Akala ni Tiffa, matapos ang araw na iyon ay magiging okay na ang lahat sa kanila ni Archer, hindi pala, dahil bumalik na naman ito sa dating gawi. Umaga na ito kung umuwi minsan pa nga ay hindi na umuuwi. Ngayon niya napatunayan na talagang wala siyang halaga rito. Tanggap na niya ang katotohanan na kailanman ay hindi na maaayos pa ang relasyon nila.
"Bakit ang tahimik mo d'yan? Ano ba ang iniisip mo at parang napakalalim naman?"
Nagulat na lang si Tiffa nang magsalita si Ross, hindi niya namalayan na nasa tabi na pala niya ito.
"Ah... wala. Wala naman akong iniisip. Ang totoo ay pinapahinga ko nga ang utak ko." Tumingin siya kay Ross sabay pilit na ngumiti, hindi niya ipinahalata rito na may dinadala siyang problema. Pagdating sa usapin tungkol kay Archer ay kailangang sarilinin na la
