Oh you, my heart

NOVEL ? روايات: #ﻟﻴﺤﻴﺎ_ﺑﻚ_ﻗﻠﺒﻲ1 ﻻﺑﺴﺔ ﺍﻟﺘﻮﺏ ﺍﻷﺣﻤﺮ ﺍﻟﻤﺰﺧﺮﻑ ﺑﺎﻟﺪﻫﺒﻲ، ﻭﺍﻟﺠﺪﻟﺔ ﻣﺨﺘﻮﺗﺔ ﻓﻮﻕ ﺭﺍﺳﻲ، ﻭﻭﺷﻲ ﻣﻐﻄﻰ ﺑﺎﻟﻘﺮﻣﺼﻴﺺ، ﻭﺍﻟﺤﻨﺔ ﻣﺎﻟﻴﺔ ﻳﺪﻳﻨﻲ ﻭﺭﺟﻠﻴﻨﻲ ﺃﺿﺎﻓﺔ ﻟﺒﻌﺾ ﺍﻻﻛﺴﺴﻮﺍﺭﺍﺕ " ﺩﻫﺐ " ، ﻭﺍﻟﺒﻴﺖ ﻛﻠﻮ ﻣﻠﻴﺎﻥ ﺩﻟﻮﻛﺔ ﻭﺃﻏﺎﻧﻲ، ﻭﺻﻮﺕ ﺍﻟﺰﻏﺎﺭﻳﺪ ﻣﺎ ﻳﺪﻳﻚ ﺍﻟﺪﺭﺏ، ﻭﻧﺎﺱ ﻣﺎﺷﺔ ﻭﻧﺎﺱ ﺟﺎﻳﺔ ﻭﻓﻲ ﺟﺰﻭ ﺑﻴﺠﺮﻭ ﻣﺤﺼﻠﻴﻦ ﺍﻟﻌﻘﺪ ﻭﺍﻟﺸﻔﻊ ﺟﺎﺭﻳﻦ ﺑﻠﻌﺒﻮ ﻭﺍﻟﺤﺘﺔ ﺟﻮﻃﺔ، ﻣﺎ ﺑﻴﻦ ﺍﻟﺠﻮﻃﺔ ﺩﻱ ﻛﻠﻬﺎ ﻛﻨﺘﺎ ﺑﺴﺎﻝ ﻓﻲ ﻧﻔﺴﻲ، ﺃﻧﺎ ﻋﺮﻭﺱ! ﻣﻌﻘﻮﻟﺔ ﺩﺍً ﻋﺮﺳﻲ ﺍﻟﺘﺎﻧﻲ! ﻃﻴﺐ ﺃﻧﺎ ﻟﻲ ﺣﺎﺳﺔ ﺃﻧﻲ ﺡ ﺃﻣﺮ ﺑﻨﻔﺲ ﺍﻟﺘﺠﺮﺑﺔ ﺍﻻﻭﻟﻰ! ﺻﺎﺡ ﺍﻟﻌﺮﺱ ﺍﻻﻭﻝ ﻛﺎﻥ ﺑﻲ ﺭﺿﺎﻱ ﻭﺃﻧﺎ ﺍﻻﺧﺘﺮﺗﻮ ﺑﺲ ﻋﺸﺖ ﺃﺳﻮﺀ ﻋﻴﺸﺔ ﻣﻤﻜﻦ ﺍﻟﻮﺍﺣﺪ ﻳﻌﻴﺸﻬﺎ، ﺃﺗﻌﺬﺑﺖ ﻛﺘﺘﺘﻴﺮ ﻭﺻﺒﺮﺕ، ﻭﺑﻌﺪ ﺃﺗﺤﺮﺭﺕ ﻣﻨﻮ ﺫﻛﺮﻳﺎﺗﻮ ﻓﻀﻠﺖ ﻣﻼﺣﻘﺎﻧﻲ ﻭﺣﺎﻭﻟﺖ ﺃﺗﺨﻠﺺ ﻣﻨﻬﺎ ﺑﺲ ﻣﺎ ﻗﺪﺭﺕ ﻭﻫﺴﻲ ﻓﻮﻕ ﻟﻲ ﺩﺍ ﻛﻠﻮ ﺡ ﺃﻋﺮﺱ ﺗﺎﻧﻲ ﻭﺃﻧﺎ ﻣﺠﺒﻮﺭﺓ، ﺃﻧﺎ ﻳﺤﺼﻞ ﻟﻲ ﻛﺪﺓ! ﻣﻌﻘﻮﻟﺔ ﺍﻟﻤﻌﺎﻧﺎﺓ ﻣﻜﺘﻮﺑﺔ ﻟﻴﻬﺎ ﺗﺮﺍﻓﻖ ﻗﺪﺭﻱ ﻟﻼﺑﺪ! ﻣﺘﻴﻦ ﺡ ﺃﺭﺗﺎﺡ! ﺃﺧﺨﺦ ﻳﺎ ﺭﺏ، ﻭﺃﻧﺎ ﺑﺴﺎﻝ ﻓﻲ ﻧﻔﺴﻲ ﻛﻞ ﺍﻻﺳﺌﻠﺔ ﺩﻱ ﺳﻤﻌﺖ ﺻﻮﺕ ﻃﻠﻖ ﺃﺗﻔﻜﺖ ﻭﺻﻮﺕ ﺍﻟﺤﺮﻳﻢ ﻭﻫﻢ ﺑﺰﻏﺮﺩﻭ ﻭﺍﻟﺒﻨﺎﺕ ﻭﻫﻤﺎ ﺑﺼﺮﺧﻮ ﻭﺑﻘﻮﻟﻮ " ﻋﻘﺪﻭ .. ﻋﻘﺪﻭ " ﻟﺤﻈﺘﻬﺎ ﺃﻧﺎ ﻗﻠﺒﻲ ﺃﺗﻨﻔﺾ ﻣﻦ ﻣﺤﻠﻮ ﻭﺑﻘﻰ ﻳﻀﺮﺏ ﺑﻄﺮﻳﻘﺔ ﻣﺎ ﻃﺒﻴﻌﻴﺔ، ﻭﻳﺪﻳﻨﻲ ﺑﺪﻭ ﻳﺮﺟﻔﻮ ﻭﺣﺴﻴﺖ ﺃﻧﻨﻲ ﻓﻲ ﺣﻠﻢ ﺣﻠﻢ ﻭﻛﺎﻧﻮ ﺩﻱ ﺍﻟﻤﺮﺓ ﺍﻻﻭﻟﻰ ﺍﻻﻋﺮﺱ ﻓﻴﻬﺎ، ﻛﻞ ﺷﻲ ﻣﺨﺘﻠﻒ ﺍﻟﻤﺮﺓ ﺩﻱ ﺑﺲ ﺃﻧﺎ ﺣﺎﺳﺔ ﺃﻧﻮ ﻧﻬﺎﻳﺘﻮ ﺣﺘﻜﻮﻥ ﻧﻔﺲ ﺍﻻﻭﻟﻰ، ﻓﺠﺎﺓ ﺳﻤﻌﺖ ﺻﻮﺕ ﻧﻔﺲ ﺍﻟﺒﻨﺎﺕ ﺗﺎﻧﻲ ﺑﺲ ﺍﻟﻤﺮﺓ ﺩﻱ ﺑﻘﻮﻟﻮ " ﺍﻟﻌﺮﻳﺲ ﺟﺎ، ﺍﻟﻌﺮﻳﺲ ﺟﺎ ﻳﺒﺎﺭﻙ ﻟﻲ ﻋﺮﻭﺳﺘﻮ ﺃﻣﺮﻗﻮ .. ﺃﻣﺮﻗﻮ " ﻫﻨﺎ ﺿﺮﺑﺎﺕ ﻗﻠﺒﻲ ﺑﺪﺕ ﺗﺘﻌﺎﻟﻰ ﻭﺃﺗﻮﺗﺮﺕ ﺯﻳﺎﺩﺓ ﻭﺑﻘﻴﺖ ﻣﺎ ﻋﺎﺭﻓﺔ ﻳﺪﻳﻨﻲ ﻣﻦ ﺭﺟﻠﻴﻨﻲ، ﻭﺣﺴﻴﺖ ﺍﻻﻭﻛﺴﺠﻴﻦ ﺃﻧﻌﺪﻡ ﻣﻦ ﺍﻟﻐﺮﻓﺔ ﻭﺑﻘﻴﺖ ﻣﺎ ﻗﺎﺩﺭﺓ ﺃﺗﻨﻔﺲ ﺑﺴﻬﻮﻟﺔ، ﻭﻟﻠﺤﻈﺔ ﺣﺴﻴﺖ ﻧﻔﺴﻲ ﻣﻬﺒﻄﺔ ﻳﻌﻨﻲ ﺧﻼﺹ ﺃﻧﺎ ﺑﻘﻴﺖ ﻣﺮﺓ ﺭﺍﺟﻞ ﻭﻟﻲ ﺍﻟﻤﺮﺓ ﺍﻟﺘﺎﻧﻴﺔ؟...! ﺃﻛﻴﺪ ﺇﻧﺘﻮ ﻣﺎ ﻓﺎﻫﻤﻴﻦ ﺣﺎﺟﺔ ﺻﺢ ﻑ ﺗﻌﺎﻟﻮ ﻧﺤﻜﻲ ﺍﻟﻘﺼﺔ ﻣﻦ ﺍﻟﺒﺪﺍﻳﺔ .... _____________________ ﻓﻜﻨﻴﻲ، ﻋﻠﻴﻚ ﺍﻟﻠﻪ ﻓﻜﻨﻲ ﻭﻣﺎ ﺗﻬﺒﺸﻨﻲ، ﻭﺍﻟﻠﻪ ﺍﻟﻤﺮﺓ ﺍﻟﺠﺎﻳﺔ ﺃﺳﻤﻊ ﺍﻟﻜﻼﻡ ﻭﻣﺎ ﺃﻋﺎﻧﺪﻙ ﺑﺲ ﺍﻟﻤﺮﺓ ﺩﻱ ﺧﻠﻴﻨﻲ، ﻟﻴﻲ ﻳﺎﺍﺧﻲ ﺑﺘﻌﻤﻞ ﻓﻴﻨﻲ ﻛﺪﺓ ﻣﻌﻘﻮﻟﺔ ﻧﺴﻴﺖ ﺃﻧﺎ ﻣﻨﻮ! ﻃﻴﺐ ﺣﻦ ﻋﻠﻲ ﺷﻮﻳﺔ ﻭﺃﺭﺣﻤﻨﻲ ﺑﺲ ﺍﻟﻤﺮﺓ ﺩﻱ، ﺍﻟﺒﺘﻌﻤﻞ ﻓﻴﻬﻮ ﺩﺓ ﻣﺎ ﺻﺎﺡ، ﻻﺍﺍﺍ ﻣﺎ ﺗﻘﻔﻞ ﺍﻟﻨﻮﺭ ﺃﻓﺘﺤﺘﻮ ﻋﻠﻴﻚ ﺍﻟﻠﻪ ﺃﻧﺎ ﺑﻜﺮﻩ ﺍﻟﻀﻼﻡ ﻭﺑﺨﺎﻑ ﻣﻨﻮ ﻣﺎ ﺗﺨﻠﻴﻨﻲ ﺑﺮﺍﺍﺍﻱ ﺳﻮﻗﻨﻲ ﻣﻌﺎﻙ، ﺍﻟﺤﺘﺔ ﻛﻠﻬﺎ ﺣﺸﺮﺍﺕ ﻃﻠﻌﻨﻲ ﻣﻦ ﻫﻨﺎ، ﻻﺍﺍ ﺍﻟﺤﺸﺮﺓ ﻃﺎﻟﻌﺔ ﻓﻴﻨﻲ ﺃﻓﺘﺢ ﺍﻟﻨﻮﺭ ﺍﻟﻠﻪ ﻳﺮﺿﻰ ﻋﻠﻴﻚ، ﻣﺎ ﺑﺘﺨﺎﻑ ﺭﺑﻨﺎ ﺍﻧﺖ! ﺣﺮﺭﺭﺍﻡ ﻭﺍﻟﻠﻪ ﺣﺮﺍﺍﺍﻡ .... ﻓﺠﺎﺓ ﻗﻤﺘﺎ ﻋﻠﻰ ﺣﻴﻠﻲ ﻭﺻﺤﻴﺖ ﻣﻦ ﺍﻟﻨﻮﻡ ﻭﺃﻧﺎ ﻣﻔﺰﻭﻋﺔ ﺷﺪﺩﺩﻳﺪ ﻭﺟﺒﻬﺘﻲ ﻭﺟﺴﻤﻲ ﻛﻠﻬﻢ ﻛﺎﻧﻮ ﻋﺒﺎﺭﺓ ﻋﻦ ﻣﻮﻳﺔ ﻭﺑﺪﻭﻥ ﻣﺎ ﺃﻏﺴﻞ ﻭﺷﻲ ﺣﺘﻰ ﻃﻮﺍﻟﻲ ﻧﺰﻟﺖ ﺗﺤﺖ ﻣﻦ ﺍﻟﺨﻠﻌﺔ، ﻟﻘﻴﺖ ﺃﻣﻲ ﻗﺎﻋﺪﺓ ﻓﻲ ﺍﻟﺼﺎﻟﺔ ﻣﻦ ﺷﺎﻓﺘﻨﻲ ﻗﺎﻟﺖ ﻟﻲ ﺻﺤﻴﺘﻲ ﻳﺎﺩﺍﺏ ﻣﺶ! ﻛﻢ ﻣﺮﺓ ﻗﻠﺖ ﻟﻴﻚ ﺃﻧﻮ ﺍﻟﺴﻬﺮ ﻣﺎ ﻛﻮﻳﺲ ﻣﺘﻴﻴﻦ ﺡ ﺗﺴﻤﻌﻲ ﺍﻟﻜﻼﻡ ﻣﺘﻴﻦ ﺑﺲ! ﻛﻨﺘﺎ ﻭﺍﻗﻔﺔ ﺳﺎﻛﺘﺔ ﺳﺎﻱ ﻭﺑﻔﺮﻙ ﻓﻲ ﻳﺪﻳﻨﻲ ﻣﻦ ﺍﻟﺘﻮﺗﺮ ﻭﺍﻟﺨﻮﻑ، ﺃﻣﻲ ﻟﻤﻦ ﺃﻧﺘﺒﻬﺖ ﺃﻧﻲ ﻣﺎ ﻣﺮﻛﺰﺓ ﻣﻌﺎﻫﺎ ﺟﺎﺕ ﻭﻗﻔﺖ ﺟﻨﺒﻲ ﻭﻗﺎﻟﺖ ﻟﻲ ﻣﻴﺎﻣﻦ! ﻣﺎ ﺭﺩﻳﺖ ﻋﻠﻴﻬﺎ ﻭﻛﻨﺖ ﺳﺮﺣﺎﻧﺔ ﺧﺘﺖ ﻳﺪﻫﺎ ﻓﻲ ﻛﺘﻔﻲ ﻭﻫﺰﺗﻨﻲ ﻭﻗﺎﻟﺖ ﻟﻲ ﻳﺎ ﺑﺖ ﻳﺎ ﻣﻴﺎﻣﻦ ﻗﻠﺖ ﻟﻴﻬﺎ ﺍﺍﺍ ﻗﺎﻟﺖ ﻟﻲ ﻣﺎﻟﻚ! ﻗﻠﺖ ﻟﻴﻬﺎ ﻻﻻ ﻡ .. ﻣﺎ.. ﻣﺎﻓﻲ ﺷﻲ ﻗﺎﻟﺖ ﻟﻲ ﻛﻴﻒ ﻳﻌﻨﻲ ﻣﺎﻓﻲ ﺷﻲ ﻭﺇﻧﺘﻲ ﻭﺷﻚ ﻣﺨﻄﻮﻑ ﻛﺪﺓ ﻭﺑﺘﻘﻄﻌﻲ ﺍﻟﻜﻼﻡ ﻣﻦ ﺍﻟﺨﻮﻑ! ﻋﺎﻳﻨﺘﺎ ﻟﻴﻬﺎ ﻓﻲ ﻋﻴﻮﻧﻬﺎ ﻭﻃﻮﺍﻟﻲ ﺩﻣﻮﻋﻲ ﻧﺰﻟﻮ ﻫﻤﺎ ﺃﺳﺎﺳﺎ ﻛﺎﻧﻮ ﻓﻲ ﻃﺮﻑ ﻋﻴﻨﻲ، ﺑﻘﻴﺖ ﺑﺒﻜﻲ ﻭﺑﺪﻭﻥ ﻣﺎ ﺃﻗﻮﻝ ﻟﻴﻬﺎ ﺣﺎﺟﺔ ﺿﻤﺘﻨﻲ ﻋﻠﻴﻬﺎ ﻭﻗﺎﻟﺖ ﻟﻲ ﻟﺴﻪ ! ﻟﺴﻪ ﺍﻟﺬﻛﺮﻳﺎﺕ ﺩﻱ ﻣﺎ ﻋﺎﻳﺰﺓ ﺗﻔﺎﺭﻕ ﺑﺎﻟﻚ! ﻗﻠﺖ ﻟﻴﻬﺎ ﻭﻣﺎ ﺃﻋﺘﻘﺪ ﺃﻧﻬﺎ ﻣﻤﻜﻦ ﺗﻔﺎﺭﻗﻨﻲ ﻻﻧﻬﺎ ﻛﺎﻧﺖ ﺟﺰﺀ ﻛﺒﻴﻴﺮ ﺷﺪﺩﻳﺪ ﻣﻦ ﺣﻴﺎﺗﻲ ﻭﺑﺴﺒﺒﻬﺎ ﺃﻧﺎ ﺃﺗﻐﻴﺮﺕ، ﻣﺎﻣﺎ ﺃﻧﺎ ﻟﻲ ﺍﻟﻠﺤﻈﺔ ﺩﻱ ﻣﺎ ﻗﺎﺩﺭﺓ ﺃﻧﺴﻰ ﺍﻟﺤﺼﻞ، ﻛﻞ ﻳﻮﻡ ﺑﺼﺤﻰ ﺑﻨﻔﺲ ﺍﻟﻤﺸﻬﺪ ﻟﺴﻪ ﺑﺘﻌﺎﺩ ﻗﺪﺍﻣﻲ ﻭﻛﺎﻧﻮ ﺣﺼﻞ ﺃﻣﺒﺎﺭﺡ ﻣﺎ ﻗﺒﻞ ﺳﻨﺘﻴﻦ ﻗﺎﻟﺖ ﻟﻲ ﺭﺑﻨﺎ ﻛﺮﻳﻢ ﻳﺎ ﺑﺘﻲ ﻭﺃﻛﻴﺪ ﺡ ﻳﺰﻳﻞ ﻛﻞ ﺍﻟﻤﻮﺍﻗﻒ ﺍﻟﺴﺌﻴﺔ ﺩﻱ ﻣﻦ ﺑﺎﻟﻚ ﻗﻠﺖ ﻟﻴﻬﺎ ﺑﺘﻤﻨﻰ ﻳﺎ ﻣﺎﻣﺎ ﺑﺘﻤﻨﻰ ﺃﻧﻮ ﻳﺰﻳﻠﻬﺎ ﻻﻧﻲ ﺧﻼﺹ ﺗﻌﺒﺖ، ﺃﻧﺎ ﺑﺲ ﻋﺎﻭﺯﺓ ﺃﺭﺗﺎﺡ ﻋﺎﻭﺯﺓ ﻳﺠﻲ ﻳﻮﻡ ﻭﺃﻧﻮﻡ ﻭﺃﻧﺎ ﻣﻄﻤﻨﺌﺔ ﻭﻣﺎ ﺃﺗﺬﻛﺮ ﺍﻟﺤﺼﻞ ﻟﻲ ﻗﺎﻟﺖ ﻟﻲ ﺡ ﻳﺠﻲ ﺍﻟﻴﻮﻡ ﺩﺍ ﺑﺈﺫﻥ ﺍﻟﻠﻪ ﻗﻠﺖ ﻟﻴﻬﺎ ﻳﺎ ﺭﺏ ﻭﻓﻲ ﺃﺳﺮﻉ ﻭﻗﺖ ﻛﻤﺎﻥ ﻻﻧﻲ ﻣﺎ ﻗﺎﺩﺭﺓ ﺃﺻﺒﺮ ﺃﻛﺘﺮ ﻣﻦ ﻛﺪﺓ ﻛﻔﺎﻳﺔ ﻗﺎﻟﺖ ﻟﻲ ﻛﻠﻮ ﺡ ﻳﺘﺤﻼً ﻣﺎ ﺗﺸﻴﻠﻲ ﻫﻢ، ﻓﻀﻠﺖ ﺗﻬﺪﻱ ﻓﻴﻨﻲ ﻭﺗﻤﺴﺢ ﻟﻲ ﻓﻲ ﺩﻣﻮﻋﻲ ﻟﻤﻦ ﻫﺪﻳﺖ ﺷﻮﻳﺔ ﺑﻌﺪﻫﺎ ﻗﺎﻟﺖ ﻟﻲ ﺃﺭﻣﻲ ﻛﻞ ﺍﻟﻔﺎﺕ ﻭﺭﺍﻙ ﻳﺎ ﺑﺘﻲ ﻻﻧﻮ ﺍﻟﺬﻛﺮﻳﺎﺕ ﺩﻱ ﻣﺎ ﺡ ﺗﻌﻤﻞ ﺷﻲ ﻏﻴﺮ ﺃﻧﻬﺎ ﺗﺎﺫﻳﻚ ﻗﻠﺖ ﻟﻴﻬﺎ ﻣﺎ ﻗﺎﺩﺭﺓ ﺃﺭﻣﻴﻬﺎ ﻭﺍﻟﻠﻪ ﻣﺎ ﻗﺎﺩﺭﺓ ﻗﺎﻟﺖ ﻟﻲ ﻻ ﺑﺎﺫﻥ ﺍﻟﻠﻪ ﺡ ﺗﺮﻣﻴﻬﺎ ﻭﻫﺴﻲ ﺃﻣﺸﻲ ﻏﺴﻠﻲ ﻭﺷﻚ ﺩﺓ ﻭﺗﻌﺎﻟﻲ ﻋﺸﺎﻥ ﺗﺸﺮﺑﻲ ﺍﻟﺸﺎﻱ ﻗﻠﺖ ﻟﻴﻬﺎ ﺣﺎﺿﺮ، ﻣﺸﻴﺖ ﻏﺴﻠﺖ ﻭﺷﻲ ﻭﺃﺳﺘﺤﻤﻴﺖ ﻣﺮﺓ ﻭﺍﺣﺪﺓ ﻭﺟﻴﺖ ﺷﺮﺑﺖ ﺍﻟﺸﺎﻱ ﻭﺳﺎﻟﺘﻬﺎ ﻭﻗﻠﺖ ﻟﻴﻬﺎ ﻭﻳﻦ ﻣﻬﺎﺩ ﺃﺧﺘﻲ! ﻗﺎﻟﺖ ﻟﻲ ﻓﺎﺗﺖ ﺍﻟﺼﻴﺪﻟﻴﺔ ﻣﻦ ﻗﺒﻴﻞ ﻫﻲ ﻭﺭﺯﺍﻥ ﻗﻠﺖ ﻟﻴﻬﺎ ﺍﻫﺎ ﺗﻤﺎﻡ ﻗﺎﻟﺖ ﻟﻲ ﻭﺻﺤﻲ ﻗﺎﻟﺖ ﻟﻴﻚ ﺃﻋﻤﻠﻲ ﻟﻴﻬﻢ ﻓﻄﺎﻳﺮ ﻭﺟﻴﺒﻴﻬﺎ ﻟﻴﻬﻢ ﻫﻨﺎﻙ ﺃﻧﺎ ﻗﺒﻴﻞ ﻋﺠﻨﺖ ﻟﻴﻚ ﺍﻟﻌﺠﻴﻦ ﻟﻲ ﺍﻟﻮﻗﺖ ﺩﺍ ﺑﻜﻮﻥ ﺧﻤﺮ ﻗﻠﺖ ﻟﻴﻬﺎ ﻃﻴﺐ ﻫﺴﻲ ﺑﻘﻮﻡ ﺃﺳﻮﻳﻬﺎ ﻭﺃﻭﺩﻳﻬﺎ ﻟﻴﻬﻢ ﺃﺳﺎﺳﺎ ﻣﺎ ﻋﻨﺪﻱ ﻣﻮﺿﻮﻉ ﻗﺎﻟﺖ ﻟﻲ ﻭﺃﻋﻤﻠﻲ ﺣﺴﺎﺏ ﻟﺨﺎﻟﺘﻚ ﺳﻠﻤﻰ ﺑﺮﺿﻮ ﻋﺎﺭﻓﻬﺎ ﺑﺘﺤﺐ ﺍﻟﻔﻄﺎﻳﺮ ﺣﻘﺘﻚ ﻛﻴﻒ! ﻗﻠﺖ ﻟﻴﻬﺎ ﺃﺻﻼ ﻣﺎ ﻛﻨﺘﺎ ﺡ ﺃﻧﺴﺎﻫﺎ‌، ﻣﺸﻴﺖ ﻋﻤﻠﺖ ﺍﻟﻔﻄﺎﻳﺮ ﻭﺷﻠﺖ ﻣﻨﻬﺎ⁩ ﺟﺰﺀ ﻓﻲ ﻋﺒﻠﺔ ﻭﺟﺰﺀ ﺗﺎﻧﻲ ﻓﻲ ﺳﺎﺧﻦ ﺑﺎﺭﺩ، ﻳﻼ ﻧﺎﺱ ﺧﺎﻟﺘﻮ ﺳﻠﻤﻰ ﺩﻳﻞ ﺟﻴﺮﺍﻧﺎ ﻭﻓﺎﺗﺤﻴﻦ ﻓﻴﻨﺎ ﻣﺒﺎﺷﺮﺓً ﻭﻋﻼﻗﺘﻬﻢ ﺑﻴﻨﺎ ﻗﻮﻳﺔ ﺷﺪﺩﺩﻳﺪ ﻭﺃﺭﺑﻌﺔ ﻋﺸﺮﻳﻦ ﺳﺎﻋﺔ ﻳﺎ ﻫﻢ ﻣﻌﺎﻧﺎ ﻳﺎ ﻧﺤﻨﺎ ﻣﻌﺎﻫﻢ ﻭﺑﺎﻟﺬﺍﺕ ﺃﻧﺎ ﻭﻣﺎﻣﺎ ﺩﺍﻳﻤﺎ ﺑﻨﻜﻮﻥ ﻋﻨﺪﻫﻢ، ﻫﻲ ﻋﻨﺪﻫﺎ ﺑﺖ ﻭﻭﻟﺪﻳﻦ، ﺑﺘﻬﺎ ﺇﺳﻤﻬﺎ ﺃﻓﺎﻕ ﻭﺣﺎﻟﻴﺎ ﻗﺎﻋﺪﺓ ﻣﻊ ﻧﺎﺱ ﺧﺎﻟﺘﻬﺎ، ﻭﻭﻟﺪﻫﺎ ﺍﻟﻜﺒﻴﺮ ﻣﻐﺘﺮﺏ ﻣﻊ ﺃﺑﻮﻩ ﻭﺍﻟﺘﺎﻧﻲ ﺍﻟﺼﻐﻴﺮ ﻗﺎﻋﺪ ﻫﻨﺎ ﻭﻣﻌﺮﺱ ﻭﻫﻮ ﻭﻣﺮﺗﻮ ﺳﺎﻛﻨﻴﻦ ﻣﻊ ﺧﺎﻟﺘﻮ ﻋﺸﺎﻥ ﻣﺎ ﺣﺎﺑﻴﻦ ﻳﺨﻠﻮﻫﺎ ﺑﺮﺍﻫﺎ⁦، ﻳﻼ ﻭﻟﺪﻫﺎ ﺍﻟﺼﻐﻴﺮ ﺃﺳﻤﻮ ﻋﻠﻲ ﻭﻣﺮﺗﻮ ﺃﺳﻤﻬﺎ ﺭﻳﺎﻥ ﻭﻋﻨﺪﻫﻢ ﺑﺖ ﺃﺳﻤﻬﺎ ﻣﻴﺎﺭ ﻋﻤﺮﻫﺎ ﺳﻨﺔ ﻳﺎﺩﺍﺏ ﻟﺴﻪ ﺑﻴﺒﻲ، ﺑﻌﺪ ﻣﺮﺍﺕ ﻟﻤﻦ ﻋﻠﻲ ﺩﺍ ﻳﻜﻮﻥ ﻋﻨﺪﻭ ﺷﻐﻞ ﻓﻲ ﻣﻨﻄﻘﺔ ﺗﺎﻧﻴﺔ ﻭﻳﺴﺎﻓﺮ ﻓﺈﻧﺎ ﺑﻤﺸﻲ ﺑﻴﺒﺖ ﻣﻊ ﺧﺎﻟﺘﻮ ﻭﺭﻳﺎﻥ ﻭﺑﻌﺪ ﺍﻟﻤﺮﺍﺕ ﻟﻤﻦ ﺃﻓﺎﻕ ﺗﻜﻮﻥ ﻗﺎﻋﺪﺓ ﻳﻌﻨﻲ ﻫﻤﺎ ﻗﺮﺑﻴﻦ ﻣﻨﻲ ﺷﺪﺩﺩﻳﺪ .... ⁩ ﻟﺒﺴﺖ ﻋﺒﺎﻳﺘﻲ ﻭﻧﻘﺎﺑﻲ ﻭﻣﺸﻴﺖ ﻟﻴﻬﻢ " ﺇﻳﻮﺓ ﺃﻧﺎ ﻣﻨﻘﺒﺔ " ﺩﻗﻴﺖ ﺍﻟﺒﺎﺏ ﻓﺘﺤﺖ ﻟﻲ ﺧﺎﻟﺘﻮ ﺳﻠﻤﻰ ﺯﺍﺗﻬﺎ، ﺳﻠﻤﺖ ﻋﻠﻴﻬﺎ ﻭﻗﻠﺖ ﻟﻴﻬﺎ ﺧﺎﺍﻟﺘﻮ ﻛﻴﻒ ﺃﺻﺒﺤﺘﻲ! ﻗﺎﻟﺖ ﻟﻲ ﻛﻮﻳﺴﺔ ﺍﻟﺤﻤﺪ ﻟﻠﻪ ﻭﺇﻧﺘﻲ! ﻗﻠﺖ ﻟﻴﻬﺎ ﺗﻤﺎﻡ ﺍﻟﺘﻤﺎﻡ ﻭﺍﻟﻠﻪ ﻗﺎﻟﺖ ﻟﻲ ﻗﺒﻴﻞ ﻣﺎﻟﻚ ﻣﺎ ﺟﻴﺘﻲ ﻭﺷﺮﺑﺘﻲ ﻣﻌﺎﻱ ﺍﻟﺸﺎﻱ! ﻣﺶ ﻛﻨﺖ ﻣﺘﻔﻘﻴﻦ ﺃﻧﻚ ﺗﺠﻲ ﺗﻮﻧﺴﻴﻨﻲ ﻻﻧﻮ ﺭﻳﺎﻥ ﻓﺎﺗﺖ ﺑﻴﺖ ﺃﻫﻠﻬﺎ ﺃﻣﺒﺎﺭﺡ ﻗﻠﺖ ﻟﻴﻬﺎ ﻣﻌﻠﻴﺶ ﺣﻘﻚ ﻋﻠﻲ ﻳﺎﺍﺧﻲ ﺑﺲ ﻛﻨﺖ ﻧﺎﻳﻤﺔ ﻭﻣﺎ ﺻﺤﻴﺖ ﺍﻻ ﻗﺒﻞ ﺷﻮﻳﺔ ﻭﺃﻧﺸﻐﻠﺖ ﻻﻧﻲ ﻋﻤﻠﺖ ﻓﻄﺎﻳﺮ ﻗﺎﻟﺖ ﻟﻲ ﻃﻴﺐ ﺑﻌﺪﻳﻦ ﺗﻌﺎﻟﻲ ﻟﻲ ﻗﻠﺖ ﻟﻴﻬﺎ ﺣﺎﺍﺿﺮ ﻣﺎ ﻃﻠﺒﺘﻲ ﺷﻲ ﻭﻃﺎﻟﻤﺎ ﺭﻳﺎﻥ ﻋﻨﺪ ﻧﺎﺱ ﺃﻣﻬﺎ ﻭﻋﻠﻲ ﻣﺎﻓﻴﺶ ﺑﺠﻲ ﺑﺒﻴﺖ ﻣﻌﺎﻙ ﻗﺎﻟﺖ ﻟﻲ ﻃﻮﺍﻟﻲ ﺗﺠﻲ ﻗﻠﺖ ﻟﻴﻬﺎ ﻫﺎﻙ ﺩﻱ ﻓﻄﺎﻳﺮ ﻋﻤﻠﺘﻬﺎ ﻭﻗﻠﺖ ﺃﺟﻴﺐ ﻟﻴﻚ ﻣﻨﻬﺎ ﻗﺎﻟﺖ ﻟﻲ ﺩﺍﻳﻤﺎ ﻣﺎ ﺑﺘﻨﺴﻴﻨﻲ ﻗﻠﺖ ﻟﻴﻬﺎ ﻭﻻ ﺡ ﺃﻧﺴﺎﻙ ﻫﻮ ﺃﻧﺎ ﻋﻨﺪﻱ ﻛﻢ ﺳﻠﻤﻰ! ﻗﺎﻟﺖ ﻟﻲ ﺣﺒﻴﻴﺒﺘﻲ ﺗﺴﻠﻤﻲ⁦، ⁩ ﺃﺩﻳﺘﻬﺎ ﺍﻟﻔﻄﺎﻳﺮ ﻭﻗﻠﺖ ﻟﻴﻬﺎ ﻳﻼ ﺃﻧﺎ ﻣﺎﺷﺔ ﻗﺎﻟﺖ ﻟﻲ ﺧﺸﻲ ﻟﻲ ﺟﻮﺍ ﻋﻠﻰ ﺍﻻﻗﻞ ﻗﻠﺖ ﻟﻴﻬﺎ ﻣﺮﺓ ﺗﺎﻧﻴﺔ ﻫﺴﻲ ﻣﺴﺘﻌﺠﻠﺔ ﻣﺎﺷﺔ ﻟﻨﺎﺱ ﻣﻬﺎﺩ ﻓﻲ ﺍﻟﺼﻴﺪﻟﻴﺔ ﻗﺎﻟﺖ ﻟﻲ ﺇﻳﻮﺓ ﺗﻤﺎﻡ ﻟﺒﻌﺪﻳﻦ ﻗﻠﺖ ﻟﻴﻬﺎ ﺗﻤﺎﻡ ﻭﻣﺸﻴﺖ ﻣﻨﻬﺎ، ﻟﻘﻴﺖ ﻧﺎﺱ ﻣﻬﺎﺩ ﻭﺯﺭﺍﻥ ﻗﺎﻋﺪﻳﻦ ﻭﻣﺴﺘﻜﻴﻴﻦ، ﻗﻠﺖ ﻟﻴﻬﻢ ﻫﺎﺍﻱ ﻫﺎﺍﻱ ﻗﺎﻟﻮ ﻟﻲ ﺃﻫﻠﻴﻦ ﻗﻠﺖ ﻟﻴﻬﻢ ﻋﻠﻰ ﻓﻜﺮﺓ ﺃﻧﺘﻮ ﻣﻔﺮﻭﺽ ﺗﺤﻤﺪﻭ ﺭﺑﻨﺎ ﻻﻧﻮ ﻋﻨﺪﻛﻢ ﺃﺧﺖ ﺯﻳﻲ ﻛﺪﺓ ﻣﻬﺎﺩ ﻗﺎﻟﺖ ﻟﻲ ﺷﻜﺎﺭ ﻧﻔﺴﻮ ﺇﺑﻠﻴﺲ ﻳﺎ ﺃﺳﺘﺎﺫﺓ ﻗﻠﺖ ﻟﻴﻬﺎ ﻣﻌﻨﺎﺗﻮ ﻣﺎﻑ ﻟﻴﻚ ﻓﻄﺎﻳﺮ ﻗﺎﻟﺖ ﻟﻲ ﻻﻻ ﺧﻼﺹ ﺇﻧﺘﻲ ﺑﺎﻟﺠﺪ ﺃﺣﺴﻦ ﺃﺧﺖ ﻓﻲ ﺍﻟﺪﻧﻴﺎ ﻭﻣﻔﺮﻭﺽ ﻧﻘﻴﻢ ﺍﻟﻠﻴﻞ ﻋﺸﺎﻧﻚ ﻣﺎ ﻧﺤﻤﺪ ﺭﺑﻨﺎ ﺑﺲ ﻗﻠﺖ ﻟﻴﻬﺎ ﺣﻨﺎﻛﺔ ﻟﻜﻨﻦ ﻭﺣﻨﻜﻚ ﻣﺸﻰ ﻋﻠﻲ ⁦ ⁩ ﺃﺩﻳﺘﻬﻢ ﺍﻟﺴﺎﺧﻦ ﺑﺎﺭﺩ ﺧﺘﻮ ﺍﻟﻔﻄﻮﺭ ﻭﺃﻧﺎ ﻓﻄﺮﺕ ﻣﻌﺎﻫﻢ، ﺭﺯﺍﻥ ﻗﺎﻟﺖ ﻟﻲ ﺃﺧﺨﺦ ﻣﻦ ﻓﻄﺎﻳﺮﻙ ﺣﺎﺟﺔ ﻛﺪﺓ ﺗﺮﺩ ﺍﻟﺮﻭﺡ ﻗﻠﺖ ﻟﻴﻬﺎ ﻋﺎﺭﻓﺔ ﻋﺎﺭﻓﺔ ﻗﺎﻟﺖ ﻟﻲ ﻃﻴﺐ ﻋﺎﺭﻓﺔ ﺑﺮﺿﻮ ﺃﻧﻮ ﻟﻮ ﻣﺎ ﺍﻟﻔﻄﺎﻳﺮ ﺩﻱ ﻛﻨﺖ ﺡ ﺃﻗﻄﻊ ﻋﻼﻗﺘﻲ ﺑﻴﻚ ! ﻗﻠﺖ ﻟﻴﻬﺎ ﺣﻴﻮﺍﻧﺔ ﺑﺲ ﻣﺎ ﺃﻛﺘﺮ ﺑﺎﻟﻠﻪ ﻫﺴﻲ ﻣﺼﺎﺣﺒﺎﻧﻲ ﻋﺸﺎﻥ ﻓﻄﺎﻳﺮ ﻣﺎ ﺑﺘﺨﺠﻠﻲ !ﻗﺎﻟﺖ ﻟﻲ ﻟﻼﺳﻒ ﺩﺓ ﺍﻟﻮﺍﻗﻊ ﺍﻟﻤﺮﻳﺮ ﻗﻠﺖ ﻟﻴﻬﺎ ﺭﺑﻨﺎ ﻳﺼﺒﺮﻧﻲ ﻋﻠﻴﻚ ﻗﻌﺪﺕ ﻣﻌﺎﻫﻢ ﺷﻮﻳﺔ ﻭﺑﻌﺪﻫﺎ ﺭﺟﻌﺖ ﺍﻟﺒﻴﺖ... ﺑﺎﻟﻤﺴﺎﺀ ﻛﻨﺎ ﻗﺎﻋﺪﻳﻦ ﻓﻲ ﺍﻟﻐﺮﻓﺔ ﺃﻧﺎ ﻭﻧﺎﺱ ﻣﻬﺎﺩ ﻭﺑﻨﺘﻮﻧﺲ ﻛﺪﺓ ﻭﻣﻬﺎﺩ ﺑﺘﻮﺭﻱ ﻓﻴﻨﺎ ﻓﻲ ﺣﺎﺟﺎﺕ ﻋﺎﻳﺰﺓ ﺗﺠﻴﺒﻬﻢ ﻟﻌﺮﺳﻬﺎ ﻓﺠﺎﺓ ﺟﺎﻧﻲ ﺇﺗﺼﺎﻝ ﻣﻦ ﺭﻗﻢ ﻏﺮﻳﺐ ﻣﺎ ﺭﺩﻳﺖ ﻋﻠﻴﻬﻮ ﻻﻧﻮ ﻣﺎ ﻗﺎﻋﺪﺓ ﺃﺭﺩ ﻋﻠﻰ ﺃﻱ ﺭﻗﻢ ﻏﺮﻳﺐ، ﺷﻮﻳﺔ ﻭﺟﺎﺗﻨﻲ ﺭﺳﺎﻟﺔ ﻭﺍﺗﺴﺐ ﻣﻦ ﻧﻔﺲ ﺍﻟﺮﻗﻢ ﻓﺘﺤﺖ ﺍﻟﺮﺳﺎﻟﺔ ﻟﻘﻴﺘﻬﺎ ﺭﻳﻜﻮﺭﺩ ﺭﻛﺒﺖ ﺳﻤﺎﻋﺎﺗﻲ ﻭﺷﻐﻠﺘﻮ ﺳﻤﻌﺖ ﺻﻮﺕ ﺯﻭﻝ ﺑﻘﻮﻝ ﻓﻴﻬﻮ " ﺃﺣﺴﻦ ﻟﻴﻚ ﺗﺮﺩﻱ ﻋﻠﻰ ﺍﻟﻤﻜﺎﻟﻤﺎﺕ ﻭﺍﻻ ﻣﺎ ﺣﻴﺤﺼﻞ ﺧﻴﺮ ﻭﺇﻧﺘﻲ ﻋﺎﺭﻓﺎﻧﻲ ﻣﻤﻜﻦ ﺃﻋﻤﻞ ﺷﻨﻮ " ﺃﻧﺎ ﻣﻦ ﺳﻤﻌﺖ ﺍﻟﺼﻮﺕ ﻗﻠﺒﻲ ﺑﻘﻰ ﻳﻀﺮﺏ ﺑﻄﺮﻳﻘﺔ ﻣﺎ ﻃﺒﻴﻌﻴﺔ ﻭﺑﻘﻴﺖ ﺑﺮﺟﻒ ﻣﻦ ﻓﻮﻕ ﻟﺘﺤﺖ ﻟﻤﻦ ﺍﻟﺘﻠﻔﻮﻥ ﺃﺗﺮﻣﻰ ﻣﻦ ﻳﺪﻱ ... _____ _ ﻟﻨﺒﺪﺃ ﺍﻟﻘﺼﺔ ﻳﺎ ﻋﺰﻳﺰﻱ ﻋﻠﻰ ﺃﻣﻞ ﺃﻥ ﻳﺘﺤﻮﻝ ﻫﺬﺍً ﺍﻟﻄﺮﻳﻖ ﺍﻟﻄﻮﻳﻞ ﺇﻟﻰ ﻣُﻨﻌﻄﻒ ﻗﺼﻴﺮ ﻳﺆﺩﻱ ﺇﻟﻰ ﻛﺘﻔُﻚ⁦ ⁩...⁦⁩ ﺃﺷﻮﻓﻜﻢ⁦⁩ ...