ليحيا بك قلبي 9

1404 Words

NOVEL ? روايات: #ليحيا_بك_قلبي9 ﻭﻗﺖ ﺍﻟﺒﺮﻳﻚ ﻛﻨﺎ ﻗﺎﻋﺪﻳﻦ ﻓﻲ ﺍﻟﻜﺎﻓﺘﻴﺮﻳﺎ ﺑﻨﻔﻄﺮ، ﺍﻻﺀ ﻧﺒﻬﺘﻨﺎ ﻭﻗﺎﻟﺖ ﻟﻴﻨﺎ ﻋﺎﻳﻨﻮ ﻣﺶ ﺩﻳﻞ ﺩﻛﺘﻮﺭ ﻳﺤﻴﻰ ﻭﻫﺒﺔ! ﺑﺮﺍﺀﺓ ﻗﺎﻟﺖ ﻟﻴﻬﺎ ﻭﻳﻦ ﻗﺎﻟﺖ ﻟﻴﻬﺎ ﻫﻨﺎﻙ ﻓﻲ ﺍﻟﻄﺮﺑﻴﺰﺓ ﺍﻟﻘﺼﺎﺩﻧﺎ ﺩﻳﻚ، ﻋﺎﻳﻨﺎ ﺗﺠﺎﺓ ﻣﺎ ﻫﻲ ﻗﺎﻟﺖ ﻛﺎﻧﻮ ﻗﺎﻋﺪﻳﻦ ﺳﻮﺍً ﻭﻃﺒﻌﺎ ﻫﻲ ﺷﻐﺎﻟﺔ ﺗﻀﺤﻚ ﺳﺎﻱ ﻭﺑﻲ ﺃﻋﻠﻰ ﺻﻮﺕ ﻋﻨﺪﻫﺎ ﻭﺷﻜﻠﻬﻢ ﻛﺎﻥ ﺑﻴﻮﺣﻲ ﺃﻧﻬﻢ ﻣﻨﺪﺍﺣﻴﻦ ﻓﻲ ﺍﻟﻮﻧﺴﺔ، ﺑﺮﺍﺀﺓ ﻗﺎﻟﺖ ﻟﻴﻬﺎ ﺷﻮﻓﻴﻬﺎ ﺍﻟﺘﺎﻓﺔ ﻣﺘﺼﻠﻘﺔ ﻓﻴﻬﻮ ﻛﻴﻒ ﺑﺎﻟﻠﻪ ﺻﻮﺗﻬﺎ ﻭﺍﺻﻠﻨﻲ ﻫﻨﺎ، ﺃﻻﺀ ﻗﺎﻟﺖ ﻟﻴﻬﺎ ﺑﺎﻟﺠﺪ ﺻﻮﺗﻬﺎ ﻋﺎﻟﻲ ﻟﻜﻦ ﻛﺪﻱ ﺧﻠﻴﻚ ﻣﻦ ﺩﺍً ﻭﺭﻛﺰﻱ ﻓﻲ ﻳﺪﻫﺎ ﺍﻟﻴﻤﻴﻦ ﺷﻮﻓﻴﻬﺎ ﻻﺑﺴﺔ ﺩﺑﻠﺔ، ﺑﺮﺍﺀﺓ ﻗﺎﻟﺖ ﻟﻴﻬﺎ ﺃﻧﺼﺪﻣﺖ ﺍﻟﺰﻭﻟﺔ ﻃﻠﻌﺖ ﻣﺨﻄﻮﺑﺔ! ﺍﻻﺀ ﻗﺎﻟﺖ ﻟﻴﻬﺎ ﻳﺎ ﺑﺖ ﺃﻧﺎ ﺷﻔﺖ ﺍﻟﺪﺑﻠﺔ ﺩﻱ ﻓﻲ ﻳﺪﻫﺎ ﻣﻦ ﺃﻭﻝ ﻳﻮﻡ ﺷﻔﻨﺎﻫﺎ ﻓﻴﻬﻮ، ﺑﺮﺍﺀﺓ ﻗﺎﻟﺖ ﻟﻴﻬﺎ ﻋﺎﻥ ﺑﺘﺘﻤﺎﻳﻊ ﻛﻴﻒ ﻣﻊ ﺩﻛﺘﻮﺭ ﻳﺤﻴﻰ ﻫﺴﻲ ﺧﻄﻴﺒﻬﺎ ﻟﻮ ﺷﺎﻓﻬﺎ ﻭﻫﻲ ﻣﺘﻠﺼﻘﺔ ﻭﻣﺘﺤﻜﺤﻜﺔ ﻓﻴﻬﻮ ﻛﺪﺓ ﺡ ﻳﻌﻤﻞ ﺷﻨﻮ! ﻗﻠﺖ ﻟﻴﻬﺎ ﺧﻠﻴﻬﻢ ﻓﻲ ﺣﺎﻟﻬﻢ ﻧﺤﻨﺎ ﻣﺎ ﻟﻴﻨﺎ ﺩﺧﻞ ﺑﻴﻬﻢ ﻗﺎﻟﺖ ﻟﻲ ﻫﺴﻲ ﺇﻧﺘﻲ ﻣﺎﻟﻚ! ﻣﺎ ﻋﺎﺩﻱ ﻗﺎﻋﺪﻳﻦ ﻧﺘﻜﻠﻢ ﻓﻴﻬﻢ ﻗﻠﺖ ﻟﻴﻬﺎ ﻣﺎ ﻣﺎﻟﻲ ﺑﺲ ﻣﺎ ﻋﺎﻭﺯﺍﻙ ﺗﺮﻛﺰﻱ ﻣﻌﺎﻫﻢ ﺧﺼﻮﺻﻲ ﺃﻧﻮ ﻫﺒﺔ ﺍﻟﻤﺪﻳﺮﺓ ﺣﻘﺖ ﺍﻟﻘﺴﻢ ﺑﺘﺎﻋﺘﻨﺎ ﻳﻌﻨﻲ ﻭﻟﻮ ﺷﺎﻓﺘﻚ ﺑﺘﻌﺎﻳﻨﻲ ﻟﻴﻬﺎ ﺑﺎﻟﻨﻈﺮﺓ ﺩﻱ ﻳﻤﻜﻦ ﻣﺎ ﻳﺤﺼﻞ ﺧﻴﺮ، ﺍﻻﺀ ﻗﺎﻟﺖ ﻟﻴﻬﺎ ﻛﻼﻡ ﻣﻴﺎﻣﻦ ﺻﺢ ﻗﺎﻟﺖ ﻟﻴﻨﺎ ﺃﻣﻢ ﻃﻴﺐ ﻣﺎ ﺡ ﺃﺭﻛﺰ ﻣﻌﺎﻫﻢ ﻗﻠﺖ ﻟﻴﻬﺎ ﺣﺒﻴﻴﺒﺘﻲ ﺃﻧﺎ ﺍﻟﺒﺘﺴﻤﻊ ﺍﻟﻜﻼﻡ ﻗﺎﻟﺖ ﻟﻲ ﻫﻴﻲ ﻣﺎ ﺑﺴﻤﺢ ﻟﻲ ﺯﻭﻝ ﻳﻘﻮﻝ ﻟﻲ ﺣﺒﻴﻴﺒﺘﻲ ﻏﻴﺮ ﺯﻭﺟﻲ ﻗﺮﺓ ﻋﻴﻨﻲ ﻗﻠﺖ ﻟﻴﻬﺎ ﻣﺸﻤﻢ ﺧﻠﻲ ﻳﻨﻔﻌﻚ ﻗﺎﻟﺖ ﻟﻲ ﺃﺻﻼ ﻫﻮ ﻧﺎﻓﻌﻨﻲ ﺍﻻﺀ ﻗﺎﻟﺖ ﻟﻴﻬﺎ ﺭﺑﻨﺎ ﻳﺮﺯﻗﻨﺎ ﻭﺩ ﺍﻟﺤﻼﻝ ﻭﻳﻌﺮﺱ ﻟﻴﻨﺎ ﺑﺴﺮﻋﺔ ﺃﻧﺎ ﺧﻼﺹ ﻓﺎﺽ ﺑﻲ ﻗﻠﺖ ﻟﻴﻬﺎ ﻋﻠﻰ ﻓﻜﺮﺓ ﺍﻟﻌﺮﺱ ﺩﺍ ﻛﻼﻡ ﻓﺎﺿﻲ ﺳﺎﻱ ﻗﺎﻟﺖ ﻟﻲ ﺑﺮﺿﻮ ﻋﺎﻳﺰﺓ ﺃﻋﺮﺱ ﻗﻠﺖ ﻟﻴﻬﺎ ﺃﻥ ﺷﺎﺀ ﺍﻟﻠﻪ ﺗﻠﻘﻲ ﺍﻟﺒﺴﺘﺎﻫﻠﻚ ﻗﺎﻟﺖ ﻟﻲ ﺍﻟﻠﻪ ﻳﺴﻤﻊ ﻣﻨﻚ⁦ .....⁩ ﻭﻧﺤﻨﺎ ﺷﻐﺎﻟﻴﻦ ﻛﺪﺓ ﺟﺎﺑﻮ ﻟﻴﻨﺎ ﺣﺎﻟﺔ ﺃﺳﻌﺎﻓﻴﺔ ﻛﺎﻧﺖ ﺑﺖ ﺣﺎﻣﻞ ﻭﺃﺟﻬﻀﺖ ﻭﻭﺿﻌﻬﺎ ﻛﺎﻥ ﺻﻌﺐ ﺟﺪﺍً ﻭﺣﻴﺎﺗﻬﺎ ﻛﺎﻧﺖ ﻓﻲ ﺧﻄﺮ، ﻛﺎﻧﻮ ﻣﻌﺎﻫﺎ ﺃﻣﻬﺎ ﻭﺃﺧﺘﻬﺎ ﺃﺳﺘﻐﺮﺑﺖ ﺟﺪﺍً ﺭﺍﺟﻠﻬﺎ ﻟﻴﻪ ﻣﺎ ﺟﺎ ﻣﻌﺎﻫﺎ ﻻﻧﻮ ﺍﻟﻮﺿﻊ ﺍﻟﻬﻲ ﻛﺎﻧﺖ ﻓﻴﻬﻮ ﻣﺎ ﻛﺎﻥ ﺳﺎﻫﻞ ﺧﺎﻟﺺ، ﺩﺧﻠﻨﺎﻫﺎ ﻏﺮﻓﺔ ﺍﻟﻌﻤﻠﻴﺎﺕ ﻭﻋﻤﻠﻨﺎ ﻟﻴﻬﺎ ﺍﻟﻌﻤﻠﻴﺔ، ﻟﻤﻦ ﻃﻠﻌﺖ ﺑﺮﺓ ﻏﺮﻓﺔ ﺍﻟﻌﻤﻠﻴﺎﺕ ﺃﻣﻬﺎ ﺳﺎﻟﺘﻨﻲ ﻭﻗﺎﻟﺖ ﻟﻲ ﻋﻠﻴﻚ ﺍﻟﻠﻪ ﺑﺘﻲ ﺣﺎﻟﺘﻬﺎ ﻛﻴﻒ! ﻗﻠﺖ ﻟﻴﻬﺎ ﻭﺍﻟﻠﻪ ﻳﺎ ﺧﺎﻟﺘﻮ ﻣﺎ ﻋﺎﻳﺰﺓ ﺃﻛﺬﺏ ﻋﻠﻴﻚ ﺑﺼﺮﺍﺣﺔ ﻛﺪﺍ ﺑﺘﻚ ﻭﺿﻌﻬﺎ ﺻﻌﺐ ﺷﺪﺩﺩﻳﺪ ﺃﺩﻋﻲ ﻟﻴﻬﺎ ﻗﺎﻟﺖ ﻟﻲ ﻛﺮ ﻋﻠﻲ ﻳﺎ ﺣﺸﺎﺍﺍﻱ، ﻭﺑﻘﺖ ﺗﺒﻜﻰ ﻗﻠﺖ ﻟﻴﻬﺎ ﺧﺎﻟﺘﻮ ﺃﻫﺪﻱ ﺷﻮﻳﺔ ﻗﺎﻟﺖ ﻟﻲ ﻛﻴﻒ ﺃﻫﺪﻯ ﻭﺃﻧﺎ ﺑﺸﻮﻑ ﺑﺘﻲ ﺑﺘﻤﺮ ﺑﻨﻔﺲ ﺍﻟﻤﻮﻗﻒ ﻟﻲ ﺍﻟﻤﺮﺓ ﺍﻟﺘﺎﻟﺘﺔ ﻛﻴﻒ ﺑﺲ ! ﻓﻲ ﺍﻻﻭﻝ ﻣﺎ ﻓﻬﻤﺖ ﻛﻼﻣﻬﺎ ﺑﺲ ﺗﺎﻧﻲ ﺟﺎﺕ ﺃﺧﺖ ﺍﻟﻤﺮﻳﻀﺔ ﻭﻗﺎﻟﺖ ﻟﻴﻬﺎ ﺣﺴﺒﻲ ﺍﻟﻠﻪ ﻓﻴﻬﻮ ﻳﺎ ﺃﻣﻲ، ﺍﻷﻡ ﻗﺎﻟﺖ ﻟﻴﻬﺎ ﻛﻠﻤﺘﻬﺎ ﻭﻗﻠﺖ ﻟﻴﻬﺎ ﻣﺎ ﺗﺸﺘﻐﻠﻲ ﺑﻲ ﻛﻼﻣﻮ ﺍﻟﺪﻛﺎﺗﺮﺓ ﻭﺭﻭﻙ ﻭﻗﺎﻟﻮ ﻟﻴﻚ ﺣﻤﻠﻚ ﻣﺎ ﺑﻴﺜﺒﺖ ﻭﺡ ﻳﻌﺮﺽ ﺣﻴﺎﺗﻚ ﻟﻲ ﺍﻟﺨﻄﺮ ﻭﻣﻤﻜﻦ ﺗﻤﻮﺗﻲ ﺑﻲ ﺳﺒﺒﻮ ﻟﻜﻦ ﻫﻲ ﻋﺸﺎﻥ ﺧﺎﻳﻔﺔ ﻣﻨﻮ ﻣﺎ ﺳﻤﻌﺖ ﻛﻼﻣﻲ ﻭﺑﺐ ﻋﻠﻲ ﻳﺎ ﺍﻟﻠﻪ ﺗﺘﻄﻠﻊ ﺑﺘﻲ ﺳﺎﻟﻤﺔ، ﺃﺳﺘﻐﺮﺑﺖ ﺷﺪﺩﻳﺪ ﻣﻦ ﻛﻼﻡ ﺃﻣﻬﺎ ﻭﻣﺎ ﻓﻬﻤﺖ ﻫﻲ ﻗﺎﺻﺪﺓ ﺷﻨﻮ ﺑﺎﻟﻈﺒﻂ ﻟﻜﻦ ﺑﻌﺪ ﺷﻔﺖ ﺗﻘﺎﺭﻳﺮ ﺍﻟﻤﺮﻳﻀﺔ ﻋﺮﻓﺖ ﺃﻧﻮ ﺩﻱ ﺍﻟﻤﺮﺓ ﺍﻟﺘﺎﻟﺘﺔ ﺗﺠﻬﺾ ﻻﻧﻮ ﻋﻨﺪﻫﺎ ﻣﺸﻜﻠﺔ ﻓﻲ ﺍﻟﺮﺣﻢ ﻭﺣﻤﻠﻬﺎ ﻣﺎ ﺑﻴﺜﺒﺖ ﻭﻫﻲ ﻛﺎﻧﺖ ﻋﻠﻰ ﻋﻠﻢ ﺑﻲ ﺍﻟﻤﺸﻜﻠﺔ ﺩﻱ، ﺍﻟﻤﺮﻳﻀﺔ ﻣﺎ ﺻﺤﺖ ﺍﻻ ﺑﻌﺪ ﺃﺭﺑﻌﺔ ﻭﻋﺸﺮﻳﻦ ﺳﺎﻋﺔ ﻭﻭﺿﻌﻬﺎ ﺃﺳﺘﻘﺮ ﺷﻮﻳﺔ ﻭﻗﺪﺭﺕ ﺗﻔﺘﺢ ﻋﻴﻮﻧﻬﻢ، ﻣﺮﺓ ﻳﻮﻣﻴﻦ ﻭﻫﻲ ﻣﻌﺎﻧﺎ ﻓﻲ ﺍﻟﻤﺴﺘﺸﻔﻰ ﺃﻧﺎ ﻛﻨﺖ ﺍﻟﻤﺴﺆﻟﺔ ﻣﻨﻬﺎ ﻭﻣﻦ ﺻﺤﺘﻬﺎ ﻭﻣﻦ ﺃﻧﻬﺎ ﺗﺎﺧﺪ ﻋﻼﺟﺘﻬﺎ ﻓﻲ ﺍﻟﻮﻗﺖ ﺍﻟﻤﺤﺪﺩ، ﻓﻲ ﻣﺮﺓ ﺑﻌﺪ ﻣﺎ ﺃﺩﻳﺘﻬﺎ ﺍﻟﺪﻭﺍﺀ ﺳﺎﻟﺘﻨﻲ ﻭﻗﺎﻟﺖ ﻟﻲ ﻣﺎ ﺟﺎ ﻭﺍﺣﺪ ﻫﻨﺎ ﻭﺳﺎﻝ ﻋﻨﻲ؟ ! ﻗﻠﺖ ﻟﻴﻬﺎ ﻻﻻ ﻭﺍﻟﻠﻪ، ﻋﺎﻳﻨﺖ ﻟﻲ ﺑﺤﺴﺮﺓ ﻭﺳﻜﺘﺖ، ﻗﻠﺖ ﻟﻴﻬﺎ ﻣﻌﻠﻴﺶ ﺑﺲ ﻣﻤﻜﻦ ﺳﺆﺍﻝ ﻗﺎﻟﺖ ﻟﻲ ﺃﺗﻔﻀﻠﻲ ﻗﻠﺖ ﻟﻴﻬﺎ ﺇﻧﺘﻲ ﻟﻴﻪ ﺃﺫﻳﺘﻲ ﻧﻔﺴﻚ ﺑﺎﻟﻄﺮﻳﻘﺔ ﺩﻱ! ﻳﻌﻨﻲ ﺭﻏﻢ ﺃﻧﻚ ﻋﺎﺭﻓﺔ ﺃﻧﻮ ﺣﻤﻠﻚ ﻣﻦ ﺳﺎﺑﻊ ﺍﻟﻤﺴﺘﺤﻴﻼﺕ ﻳﺜﺒﺖ ﻭﻣﺮﺗﻴﻦ ﺣﺼﻞ ﻣﻌﺎﻙ ﺃﺟﻬﺎﺽ ﻟﻴﻪ ﺧﻠﻴﺘﻲ ﺍﻟﺘﺠﺮﺑﺔ ﺩﻱ ﺗﺘﻌﺎﺩ ﻭﺇﻧﺘﻲ ﻛﻨﺘﻲ ﻋﺎﺭﻓﺔ ﺃﻧﻮ ﻛﺎﻥ ﻣﻤﻜﻦ ﺗﻔﻘﺪﻱ ﺣﻴﺎﺗﻚ ﺑﺴﺒﺒﻬﺎ ﻟﻜﻦ ﺍﻟﻠﻪ ﺳﺘﺮ! ﻗﺎﻟﺖ ﻟﻲ ﻻﻧﻮ ﻣﺎ ﻓﻲ ﻳﺪﻱ ﺣﻴﻠﺔ ﻏﻴﺮ ﺃﻧﻲ ﺃﺣﺎﻭﻝ ﺃﺟﻴﺐ ﻟﻴﻬﻮ ﻋﻴﺎﻝ ﻗﻠﺖ ﻟﻴﻬﺎ ﻫﻮ ﻣﺎ ﺑﻴﺆﻣﻦ ﺑﻲ ﺭﺑﻨﺎ ﻭﺑﻲ ﺍﻟﻘﻀﺎﺀ ﻭﺍﻟﻘﺪﺭ! ﻳﻤﻜﻦ ﺭﺑﻨﺎ ﻛﺎﺗﺐ ﻟﻴﻜﻢ ﻣﺎ ﺗﺠﻴﺒﻮ ﻋﻴﺎﻝ ﻟﺨﻴﺮ ﺑﻴﻌﻤﻠﻮ ﻗﺎﻟﺖ ﻟﻲ ﻫﻮ ﻭﺭﺍﻧﻲ ﻭﻗﺎﻝ ﻟﻲ ﺃﻧﻮ ﺃﺫﺍ ﻋﻤﻠﺖ ﺷﻲ ﺑﻮﻗﻒ ﺍﻟﺤﻤﻞ ﺯﻱ ﺷﺮﻳﺤﺔ ﻭﻻ ﺣﺎﺟﺔ ﺑﺎﻟﺸﻜﻞ ﺩﺍً ﺣﻴﺪﻗﻨﻲ ﻭﻳﻄﻠﻘﻨﻲ ﻗﻠﺖ ﻟﻴﻬﺎ ﻟﻴﻪ ﻫﻮ ﻣﺎ ﻫﺎﻣﻴﻬﻮ ﺻﺤﺘﻚ! ﻣﺎ ﻋﺎﺭﻑ ﺃﻧﻮ ﻫﻮ ﻛﺪﺓ ﺑﺴﻮﻗﻚ ﻟﻲ ﺍﻟﻤﻮﺕ ﺳﻮﺍﻗﺔ! ﻗﺎﻟﺖ ﻟﻲ ﻋﺎﺭﻑ ﺑﺲ ... ﺳﻜﺖ ﻭﻣﺎ ﻋﺮﻓﺖ ﺗﻜﻤﻞ، ﻗﻠﺖ ﻟﻴﻬﺎ ﻻ ﺑﻌﺪﻳﻦ ﺇﻧﺘﻲ ﻛﻴﻒ ﺗﺮﺿﻲ ﺗﻌﺮﺿﻲ ﺣﻴﺎﺗﻚ ﻟﻠﺨﻄﺮ! ﻗﺎﻟﺖ ﻟﻲ ﺡ ﻳﻄﻠﻘﻨﻲ ﻗﻠﺖ ﻟﻴﻬﺎ ﻭﻳﻌﻨﻲ ﺍﻟﻄﻼﻕ ﻣﺎ ﻋﻴﺐ ﻭﺍﻟﻄﻼﻕ ﻟﻲ ﺑﻨﺎﺕ ﺍﻟﺮﺟﺎﻝ ﻗﺎﻟﺖ ﻟﻲ ﻟﻸﺳﻒ ﺍﻟﻤﺠﺘﻤﻊ ﺍﻟﻌﻴﺸﻴﻦ ﻓﻴﻬﻮ ﺩﺍ ﻣﺎ ﺡ ﻳﺨﻠﻴﻨﻲ ﻓﻲ ﺣﺎﻟﻲ ﺇﺫﺍ ﺍﺗﻄﻠﻘﺖ، ﺡ ﻳﻘﻌﺪﻭ ﻳﻌﺎﻳﺮﻭﻧﻲ ﻛﻞ ﻣﺎ ﻳﺸﻮﻓﻮﻧﻲ ﺍﻟﻤﻄﻠﻘﺔ ﻓﻼﻧﺔ .. ﻗﺎﻟﻮ ﺭﺍﺟﻠﻬﺎ ﻃﻠﻘﻬﺎ ﻋﺸﺎﻥ ﻋﻘﻴﻤﺔ ﻭﻣﺎ ﺑﺘﺠﻴﺐ ﺃﻭﻻﺩ .. ﺷﻮﻓﻮﻫﺎ ﻃﻠﻌﺖ ﻋﺎﻗﺮ ﻭﺗﺎﻧﻲ ﻣﺎﻑ ﺯﻭﻝ ﺡ ﻳﺮﺿﻰ ﺑﻴﻬﺎ ﻭﺣﺘﻔﻀﻞ ﺗﻌﺎﻧﻲ ﻟﻤﻦ ﺗﻤﻮﻭﺕ، ﻭ... ﻭﻫﻜﺬﺍ، ﺑﻌﺮﻑ ﻭﺍﺣﺪﺓ ﺃﻃﻠﻘﺖ ﻣﻦ ﺭﺍﺟﻠﻬﺎ ﻟﻨﻔﺲ ﺳﺒﺒﻲ ﻭﻣﻦ ﻛﺘﺮ ﻛﻼﻡ ﺍﻟﻨﺎﺱ ﺃﻧﺘﺤﺮﺕ ﻗﻠﺖ ﻟﻴﻬﺎ ﻻ ﺣﻮﻝ ﻭﻻ ﻗﻮﻩ ﺍﻻ ﺑﺎﻟﻠﻪ ﺃﻧﺘﺤﺮﺕ ﻋﺪﻳﻞ ﻛﺪﺓ ! ﻗﺎﻟﺖ ﻟﻲ ﺃﻳﻮﺓ، ﻗﻠﺒﻲ ﻭﺟﻌﻨﻲ ﺷﺪﺩﺩﺩﻳﺪ ﻭﺃﻧﺎ ﺑﺴﻤﻊ ﻓﻲ ﻛﻼﻣﻬﺎ ﻭﺩﻣﻮﻋﻲ ﻧﺰﻟﻮ، ﻓﻲ ﻗﻌﺪﺗﻨﺎ ﺩﻳﻚ ﻓﺠﺎﺓ ﻳﺠﻲ ﻭﺍﺣﺪ ﺩﺍﺧﻞ ﺍﻟﻐﺮﻓﺔ ﻭﻛﺎﻥ ﻫﺎﻳﺞ ﺷﺪﺩﺩﻳﺪ ﻭﻣﻦ ﺷﺎﻑ ﺍﻟﺒﺖ ﻃﻮﺍﻟﻲ ﺟﺎ ﺟﺮﺍﻫﺎ ﻣﻦ ﺍﻟﺴﺮﻳﺮ ﻟﻤﻦ ﻭﻗﻌﻬﺎ ﻓﻲ ﺍﻻﺭﺽ ﺑﻄﺮﻳﻘﺔ ﻣﺨﻴﻔﺔ ﻭﺑﻘﻰ ﻳﻀﺮﺏ ﻓﻴﻬﺎ ﺑﻜﻞ ﻏﻀﺐ ﺍﻟﺪﻧﻴﺎ ﻭﺷﻐﺎﻝ ﻟﻴﻬﺎ ﺃﺟﻬﻀﺘﻲ ﺗﺎﻧﻲ ﻣﺶ ﻳﺎ ﻋﺎﻗﺮ! ، ﻫﻲ ﺑﻘﺖ ﺗﺼﺮﺥ ﺑﻲ ﺃﻋﻠﻰ ﻣﺎ ﻋﻨﺪﻫﺎ ﻭﻫﻮ ﻧﻬﺎﺋﻲ ﻣﺎ ﻓﻜﺎﻫﺎ ﺟﻴﺖ ﺩﺍﻳﺮﺓ ﺃﻣﺴﻜﻬﺎ ﻣﻨﻮ ﻛﺪﺍً ﺩﻓﺮﻧﻲ ﻟﻲ ﻭﺭﺍ ﺑﻲ ﺃﻗﻮﻯ ﻣﺎ ﻋﻨﺪﻭ ﻭﻛﻨﺖ ﺡ ﺃﻗﻊ ﻟﻮﻻ ﻳﺤﻴﻰ ﺍﻟﺜﺒﺘﻨﻲ، ﻗﺎﻝ ﻟﻲ ﺇﻧﺘﻲ ﻛﻮﻳﺴﺔ! ﻫﺰﻳﺖ ﻟﻴﻬﻮ ﺭﺍﺳﻲ ﺑﻲ ﻣﻌﻨﻰ ﺃﻳﻮﺓ، ﻣﺸﻰ ﻋﻠﻰ ﺍﻟﺮﺍﺟﻞ ﻭﻣﺴﻜﻮ ﻣﻦ ﻟﻴﺎﻗﺔ ﻗﻤﻴﺼﻮ ﻭﻗﺎﻝ ﻟﻴﻬﻮ ﻣﺎ ﺑﺘﺨﺠﻞ ﻣﻌﻘﻮﻝ ﺭﺍﻓﻊ ﻳﺪﻙ ﻋﻠﻰ ﻣﺮﺍً ﻳﺎ ﻭﺳﺦ! ﻗﺎﻝ ﻟﻴﻬﻮ ﻭﺃﻧﺖ ﻣﺎﻟﻚ ﻭﻣﺎﻟﻲ ﺩﻱ ﻣﺮﺗﻲ ﻭﺃﻧﺎ ﺣﺮ ﺃﺭﻓﻊ ﻳﺪﻱ ﻋﻠﻴﻬﺎ ﻭﻻ ﺃﻗﺘﻠﻬﺎ، ﻳﺤﻴﻰ ﻗﺎﻝ ﻟﻴﻬﻮ ﻭﺃﻧﺖ ﺣﺎﻟﻴﺎ ﻭﺍﻗﻒ ﻓﻲ ﺍﻟﻤﺴﺘﺸﻔﻰ ﺣﻘﺘﻲ ﻭﺃﻧﺎ ﻣﺎ ﺡ ﺃﺳﻤﺢ ﻟﻴﻚ ﺗﺮﻓﻊ ﻳﺪﻙ ﻋﻠﻴﻬﺎ ﺗﺎﻧﻲ ﻃﺎﻟﻤﺎ ﻫﻲ ﻫﻨﺎ ﻭﻟﺰﻫﻮ ﻋﻠﻰ ﺍﻟﺒﺎﺏ ﻭﻗﺎﻝ ﻟﻴﻬﻮ ﻳﻼ ﺃﻣﺮﻕ ﺑﺮﺓ ﺍﻟﻤﺴﺘﺸﻔﻰ ﺩﻱ ﺳﺮﻳﻴﻊ، ﺍﻟﺮﺍﺟﻞ ﻗﺎﻝ ﻟﻴﻬﻮ ﻳﺎ ﺯﻭﻝ ﺃﻧﺎ ﺩﺍﻳﺮ ﺃﺳﻮﻕ ﻣﺮﺗﻲ ﻣﻌﺎﻱ، ﻳﺤﻴﻰ ﻗﺎﻝ ﻟﻴﻬﻮ ﻣﺎ ﺡ ﺗﺴﻮﻗﻬﺎ ﻭﻧﺎﺩﻯ ﺍﻻﻣﻦ ﺣﻖ ﺍﻟﻤﺴﺘﺸﻔﻰ ﺟﻮ ﻃﻠﻌﻮﻩ، ﺃﻧﺎ ﻣﺎ ﻗﺪﺭﺕ ﺃﺳﺘﺤﻤﻞ ﺷﻜﻠﻬﺎ ﻭﻫﻲ ﻣﺮﻣﻴﺔ ﻓﻲ ﺍﻻﺭﺽ ﻭﻣﻀﺮﻭﺑﺔ ﻟﺤﻈﺘﻬﺎ ﺭﺟﻌﺖ ﻟﻲ ﺍﻟﺬﻛﺮﻳﺎﺕ ﺍﻟﻤﺆﻟﻤﺔ ﺗﺎﻧﻲ، ﻃﻠﻌﺖ ﺑﺮﺓ ﺑﺴﺮﻋﺔ ﻭﻗﻌﺪﺕ ﻓﻲ ﻛﺮﺳﻲ ﻓﻲ ﺍﻟﻨﺠﻴﻠﺔ ﺣﻘﺖ ﺍﻟﻤﺴﺘﺸﻔﻰ ﻭﺑﻘﻴﺖ ﺑﺒﻜﻲ ﺑﻲ ﺣﺮﻗﻪ ﻭﻣﻨﻈﺮﻫﺎ ﻛﻞ ﻣﺎ ﻫﻮ ﺑﻴﺘﻌﺎﺩ ﻓﻲ ﻣﺨﻴﻠﺘﻲ، ﺍﻟﻤﻄﺮﺓ ﻛﺎﻧﺖ ﺻﺎﺑﺔ ﺑﺲ ﺃﻧﺎ ﻛﻨﺖ ﻓﻲ ﺣﺎﻟﺔ ﺗﺎﻧﻴﺔ ﻭﻣﺎ ﺣﺎﺳﺔ ﺑﻲ ﺷﻲ ﻏﻴﺮ ﺍﻟﻮﺟﻊ، ﺭﺟﻌﺖ ﻟﻲ ﺍﻟﺬﻛﺮﻳﺎﺕ ﺍﻟﺴﺌﻴﺔ ﻛﻠﻬﺎ ﻭﺣﺎﺻﺮﺗﻨﻲ، ﻗﺮﻳﺐ ﺍﻟﻨﺺ ﺳﺎﻋﺔ ﻭﺃﻧﺎ ﻗﺎﻋﺪﺓ ﻓﻲ ﺣﺘﺘﻲ ﺩﻳﻚ ﻭﺑﺒﻜﻲ ﻭﺯﺩﺕ ﻓﻲ ﺍﻟﺒﻜﻰ ﺃﻛﺘﺮ ﻟﻤﻦ ﺳﻤﻌﺖ ﺻﻮﺕ ﺩﻛﺘﻮﺭ ﻳﺤﻴﻰ ﻭﻫﻮ ﺑﻘﻮﻝ ﻟﻲ ﻣﻴﺎﻣﻦ ﻛﺎﻥ ﻭﺍﻗﻒ ﻗﺪﺍﻣﻲ ﻭﺑﻴﺤﺎﻭﻝ ﻳﻘﻮﻝ ﻛﻼﻡ ﺑﺲ ﻣﺎ ﻋﺎﺭﻑ ﻳﻘﻮﻝ ﺷﻨﻮ، ﻗﻠﺖ ﻟﻴﻬﻮ ﻫﻮ ﻟﻴﻪ ﻋﻤﻞ ﻛﺪﺍ ! ﻗﺎﻝ ﻟﻲ ﻟﻼﺳﻒ ﻻﻧﻮ ﻭﺍﺣﺪ ﻣﺎ ﻋﻨﺪﻭ ﻗﻠﺐ ﺃﻭ ﺫﺭﺓ ﺍﻧﺴﺎﻧﻴﺔ ﻗﻠﺖ ﻟﻴﻬﻮ ﻃﻴﺐ ﻫﻲ ﻟﻴﻬﺎ ﻣﻜﺘﻮﺏ ﻟﻴﻬﺎ ﺗﺘﻌﺬﺏ ﺑﺎﻟﻄﺮﻳﻘﺔ ﺩﻱ! ﻫﻲ ﺫﻧﺒﻬﺎ ﺷﻨﻮ ﺃﺫﺍ ﺭﺑﻨﺎ ﻣﺎ ﻛﺎﺗﺐ ﻟﻴﻬﺎ ﺗﺠﻴﺐ ﺃﻭﻻﺩ، ﻟﻴﻪ ﺗﺨﺎﻑ ﻣﻦ ﻛﻠﻤﺔ ﻣﻄﻠﻘﺔ! ﻃﻼﻕ ... ﻃﻼﻕ .. ﻃﻼﻕ ﻟﻴﻪ ﻣﺠﻤﻌﺘﻨﺎ ﻣﻌﺘﺒﺮ ﺍﻟﻄﻼﻕ ﺣﺎﺟﺔ ﻋﻴﺐ ﻭﻣﺨﺠﻠﺔ! ﻟﻴﻪ ﺍﻟﻨﺎﺱ ﻣﺎ ﺑﺘﺤﺘﺮﻡ ﺍﻟﻤﺮﺓ ﺍﻟﻤﻄﻠﻘﺔ ﻭﺑﺸﻮﻓﻮﻫﺎ ﺯﻱ ﺍﻟﻌﺎﻣﻠﻪ ﺟﺮﻳﻤﺔ، ﻟﻴﻪ ﻟﻤﻦ ﻭﺍﺣﺪ ﻳﺤﺐ ﻭﺍﺣﺪﺓ ﻭﻳﻜﻮﻥ ﻋﺎﻭﺯ ﻳﺘﺰﻭﺟﻬﺎ ﺃﻫﻠﻮ ﻳﺮﻓﻀﻮ ﻭﻳﻌﺎﺭﺿﻬﻮ ﻟﻤﺠﺮﺩ ﻣﺎ ﻫﻲ ﻣﻄﻠﻘﺔ! ﻟﻤﺘﻴﻦ ﻣﺠﺘﻤﻌﻨﺎ ﺣﻴﻔﻀﻞ ﻋﻘﻴﻢ ﻛﺪﺓ؟ ! ﺍﻟﻮﺍﺣﺪﺓ ﻣﻦ ﺗﺘﻄﻠﻖ ﻳﺤﺮﻣﻮ ﻋﻠﻴﻬﺎ ﺣﺎﺟﺎﺕ ﻛﺘﺘﻴﺮﺓ، ﻣﺎ ﺗﻠﺒﺴﻲ ﻛﺪﺍ ﺇﻧﺘﻲ ﻣﻄﻠﻘﺔ ﺍﻟﻨﺎﺱ ﺣﺘﻘﻮﻝ ﻋﻨﻚ ﺷﻨﻮ! ﻣﺎ ﺗﺘﻤﻜﻴﺠﻲ ﺇﻧﺘﻲ ﻣﻄﻠﻘﺔ، ﻭﺃﻓﻌﻠﻲ ﺩﺍً ﻭﻣﺎ ﺗﻔﻌﻠﻲ ﺩﺍﻙ، ﻭﻟﻮ ﻋﻠﻴﻬﻢ ﺍﻟﻀﺤﻚ ﻳﻘﻮﻝ ﻟﻴﻬﺎ ﻣﺎ ﺗﻀﺤﻜﻲ ﺑﺲ ﻋﺸﺎﻥ ﺇﻧﺘﻲ ﻣﻄﻠﻘﺔ، ﻭﻟﻤﻦ ﻳﺠﻴﺒﻬﺎ ﻋﺮﻳﺲ ﻛﺒﻴﻴﺮ ﻃﻮﺍﻟﻲ ﻳﻮﺍﻗﻔﻮ ﺑﺤﺠﺔ ﺃﻧﻬﺎ ﻣﻄﻠﻘﺔ ﻭﺗﺎﻧﻲ ﻣﺎ ﺡ ﺗﻠﻘﻰ ﻭﺍﺣﺪ ﻳﻘﺒﻞ ﺑﻴﻬﺎ ﺣﺘﻰ ﻣﺎ ﺑﻔﻜﺮﻭ ﻳﺴﺎﻟﻮﻫﺎ ﻋﻦ ﺭﺃﻳﻬﺎ ﺃﻭ ﻳﺴﺎﻟﻮ ﻋﻨﻮ ﻫﻮ ﺯﺍﺗﻮ ﻭﻳﺸﻮﻓﻮ ﻫﻞ ﻫﻮ ﻣﻨﺎﺳﺐ ﻟﻴﻬﺎ ﻭﻻ ﻻ! ﺡ ﻳﺤﺘﺮﻣﻬﺎ ﻭﻻ ﺗﺎﻧﻲ ﺡ ﺗﻤﺮ ﺑﻨﻔﺲ ﺍﻟﻤﻌﺎﻧﺎﺓ.. ! ﺃﻳﻮﺓ ﺻﺎﺡ ﺃﻥ ﺃﺑﻐﺾ ﺍﻟﺤﻼﻝ ﻋﻨﺪ ﺍﻟﻠﻪ ﺍﻟﻄﻼﻕ ﺑﺲ ﺩﻱ ﻣﺎ ﺑﻴﻌﻨﻰ ﺃﻧﻮ ﺍﻟﻤﻄﻠﻘﺔ ﺩﻱ ﻳﻌﺎﻣﻠﻮﻫﺎ ﺯﻱ ﺍﻟﻤﺮﺗﻜﺒﺔ ﺟﺮﻳﻤﺔ ﺃﻭ ﻃﻼﻗﻬﺎ ﺣﺎﺟﺔ ﺗﺨﺠﻞ ﻣﻨﻬﺎ، ﺑﺲ ﺍﻟﻌﻜﺲ ﺃﻧﺎ ﺷﺎﻳﻔﺔ ﺃﻧﻮ ﺍﻟﻄﻼﻕ ﻣﻔﺮﻭﺹ ﻳﻘﻮﻳﻨﺎ ﻋﺸﺎﻥ ﺍﻟﻤﺮﺓ ﺍﻟﺠﺎﻳﺔ ﻧﻌﺮﻑ ﻧﺨﺘﺎﺭ ﺻﺢ، ﺍﻟﺰﻭﻝ ﺍﻟﻤﻨﺎﺳﺐ ﻣﺎ ﺃﻱ ﺯﻭﻝ ﺳﺎﺍﻱ، ﺃﺧﺨﺦ ﻫﻮ ﻣﺎ ﻣﻦ ﺣﻘﻮ ﻳﺮﻓﻊ ﻳﺪﻭ ﻭﻳﻀﺮﺑﻬﺎ ﻛﺪﺓ، ﻛﻨﺖ ﺑﺘﻜﻠﻢ ﻭﺑﺘﻨﻬﺪ ﻭﻳﺎﻟﻠﻪ ﻗﺎﺩﺭﺓ ﺃﺗﻨﻔﺲ، ﻗﺎﻝ ﻟﻲ ﻧﻌﻤﻞ ﺷﻨﻮ ﻧﺤﻨﺎ ﻫﻮ ﻋﺎﻣﻞ ﻧﻔﺴﻮ ﺭﺍﺟﻞ ﺑﺎﻟﻀﺮﺏ ﻗﻠﺖ ﻟﻴﻬﻮ ﺃﺗﻔﻮﻭ ﻋﻠﻰ ﺍﻟﺮﺟﻮﻟﺔ ﻟﻮ ﻛﺎﻧﺖ ﺑﺎﻟﻀﺮﺏ ﻗﺎﻝ ﻟﻲ ﻣﺎ ﺗﺸﻐﻠﻰ ﺑﺎﻟﻚ ﺑﻴﻬﻢ ﻛﺘﺘﻴﺮ ﺭﺑﻨﺎ ﺣﻴﺄﺧﺪ ﻟﻴﻬﺎ ﺣﻘﻬﺎ ﻗﻠﺖ ﻟﻴﻬﻮ ﻣﺎ ﻗﺎﺩﺭﺓ ﻭﺍﻟﻠﻪ، ﺃﻧﺎ ﻣﻔﺮﻭﺽ ﺃﺗﻜﻠﻢ ﻣﻌﺎﻫﺎ ﻭﺃﺧﻠﻴﻬﺎ ﺗﺮﻓﻊ ﻗﻀﻴﺔ ﺿﺪﻭﺩ ﻫﻮ ﻻﺯﻡ ﻳﺘﻌﺎﻗﺐ ﻗﺎﻝ ﻟﻲ ﻣﻴﺎﻣﻦ ﻻ ﻣﺎ ﺗﻌﻤﻠﻲ ﻛﺪﺓ ﺧﻠﻲ ﺍﻟﻨﺎﺱ ﻓﻲ ﺣﺎﻟﻬﻢ ﻫﻤﺎ ﺑﻌﺮﻓﻮ ﻳﺘﺼﺮﻓﻮ ﺻﺢ ﺑﺮﺍﻫﻢ، ﻟﻤﻦ ﻗﺎﻝ ﻛﺪﺓ ﺃﻧﻔﻌﻠﺖ ﻓﻴﻪ ﻭﻗﻠﺖ ﻟﻴﻬﻮ ﻻ ﻣﺎ ﺡ ﺃﺧﻠﻴﻬﻢ ﻗﺎﻝ ﻟﻲ ﻣﺎ ﺻﺎﺡ ﺗﺤﺮﺿﻲ ﺍﻟﺒﺖ ﻫﻲ ﺡ ﺗﻘﻌﺪ ﻣﻊ ﻧﻔﺴﻬﺎ ﻭﺗﻔﻜﺮ ﻓﻲ ﺣﻴﺎﺗﻬﺎ ﻭﺗﻌﺮﻑ ﺗﺨﺘﺎﺭ ﺍﻟﺼﺢ ﻣﻦ ﺍﻟﻐﻠﻂ ﻗﻠﺖ ﻟﻴﻬﻮ ﺃﻧﺖ ﻣﺎ ﻋﻨﺪﻙ ﻓﻴﻨﻲ ﺷﻐﻠﺔ ﺣﺄﻣﺶ ﺃﺗﻜﻠﻢ ﻣﻌﺎﻫﺎ ﻗﺎﻝ ﻟﻲ ﺑﻄﻠﻲ ﺍﻟﺤﺸﺮﻳﺔ ﺍﻟﺒﺘﻌﻤﻠﻲ ﻓﻴﻬﺎ ﺩﻱ ﻭﺧﻠﻲ ﺍﻟﻨﺎﺱ ﻓﻲ ﺣﺎﻟﻬﻢ ﻗﻠﺖ ﻟﻴﻬﻮ ﺑﻐﻴﻆ ﺃﻧﺎ ﺣﺸﺮﻳﺔ! ﻗﺎﻝ ﻟﻲ ﺃﻳﻮﺓ ﺣﺸﺮﻳﺔ ﻻﻧﻮ ﻣﺎﻑ ﺩﺍﻋﻲ ﺃﻭ ﺳﺒﺐ ﻳﺨﻠﻴﻚ ﺗﺪﺧﻠﻲ ﻓﻲ ﺣﺎﺟﺔ ﻣﺎ ﺑﺘﻌﻨﻴﻚ ﻗﻠﺖ ﻟﻴﻬﻮ ﺑﺼﻮﺕ ﻋﺎﻟﻲ ﺃﺷﺒﻪ ﺑﺎﻟﺼﺮﺍﺥ ﻻ ﻓﻲ ﺩﺍﺍﺍﻋﻲ ﺃﺗﺪﺧﻞ، ﻓﻲ ﺩﺍﺍﻋﻲ ﻻﻧﻲ ﻣﺮﻳﺖ ﺑﻨﻔﺲ ﻣﻮﺍﻗﻔﻬﺎ ﻭﺃﻧﻀﺮﺑﺖ ﻧﻔﺲ ﺿﺮﺑﻬﺎ ﺩﺍً ﻭﻟﻨﻔﺲ ﺍﻟﺴﺒﺐ ﻛﻤﺎﻥ ...... _________ _ ﺟﺎﻫﺪ ﺃﻻ ﺗﻠﺘﻔﺖَ ﺇﻟﻰ ﺍﻟﻮﺭﺍﺀ ﻓﺈِﻥ ﺍﻟﻤﺮﺀ ﻋﻠﻰ ﻗﺪﺭ ﺣﻨﻴﻨﻪ ﻳُﻬﺎﻥ... ﺃﺷﻮﻓﻜﻢ⁦ ..

Free reading for new users

Scan code to download app

App Store Google Play

Facebookexpand_more