه يا جنه شويه مساعده مع إياد بس،تقدري تساعديني))

((حاضر يا ياسين بيه،عشان خاطرك انا هعمل عقلي ب عقله،واقرب منه))

((ماشي يا جنه،وانا هعلمك ازاي تطبخي طالما حابه تساعدي ف القصر،بس مش دلوقتى عشان عندي شغل كتير))

هز رأسه وخرج من المطبخ،سابها تكمل شغل فيه، وراح ع مكتبه،،، بليل جنه **مت تفضل صاحيه

دخلت اوضه غير اوضتها، فضلت متداريه ورا الباب، تشوف مين اللي بيخوفها

عدت حوالي ساعه، تعبت جنه، لكنها سمعت صوت تحت، خرجت ونزلت ع السلم، شافت ياسين ماسك شمعه

وماشي بهدوء ودخل اوضه بعيده اوي ف اخر ممر الدور التاني، مشيت وراه، كل ما كانت تقرب، تسمع صوت مخيف

صوت أنين ووجع، قلبها وقع بين ضلوعها، حست ان ياسين خاطف طفل وبيعذبه، قربت لحد ما وصلت للاوضه

انحنت لفتحه المفتاح، وشهقت بذعر لما شافت

نكمل ف الفصل4