"Oh my gosh!"
Napabalikwas nang bangon si Tiffa at natutop pa niya ang kaniyang bibig ng makita si Archer sa kaniyang tabi, umusog siya papalayo rito kaya lang hindi niya natantiya ang kaniyang inaatrasan, dumausdos siya sa gilid ng kama. Huli na para umabante pa siya, wala na siyang makapitan kaya naman napasigaw na lamang siya nang tuluyan na siyang malaglag sa higaan.
Ang tunog ng lagabog na dulot ng pagbagsak ni Tiffa at ang malakas na sigaw nito ang nagpagising kay Archer. Agad siyang bumangon para alamin kung ano ang nangyari. Pagbaling ng mga mata niya sa sahig ay nakita niya si Tiffa na nakasalampak doon at nakangiwi habang nakahawak sa kaniyang pang upo.
"Hey, what happened to you?" tanong niya rito.
Hindi naman sumagot si Tiffa. Ano ba ang isasagot niya kay Archer? Dapat ba
