HABANG hindi pa si Jean tapos magsuklay ay lumabas na siya ng silid. Baka matagalan siyang matapos magsuklay at mainip lang sa kahihintay si Ryan sa kaniya roon sa sala.
""Hi!"" salitang binitawan niya upang mapansin siya ni Ryan.
Napalingon naman si Ryan sa gawi niya. Sunod ay inaya siya nitong umupo sa bakanteng upuan na naroon.
""Ano iyon?"" agad siyang tinanong ni Ryan kung ano ang pakay niya.
Napatikhim si Jean bago magsalita.
""Nakakahiya man, pero kakapalan ko na ang mukha ko..."" panimula niya. ""Pwede ba akong makahiram ng phone mo, Yhan? Nais ko lang kasi sana na tumawag sa bahay para hindi sila mag-alala sa akin doon. Nawala ko kasi ang cellphone ko kanina kaya wala akong nagamit para makahingi ng tulong.""
Narinig ni Jean kanina na "Yhan-Yhan" ang tawag ng ina nito kanina
