ليحيا بك قلبي7

1895 Words

NOVEL ? روايات: #ليحيا_بك_قلبي7 ﻫﻮ ﻛﺎﻥ ﻭﺍﻗﻒ ﻣﺨﻠﻮﻉ ﻭﺑﺴﻤﻊ ﻓﻲ ﻛﻼﻣﻲ ﻭﻣﺎ ﻓﺎﺍﻫﻢ ﺣﺎﺟﺔ ﻭﺑﺤﺎﻭﻝ ﻳﺴﺘﻮﻋﺐ ﺃﻧﺎ ﺑﻘﻮﻝ ﻓﻲ ﺷﻨﻮ، ﺃﺗﺼﻠﻘﺖ ﻣﻊ ﺍﻟﺒﺎﺏ ﺣﻖ ﺍﻟﻌﺮﻳﻴﺔ ﺍﻟﺘﺎﻧﻲ ﻭﺯﺣﻴﺖ ﻣﻨﻮ ﻭﻛﻨﺖ ﺧﺎﻳﻔﺔ ﺟﺪﺍً ﻭﺑﺲ ﺑﺒﻜﻲ ﻭﺑﺮﺩﺩ ﻓﻲ ﺍﻟﻜﻼﻡ، ﺃﺧﺮ ﺍﻟﻨﻬﺎﻳﺔ ﻟﻤﻦ ﺷﺎﻓﻨﻲ ﺧﺎﻳﻔﺔ ﻣﻨﻮ ﺃﺳﺘﺴﻠﻢ ﻭﺭﻛﺐ ﺍﻟﻌﺮﺑﻴﺔ ﻭﺃﻣﻦ ﺍﻻﺑﻮﺍﺏ ﻭﺃﺗﺤﺮﻙ ﻋﻠﻰ ﺍﻟﻤﺴﺘﺸﻔﻰ ﻟﻤﻦ ﻭﺻﻠﻨﺎ ﻫﻮ ﻧﺰﻝ ﻭﺧﻼﻧﻲ ﻓﻲ ﺍﻟﻌﺮﺑﻴﺔ، ﻋﺪﺍ ﻣﺴﺎﻓﺔ ﻭﺗﺎﻧﻲ ﺟﺎ ﻫﻮ ﻭﺍﻻﺀ ﻓﺘﺢ ﺍﻟﺒﺎﺏ ﻭﻗﺎﻝ ﻟﻴﻬﺎ ﻭﺍﻟﻠﻪ ﻣﺎ ﻋﺎﺭﻑ ﺍﻟﺤﺼﻞ ﻟﻴﻬﺎ ﺷﻨﻮ ﻓﺠﺄﺓ ﺟﺎﻫﺎ ﺇﺗﺼﺎﻝ ﻭﺑﻌﺪﻫﺎ ﺑﻘﺖ ﺗﺮﺟﻒ ﻛﺪﺓ ﺍﻻﺀ ﻣﺴﻜﺘﻨﻲ ﻭﻗﺎﻟﺖ ﻟﻲ ﻣﻴﺎﻣﻦ ﺇﻧﺘﻲ ﻛﻮﻳﺴﺔ! ﺣﻀﻨﺘﻬﺎ ﻭﻗﻠﺖ ﻟﻴﻬﺎ ﺍﻻﺀ ﻫﻮ .. ﻫﻮ ﺭﺟﻊ ﺿﺮﺏ ﻟﻲ ﺗﺎﻧﻲ ﻭﺭﻳﻬﻮ ﺃﻧﻲ ﺑﺨﺎﻑ ﺃﺳﻤﻊ ﺻﻮﺗﻮ ﺧﻠﻴﻬﻮ ﻳﺨﺘﻔﻲ ﻣﻦ ﺣﻴﺎﺗﻲ، ﺃﻧﺎ ﺧﺎﻳﻔﺔ ﻳﺮﺟﻊ ﻳﻌﺬﺑﻨﻲ ﺗﺎﻧﻲ، ﻟﻤﺠﺮﺩ ﻣﺎ ﺃﺳﻤﻊ ﺻﻮﺗﻮ ﻛﻞ ﺍﻟﺬﻛﺮﻳﺎﺕ ﺍﻟﺴﺌﻴﺔ ﺩﻳﻚ ﺑﺘﺮﺟﻊ ﻟﻲ، ﺍﻟﻤﻮﺕ ﺃﻫﻮﻥ ﻟﻲ ﻣﻦ ﺃﻧﻲ ﺃﺳﻤﻊ ﺻﻮﺗﻮ، ﻧﻔﺴﻲ ﻳﺠﻲ ﻳﻮﻡ ﻭﺃﻧﻮﻡ ﺯﻱ ﺍﻟﻨﺎﺱ ﻭﻣﺎ ﺃﻫﻠﻮﺱ ﺑﻴﻪ، ﺃﻧﺎ ﻟﻴﻪ ﻣﻜﺘﻮﺏ ﻟﻲ ﺍﻟﻌﺬﺍﺏ ﺩﺍ ﻛﻠﻮ! ﺃﻻﺀ ﻛﻠﻤﻴﻬﻮ ﻭﻗﻮﻟﻲ ﻟﻴﻬﻮ ﻳﺒﻌﺪ ﻣﻨﻲ ﺃﻧﺎ ﺑﺨﺎﺍﺍﻑ ﻗﺎﻟﺖ ﻟﻲ ﺃﺧﺦ ﺑﺲ ﻳﺎ ﻣﻴﺎﻣﻦ، ﺳﻨﺪﺗﻨﻲ ﻭﺩﺧﻠﺘﻨﻲ ﺍﻟﻤﺼﻠﻰ ﺑﺘﺎﻉ ﺍﻟﻤﺴﺘﺸﻔﻰ ﻭﻗﻠﻌﺖ ﻟﻲ ﻧﻘﺎﺑﻲ، ﺑﺮﺍﺀﺓ ﺟﺎﺗﻨﺎ ﻫﻨﺎﻙ ﻭﻗﺎﻟﺖ ﻟﻴﻬﺎ ﺍﻻﺀ ﻣﻴﺎﻣﻦ ﻣﺎﻻ! ﺍﻻﺀ ﻗﺎﻟﺖ ﻟﻴﻬﺎ ﺷﻜﻠﻮ ﺍﻟﻤﻌﻔﻦ ﺩﺍﻙ ﺿﺮﺏ ﻟﻴﻬﺎ ﺗﺎﻧﻲ ﻭﻫﺪﺩﻫﺎ، ﺑﺮﺍﺀﺓ ﻗﺎﻟﺖ ﻟﻴﻬﺎ ﻳﻌﻨﻲ ﻫﻮ ﻣﺎ ﻛﻔﺎﻫﻮ ﺍﻟﻌﺬﺍﺏ ﺍﻟﻌﺬﺑﻮ ﻟﻴﻬﺎ ﺟﺎﺍﺍﻱ ﺗﺎﻧﻲ ﻳﺎﺫﻳﻬﺎ! ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ﻓﻴﻪ، ﺍﻻﺀ ﻗﺎﻟﺖ ﻟﻴﻬﺎ ﻧﻔﺴﻲ ﺃﻓﻬﻢ ﻫﻮ ﻟﻲ ﻟﺴﻪ ﻣﺼﺮ ﻳﻀﺮﺏ ﻟﻴﻬﺎ ! ، ﺑﺮﺍﺀﺓ ﻗﺎﻟﺖ ﻟﻴﻬﺎ ﺑﺲ ﻋﺸﺎﻥ ﻳﺨﻮﻓﻬﺎ ﻭﻟﻼﺳﻒ ﻫﻲ ﻣﺎ ﻗﺎﺩﺭﺓ ﺗﻨﺴﻰ ﺍﻟﻮﺟﻊ ﺍﻟﻌﺎﺷﺘﻮ ﻣﻌﺎﻫﻮ ﻭﻫﻮ ﻣﺴﺘﻐﻞ ﺍﻟﺤﺘﺔ ﺩﻱ ﻓﻀﻠﻮ ﻳﻬﺪﻭ ﻓﻴﻨﻲ ﻭﺃﻧﺎ ﺑﺒﻜﻲ ﻭﻣﺎ ﺟﺎﻳﺒﺔ ﻟﻴﻬﻢ ﺧﺒﺮ ﻭﺣﺎﺳﺔ ﻧﻔﺴﻲ ﻓﻲ ﻋﺎﻟﻢ ﺗﺎﻧﻲ، ﻋﺎﻟﻢ ﻏﻴﺮ ﺍﻟﻮﺟﻊ ﻭﺍﻟﻌﺬﺍﺏ ﻭﺍﻟﻀﻼﻡ ﻣﺎ ﻓﻴﻬﻮ ﺣﺎﺟﺔ، ﺑﺮﺍﺀﺓ ﻗﺎﻟﺖ ﻟﻲ ﻣﻴﺎﻣﻦ ﺣﺒﻴﻴﺒﺘﻲ ﻗﻮﻣﻲ ﻏﺴﻠﻲ ﻭﺷﻚ ﺩﺍ ﻭﺗﻌﺎﻟﻲ ﺇﻧﺘﻲ ﻻﺯﻡ ﺗﺒﻘﻲ ﻗﻮﻳﺔ ﻭﻣﺎ ﺗﺨﺎﻓﻲ ﻣﻨﻮ ﺗﺎﻧﻲ ﻗﻠﺖ ﻟﻴﻬﺎ ﻣﺎ ﻗﺎﺩﺭﺓ ﻳﺎ ﺑﺮﺍﺀﺓ ﻣﺎ ﻗﺎﺩﺭﺓ ﻫﻮ ﻣﺴﻴﻄﺮ ﻋﻠﻲ ﺑﻜﻠﻮ ﻗﺎﻟﺖ ﻟﻲ ﻭﺇﻧﺘﻲ ﺃﺗﻐﻠﺒﻲ ﻋﻠﻰ ﺍﻟﺴﻴﻄﺮﺓ ﺩﻱ، ﻣﻴﺎﻣﻦ ﻣﺎ ﻣﻤﻜﻦ ﺗﻌﻴﺸﻲ ﺑﺎﻗﻲ ﺣﻴﺎﺗﻚ ﻛﻠﻬﺎ ﺧﺎﻳﻔﺔ ﺑﺎﻟﻄﺮﻳﻘﺔ ﺩﻱ ﻗﻠﺖ ﻟﻴﻬﺎ ﻋﺸﺎﻥ ﻛﺪﺓ ﺃﻧﺎ ﻋﺎﻭﺯﺓ ﺃﺭﺗﺎﺡ ﻭﺃﻣﻮﺕ ﻟﺤﻈﺔ ﻗﻠﺖ ﻛﺪﺓ ﺿﺮﺑﺘﻨﻲ ﻛﻒ ﺑﻲ ﺃﻗﻮﻯ ﻣﺎ ﻋﻨﺪﻫﺎ ﻭﻗﺎﻟﺖ ﻟﻲ ﺇﻧﺘﻲ ﻭﺍﻋﻴﺔ ﻟﻲ ﺍﻟﺒﺘﻘﻮﻟﻲ ﻓﻴﻬﻮ ﺩﺍ! ﻣﻌﻘﻮﻟﺔ ﺗﺴﻤﺤﻲ ﻟﻤﺠﺮﺩ ﻛﺎﺋﻦ ﻧﺪﻝ ﻭﻗﺰﺭ ﺃﻧﻮ ﻳﺨﻠﻴﻚ ﺗﺘﻤﻨﻲ ﺍﻟﻤﻮﺕ! ﺩﻣﻮﻋﻬﺎ ﻧﺰﻟﻮ ﻭﻗﺎﻟﺖ ﻟﻲ ﻛﻨﺖ ﻣﻔﺘﻜﺮﺍﻙ ﺃﻗﻮﻯ ﻣﻦ ﻛﺪﺓ ﻳﺎ ﻣﻴﺎﻣﻦ ﻗﻠﺖ ﻟﻴﻬﺎ ﻟﻸﺳﻒ ﺃﻧﺎ ﺑﻌﻤﻞ ﻧﻔﺴﻲ ﺃﺗﺠﺎﻭﺯﺕ ﻛﻞ ﺷﻲ ﻭﺑﻘﻴﺖ ﻗﻮﻳﺔ ﻟﻜﻦ ﺃﻧﺎ ﻫﺸﺔ ﺟﺪﺍً ﻣﻦ ﺍﻟﺪﺍﺧﻞ ﻳﺎ ﺑﺮﺍﺀﺓ، ﻟﺴﻪ ﺍﻟﺨﻮﻑ ﻭﺍﻟﺬﻛﺮﻳﺎﺕ ﻣﺘﻤﻜﻴﻦ ﻣﻨﻲ ﻭﻣﺤﻔﻮﺭﻳﻦ ﺟﻮﺍ ﻣﺨﻴﻠﺘﻲ ﻗﺎﻟﺖ ﻟﻲ ﻃﻠﻌﻴﻬﻢ ﻗﻠﺖ ﻟﻴﻬﺎ ﻛﻴﻒ ﺑﺲ ﻭﻫﻮ ﻣﺎ ﺭﺍﺿﻲ ﻳﻔﺎﺭﻗﻨﻲ! ﻻﺯﻡ ﻛﻞ ﻣﺎ ﺃﻧﻮﻡ ﺃﺗﺬﻛﺮ ﺍﻟﻌﻤﻠﻮ ﻣﻌﺎﻱ ﻭﺃﻓﻀﻞ ﻃﻮﻝ ﺍﻟﻠﻴﻞ ﻣﺴﺎﻫﺮﺓ ﻗﺎﻟﺖ ﻟﻲ ﺡ ﺗﻘﺪﺭﻱ ﺭﺑﻨﺎ ﺡ ﻳﻌﻮﺿﻚ ﺡ ﻳﻨﺴﻴﻚ ﺍﻟﺤﺼﻞ ﻗﻠﺖ ﻟﻴﻬﺎ ﺑﺘﻤﻨﻰ، ﺍﻻﺀ ﻗﺎﻟﺖ ﻟﻴﻨﺎ ﻗﻮﻣﻮ ﺻﻠﻮ ﺭﻛﻌﺘﻴﻦ ﻭﺧﻠﻮﻧﺎ ﻧﺪﻋﻰ ﺭﺑﻨﺎ ﻳﺠﺒﺮ ﺑﺨﺎﻃﺮﻙ ﻳﺎ ﻣﻴﺎﻣﻦ، ﺑﺮﺍﺀﺓ ﻗﺎﻟﺖ ﻟﻴﻬﺎ ﻛﻼﻣﻚ ﺻﺢ ﻧﺤﻨﺎ ﻧﻘﻮﻡ ﻧﻌﻤﻞ ﻛﺪﺍ، ﻗﻮﻣﻨﺎ ﺃﺗﻮﺿﻴﻨﺎ ﻭﺻﻠﻴﻨﺎ ﻭﺑﻘﻴﻨﺎ ﻧﺪﻋﻲ، ﺣﻘﻴﻘﻲ ﺃﺭﺗﺤﺖ ﺷﻮﻳﺔ ﺑﻌﺪ ﺻﻠﻴﺖ ﺍﻻﺀ ﻗﺎﻟﺖ ﻟﻲ ﺣﺎﻟﻴﺎ ﻣﺎ ﺃﺣﺴﻦ ﺷﻮﻳﺔ! ﻭﻟﻮ ﺗﻌﺒﺎﻧﺔ ﻣﻤﻜﻦ ﺗﺮﺟﻌﻲ ﺍﻟﺒﻴﺖ ﻧﺤﻨﺎ ﺑﻨﺴﺪ ﻣﺤﻠﻚ، ﺑﺮﺍﺀﺓ ﻗﺎﻟﺖ ﻟﻴﻬﺎ ﻻ ﻣﺎ ﺡ ﺗﺮﺟﻊ ﻭﺡ ﺗﺸﺘﻐﻞ ﻫﻲ ﻣﻔﺮﻭﺽ ﺗﻨﺴﻰ ﻭﺍﻟﻨﺴﻴﺎﻥ ﻣﺎ ﺣﻴﺠﻲ ﺑﺎﻟﺴﺎﻫﻞ ﻻﺯﻡ ﺗﻨﺸﻐﻞ ﺑﺤﺎﺟﺔ ﻋﺸﺎﻥ ﺗﻨﺴﻰ، ﻗﻠﺖ ﻟﻴﻬﺎ ﻣﺎ ﻋﺎﻭﺯﺓ ﺃﺭﺟﻊ ﺍﻟﺒﻴﺖ ﺃﻧﺎ ﻋﺎﻭﺯﺓ ﺃﺗﺠﺎﻭﺯ، ﺍﻻﺀ ﻗﺎﻟﺖ ﻟﻲ ﺑﺈﺫﻥ ﺍﻟﻠﻪ ﺡ ﺗﺘﺠﺎﻭﺯﻱ ﻭﺗﻘﻮﻟﻲ ﺍﻻﺀ ﻗﺎﻟﺖ، ﻗﻠﺖ ﻟﻴﻬﺎ ﺭﺑﻨﺎ ﻳﺴﻤﻊ ﻣﻨﻚ، ﻟﺒﺴﺖ ﻧﻘﺎﺑﻲ ﻭﻣﺸﻴﻨﺎ ﺍﻟﻘﺴﻢ ﺑﺘﺎﻋﺘﻨﺎ ﻭﺑﺪﻳﻨﺎ ﻧﺸﺘﻐﻞ، ﺃﺛﻨﺎﺀ ﻣﺎ ﺃﻧﺎ ﻻﻓﺔ ﻋﻠﻰ ﺍﻟﻤﻤﺮﺿﻴﻦ ﻛﺪﺓ ﻛﺎﻥ ﻋﻨﺪﻱ ﺷﺎﻓﻌﺔ ﺻﻐﻴﺮﺓ ﻣﻔﺮﻭﺽ ﺃﺩﻳﻬﺎ ﺣﻘﻨﺔ ﺑﺲ ﻫﻲ ﻛﺎﻧﺖ ﺧﺎﻳﻔﺔ ﻭﻣﺎ ﺭﺍﺿﻴﺔ ﺗﺎﺧﺪﻫﺎ، ﺑﻘﻴﺖ ﺑﻐﻔﻞ ﻓﻴﻬﺎ ﻭﻟﺤﺴﻦ ﺍﻟﺤﻆ ﻛﺎﻥ ﻋﻨﺪﻱ ﻗﻄﻌﺔ ﺷﻮﻛﻮﻻﺗﺔ ﻓﻲ ﺍﻟﺸﻨﻄﺔ ﺣﻘﺘﻲ ﺃﺻﻼ ﺑﻜﻮﻥ ﺟﺎﻳﺒﺎﻫﻢ ﻟﻲ ﻣﻴﺎﺭ ﻭﺑﺨﻠﻲ ﻣﻨﻬﻢ ﺃﺣﺘﻴﺎﻁ ﻓﻲ ﺍﻟﺸﻨﻄﺔ، ﺃﺩﻳﺘﻬﺎ ﻗﻄﻌﺔ ﺍﻟﺸﻮﻛﻮﻻﺗﺔ ﻭﻗﻠﺖ ﻟﻲ ﺃﻣﻬﺎ ﺃﺷﻐﻠﻴﻬﺎ ﻟﺤﺪ ﻣﺎ ﺃﻃﻌﻨﻬﺎ، ﺃﻣﻬﺎ ﺑﻘﺖ ﺗﺘﻜﻠﻢ ﻣﻌﺎﻫﺎ ﻭﺗﻘﻮﻝ ﻟﻴﻬﺎ ﺟﻴﺒﻲ ﺃﻓﺘﺢ ﻟﻴﻚ ﺍﻟﺤﻼﻭﺓ، ﺃﺩﻳﺘﻬﺎ ﺍﻟﺤﻘﻨﺔ ﻫﻲ ﻓﻲ ﺍﻟﺒﺪﺍﻳﺔ ﻣﺎ ﺣﺴﺖ ﺑﻴﻬﺎ ﻟﻜﻦ ﻟﻤﻦ ﻃﻠﻌﺘﻬﺎ ﻣﻨﻬﺎ ﺣﺴﺖ ﻭﺑﻘﺖ ﺗﺒﻜﻲ ﻗﻠﺖ ﻟﻴﻬﺎ ﻣﻌﻠﻴﺶ ﺧﻼﺹ ﺃﺧﺪﺗﻴﻬﺎ ﻣﺎ ﺗﺒﻜﻲ، ﺿﻤﻴﺘﻬﺎ ﻋﻠﻲ ﻭﺑﻘﻴﺖ ﺑﺴﻜﺖ ﻓﻴﻬﺎ ﻭﺑﻘﺮﻗﺮﻫﺎ ﻋﺸﺎﻥ ﺗﻀﺤﻚ ﻟﺤﺪ ﻣﺎ ﺳﻜﺘﺖ، ﻭﺃﻧﺎ ﻗﺎﻋﺪﺓ ﻣﻌﺎﻫﻢ ﻛﺪﺓ ﺩﻛﺘﻮﺭ ﻳﺤﻴﻰ ﺟﺎ ﻗﻤﺘﺎ ﻋﻠﻰ ﺣﻴﻠﻲ ﻭﻭﻗﻔﺖ ﻗﺪﺍﻣﻮ، ﻗﺎﻝ ﻟﻲ ﻭﺃﺧﻴﺮ ﻟﻘﻴﺘﻚ ﻣﻦ ﻗﺒﻴﻞ ﺑﻔﺘﺶ ﻓﻴﻚ ﻗﻠﺖ ﻟﻴﻬﻮ ﺧﻴﺮ؟! ﻗﺎﻝ ﻟﻲ ﻻ ﺑﺲ ﻛﻨﺖ ﻋﺎﻳﺰ ﺃﺳﺎﻟﻚ ﺑﻘﻴﺘﻲ ﻛﻴﻒ ! ﻗﻠﺖ ﻟﻴﻬﻮ ﻭﺃﻧﺖ ﺩﺧﻠﻚ ﺷﻨﻮ! ﻗﺎﻝ ﻟﻲ ﻣﺎ ﺡ ﺃﺗﻨﺎﻗﺶ ﻣﻌﺎﻙ ﻛﺘﺘﻴﺮ ﻻﻧﻮ ﻭﺿﻌﻚ ﻣﺎ ﺑﻴﺴﻤﺢ ﻟﻴﻚ ﻗﻠﺖ ﻟﻴﻬﻮ ﻳﺴﺘﺤﺴﻦ ﺗﻌﻤﻞ ﻛﺪﺍ ﻗﺎﻝ ﻟﻲ ﺍﻟﻤﻬﻢ ﻣﻦ ﻓﺼﺎﺣﺔ ﻛﻼﻣﻚ ﺩﻱ ﻋﺮﻓﺖ ﺃﻧﻚ ﺑﻘﻴﺘﻲ ﻛﻮﻳﺴﺔ ﻭﻓﺎﺕ ﺑﺪﻭﻥ ﻣﺎ ﻳﺴﻤﻊ ﺭﺩﻱ، ﻟﻠﺤﻈﺔ ﺣﺴﻴﺖ ﺃﻧﻲ ﻣﺎ ﻛﺎﻥ ﻻﺯﻡ ﺃﺭﺩ ﻟﻴﻬﻮ ﻛﺪﺓ ﻻﻧﻮ ﻫﻮ ﺑﺲ ﻛﺎﻥ ﺑﻴﺴﺎﻝ ﺑﺲ ﺗﺎﻧﻲ ﺃﺗﺠﺎﻫﻠﺖ ﺍﻟﺸﻌﻮﺭ ﺩﺍ ﻭﺗﺎﺑﻌﺖ ﺑﺎﻗﻲ ﺷﻐﻠﻲ.... ___________ ﻣﺎ ﻋﺎﺭﻑ ﻫﻲ ﻟﻴﻪ ﻋﻨﻴﺪﺓ ﻛﺪﺓ! ﺃﻭ ﻣﺸﻜﻠﺘﻬﺎ ﻣﻌﺎﻱ ﺷﻨﻮ ﺑﺎﻟﻈﺒﻂ، ﺑﺤﺴﻬﺎ ﻣﺎ ﺑﺘﺤﺐ ﺗﺘﻜﻠﻢ ﻣﻌﺎﻱ ﻭﺑﺘﺘﺠﺎﻫﻠﻨﻲ ﺩﺍﻳﻤﺎ، ﺭﻏﻢ ﺃﻧﻨﺎ ﺃﺻﻼ ﻣﺎ ﺑﻨﻌﺮﻑ ﺑﻌﺾ ﺍﻻ ﻣﻦ ﻣﺪﺓ ﺑﺴﻴﻄﺔ ﺑﺲ ﺣﺎﺳﺲ ﺃﻧﻲ ﺷﻔﺖ ﻋﻴﻮﻧﻬﺎ ﺩﻱ ﻓﻲ ﻣﻜﺎﻥ ﻭﻛﺎﻧﻮ ﺇﺗﻼﻗﻴﻨﺎ ﻗﺒﻞ ﺃﺟﻲ ﺍﻟﺴﻮﺩﺍﻥ ﺑﺲ ﻭﻳﻦ ﺍﻟﻠﻪ ﺃﻋﻠﻢ، ﺷﻮﻓﺘﻬﺎ ﻭﻫﻲ ﺑﺎﻟﺤﺎﻟﺔ ﺩﻳﻚ ﻭﺩﻣﻮﻋﻬﺎ ﻭﺗﺮﻭﻧﻲ ﺷﺪﺩﺩﻳﺪ ﻭﻣﺎ ﻛﻨﺖ ﻋﺎﺭﻑ ﺃﺗﺼﺮﻑ ﻛﻴﻒ ﺣﺴﻴﺖ ﺃﻧﻬﺎ ﺇﻧﺴﺎﻧﺔ ﻏﺎﻣﻀﺔ ﺟﺪﺍً ﻭﺟﻮﺍﻫﺎ ﻓﻲ ﺃﻟﻢ ﻛﺒﻴﻴﺮ ﺣﺴﻴﺖ ﺃﻧﻬﺎ ﻣﺮﺕ ﺑﺘﺠﺮﺑﺔ ﺳﻴﺌﺔ ﻭﺍﻟﺘﺠﺮﺑﺔ ﺩﻱ ﻟﺴﻪ ﻣﺎ ﻓﺎﺭﻗﺘﻬﺎ، ﻭﺍﻟﺤﺎﺟﺎﺕ ﺍﻟﻜﺎﻧﺖ ﺑﺘﻘﻮﻝ ﻭﻫﻲ ﺑﺘﺮﺟﻒ ﻋﻦ ﺍﻟﻌﺬﺍﺏ ﺍﻟﻌﺎﺷﺘﻮ ﺯﻋﻠﻮﻧﻲ ﺷﺪﻳﺪ، ﻛﺎﻥ ﻧﻔﺴﻲ ﺃﻋﺮﻑ ﻗﺼﺘﻬﺎ ﺷﻨﻮ ﻭﻫﻲ ﻣﺎﻻ! ﻛﻨﺖ ﺑﻔﺘﺶ ﻟﻴﻬﺎ ﻻﻧﻮ ﺍﻟﺤﺎﻟﺔ ﺍﻟﻠﻲ ﻫﻲ ﻛﺎﻧﺖ ﻓﻴﻬﺎ ﺻﻌﺒﺔ ﺷﺪﺩﻳﺪ ﻭﻛﻨﺖ ﻋﺎﻳﺰ ﺃﻃﻤﻦ ﻋﻠﻴﻬﺎ ﺑﺲ ﻟﻤﻦ ﻟﻘﻴﺘﻬﺎ، ﻟﻘﻴﺘﻬﺎ ﺑﺘﻀﺤﻚ ﻣﻊ ﺷﺎﻓﻌﺔ ﺻﻐﻴﺮﺓ ﺃﺳﺘﻐﺮﺑﺖ ﺟﺪﺍً ﻣﻦ ﺷﺨﺼﻴﺘﻬﺎ ﺍﻟﻤﺘﻘﻠﺒﺔ ﻣﺮﺓ ﺗﻜﻮﻥ ﺗﺒﻜﻲ ﻭﻣﺮﺓ ﺗﻀﺤﻚ، ﺗﺎﻧﻲ ﻗﻠﺖ ﺃﻧﺎ ﺯﺍﺍﺗﻲ ﻣﺎﻟﻲ ﻭﻣﺎﻟﻬﺎ ﺗﻀﺤﻚ ﻭﻻ ﺗﺒﻜﻲ ﺃﻧﺎ ﻣﺎ ﻋﻨﺪﻱ ﻓﻴﻬﺎ ﺷﻐﻠﺔ ﻭﻧﻬﻴﺖ ﺍﻟﻤﻮﺿﻮﻉ ﻋﻠﻰ ﻛﺪﺍً.... ____________________ ﻓﻲ ﺍﻟﻴﻮﻡ ﺩﺍً ﺑﺎﻟﺬﺍﺕ ﻧﺤﻨﺎ ﺷﻐﻠﻨﺎ ﻓﻲ ﺍﻟﻤﺴﺘﺸﻔﻰ ﻛﺎﻥ ﻛﺘﺘﻴﺮ ﻭﻣﺎ ﺧﻠﺼﻨﺎ ﺍﻻ ﻣﻊ ﺍﻟﻤﻐﺮﺏ، ﻗﻠﺖ ﻟﻴﻬﻢ ﺍﻟﻠﻴﻠﺔ ﺃﺗﺄﺧﺮﻧﺎ ﻭﺗﻌﺒﻨﺎ ﺷﺪﺩﺩﻳﺪ ﺻﺢ! ﺑﺮﺍﺀﺓ ﻗﺎﻟﺖ ﻟﻲ ﻟﺴﻪ ﺡ ﻧﺸﻮﻑ ﺍﻟﻮﻳﻞ ﻳﺎ ﺑﺘﻲ، ﺍﻻﺀ ﻗﺎﻟﺖ ﻟﻴﻨﺎ ﺃﺧﺦ ﺭﺑﻨﺎ ﻳﻌﻴﻦ ﺑﺲ، ﻃﻠﻌﻨﺎ ﺑﺮﺓ ﻋﻠﻰ ﺃﺳﺎﺱ ﻧﺮﻛﺐ ﺃﻣﺠﺎﺩ ﺃﻭ ﺭﻛﺸﺔ ﻟﻘﻴﻨﺎ ﺩﻛﺘﻮﺭ ﻳﺤﻴﻰ ﻣﺎﺷﻲ ﻋﻠﻰ ﻋﺮﺑﻴﺘﻮ ﺟﻴﻨﺎ ﻣﺎﺭﻳﻦ ﺟﺒﻨﻮ ﻫﻮ ﺃﻧﺘﺒﺔ ﻟﻴﻨﺎ، ﻗﺎﻝ ﻟﻴﻨﺎ ﻣﺎﺷﻴﻦ ﺍﻟﺒﻴﺖ ﺧﻼﺹ ﺧﻠﺼﺘﻮ ﺩﻭﺍﻡ! ﺑﺮﺍﺀﺓ ﻗﺎﻟﺖ ﻟﻴﻬﻮ ﺇﻳﻮﺓ ﺇﻧﺘﻬﻴﻨﺎ ﻗﺎﻝ ﻟﻴﻬﺎ ﻃﻴﺐ ﺃﻃﻠﻌﻮ ﺃﻭﺻﻠﻜﻢ ﻣﻌﺎﻱ ﺍﻟﺰﻣﻦ ﺃﺗﺎﺧﺮ، ﻗﻠﺖ ﻟﻴﻬﻮ ﻻﻻ ﺷﻜﺮﺍً ﻣﺎ ﻋﺎﻳﺰﻳﻦ ﻧﺮﻛﺐ ﻣﻌﺎﻙ ﻗﺎﻝ ﻟﻲ ﺃﻧﺎ ﻣﺎ ﺃﺗﻜﻠﻤﺖ ﻣﻌﺎﻙ ﺇﻧﺘﻲ، ﻟﻤﻦ ﻗﺎﻝ ﻛﺪﺍ ﺃﻧﺎ ﺑﺲ ﻛﻨﺖ ﻋﺎﻭﺯﺓ ﺃﺧﺘﻔﻲ ﻣﻦ ﺟﻨﺒﻬﻢ، ﺑﺮﺍﺀﺓ ﻗﺎﻟﺖ ﻟﻴﻬﻮ ﻻﻻ ﺷﻜﺮﺍ ﺡ ﻧﻠﻘﻰ ﺃﻣﺠﺎﺩ ﺃﻭ ﺭﻛﺸﺔ ﺗﻮﺻﻠﻨﺎ ﻗﺎﻝ ﻟﻴﻬﺎ ﻣﺎﻑ ﺩﺍﻋﻲ ﺗﺨﺴﺮﻭ ﻗﺮﻭﺵ ﻣﺸﻮﺍﺭ ﻭﺃﻧﺎ ﻣﺎﺷﻲ ﻧﻔﺲ ﺍﻟﻤﻜﺎﻥ، ﺍﻻﺀ ﻋﺎﻳﻨﺖ ﻟﻴﻨﺎ ﻭﻗﺎﻟﺖ ﻟﻴﻬﻮ ﻃﻴﺐ ﺡ ﻧﺮﻛﺐ ﻣﺎ ﺩﺍﻣﻚ ﻣﺼﺮ، ﻓﻲ ﻗﻠﺒﻲ ﻗﻠﺖ ﻫﺴﻲ ﺃﻧﺎ ﺃﺭﻛﺐ ﻣﻌﺎﻫﻢ ﻛﻴﻒ ﻭﺃﻧﺎ ﻗﺒﻞ ﺷﻮﻳﺔ ﻗﻠﺖ ﻟﻴﻬﻮ ﻣﺎ ﻋﺎﻳﺰﻳﻦ ﻧﺮﻛﺐ ﻣﻌﺎﻙ، ﺑﺮﺍﺀﺓ ﻭﺍﻻﺀ ﺭﻛﺒﻮ ﻭﺃﻧﺎ ﻓﻀﻠﺖ ﻭﺍﻗﻔﺔ ﺍﻻﺀ ﻗﺎﻟﺖ ﻟﻲ ﻣﻴﺎﻣﻦ ﺃﺭﻛﺒﻲ، ﻭﻗﻔﺖ ﻣﺴﺎﻓﺔ ﻭﺑﻌﺪﻫﺎ ﺭﻛﺒﺖ ﻭﺃﻧﺎ ﻣﺤﺮﺟﺔ ﺷﺪﻳﺪ ﻣﻨﻮ، ﻣﻦ ﺭﻛﺒﺖ ﻃﻮﺍﻟﻲ ﻋﺎﻳﻦ ﻟﻲ ﺑﺎﻟﻤﺮﺍﻳﺎ ﻭﺭﻓﻊ ﺣﺎﺟﺒﻮ ﻧﻈﺎﻡ ﻗﺒﻞ ﺷﻮﻳﺔ ﻗﻠﺘﻲ ﻣﺎ ﺡ ﺗﺮﻛﺒﻲ ﻓﻲ ﺍﻟﻠﺤﻈﺔ ﺩﻱ ﻗﺮﺑﺖ ﺃﻧﺰﻝ ﻣﻦ ﺍﻟﻌﺮﺑﻴﺔ، ﻃﻮﻝ ﺍﻟﻄﺮﻳﻖ ﻛﺎﻥ ﺑﺘﻜﻠﻢ ﻣﻊ ﺑﺮﺍﺀﺓ ﻭﺍﻻﺀ ﻭﺑﺘﻨﺎﻗﺸﻮ ﺑﺨﺼﻮﺹ ﺍﻟﺸﻐﻞ ﻭﺍﻟﻤﺴﺘﺸﻔﻰ ﻭﻛﺪﺓ ﻟﻤﻦ ﻭﺻﻠﻮ ﺍﻟﻤﺤﻄﺔ ﻗﺎﻟﻮ ﻟﻴﻪ ﺑﺲ ﻧﺤﻨﺎ ﺑﻨﺰﻝ ﻫﻨﺎ، ﻧﺰﻟﻮ ﻭﺷﻜﺮﻭﻫﻮ ﻭﺑﻌﺪﻫﺎ ﻓﻀﻠﻨﺎ ﺳﺎﻛﺘﻴﻦ ﻟﻤﻦ ﻭﺻﻠﻨﺎ ﺍﻟﺒﻴﺖ، ﻧﺰﻟﺖ ﻣﻦ ﺍﻟﻌﺮﺑﻴﺔ ﻛﺎﻥ ﻓﻲ ﻭﻟﺪﻳﻦ ﻗﺎﻋﺪﻳﻦ ﻓﻲ ﺍﻟﻤﺼﻄﺒﺔ ﺍﻟﻘﺪﺍﻡ ﺑﻴﺖ ﻧﺎﺱ ﺧﺎﻟﺘﻮ ﺳﻠﻤﻰ ﻣﻦ ﺷﺎﻓﻮﻧﻲ ﻧﺰﻟﺖ ﻗﻌﺪﻭ ﻳﻀﺤﻜﻮ ﺑﻲ ﺃﻋﻠﻰ ﺻﻮﺕ ﻋﻨﺪﻫﻢ ﻭﺑﻜﻮﺭﻛﻮ ﻭﺑﺸﺎﻏﻠﻮ ﻓﻴﻨﻲ، ﻭﺍﺣﺪ ﻓﻴﻬﻢ ﻗﺎﻝ ﻟﻲ ﺍﻟﺘﺎﻧﻲ ﺷﻮﻑ ﺍﻟﻨﻴﺠﻨﺎ ﺍﻟﺠﺎﻣﺪﺓ ﺩﻱ، ﺍﻟﺘﺎﻧﻲ ﻗﺎﻝ ﻟﻴﻬﻮ ﺃﻭﻝ ﻣﺮﺓ ﻧﻌﺮﻑ ﺃﻧﻮ ﺍﻟﻨﺠﻴﻨﺎ ﺑﺮﻛﺒﻮ ﻋﺮﺑﺎﺕ ﻣﻊ ﺃﻭﻻﺩ ﻏﺮﺑﻴﻴﻦ ﻭﺍﺍﻋﻌﻊ، ﻭﺷﻐﺎﻟﻴﻦ ﻳﺘﻬﺎﺑﻠﻮ ﺻﺮﺍﺣﺔ ﺃﺗﻐﻈﺖ ﻣﻨﻬﻢ ﺷﺪﺩﺩﻳﺪ، ﻳﺤﻴﻰ ﻟﻤﻦ ﺳﻤﻊ ﺍﻟﻜﻼﻡ ﺩﺍ ﻛﺎﻥ ﻣﺎﺷﻲ ﻳﻀﺮﺑﻬﻢ ﺍﻻ ﺃﻧﺎ ﻭﻗﻔﺘﻮ ﻭﻗﻠﺖ ﻟﻴﻬﻮ ﻻ ﻣﺎ ﺗﺸﺘﻐﻞ ﺑﻴﻬﻢ ﻛﺘﺘﺘﻴﺮ ﺩﻳﻞ ﺑﺎﻃﻠﻴﻦ ﺳﺎﻱ، ﻗﺎﻝ ﻟﻴﻬﻢ ﺃﺣﺘﺮﻣﻮ ﻧﻔﺴﻜﻢ ﻭﺑﻄﻠﻮ ﺍﻟﺒﻄﺎﻟﺔ ﻭﺍﻟﻔﺎﺭﻏﺔ ﺍﻟﺒﺘﻌﻤﻠﻮ ﻓﻴﻬﺎ ﺩﻱ ﻭﺷﻮﻓﻮ ﻟﻴﻜﻢ ﺷﻐﻠﺔ ﺃﻗﻀﻮﻫﺎ ﺑﺪﻝ ﻣﺎ ﻣﻌﺪﻳﻨﻬﺎ ﻛﻠﻬﺎ ﻣﺸﺎﻏﻠﺔ ﻓﻲ ﺑﻨﺎﺕ ﺍﻟﻨﺎﺱ ﻭﻟﻒ ﻭﺩﺭﻭﺍﻥ ﻭﺳﺠﺎﺋﺮ ﻭ... ، ﺍﻻﻭﻻﺩ ﻗﻌﺪﻭ ﻳﺮﻣﻮ ﻓﻲ ﺍﻟﻜﻼﻡ ﻭﻳﺤﻴﻰ ﺑﺲ ﻛﺎﻥ ﺻﺎﺑﺮ ﻟﻴﻬﻢ ﻭﻣﺎ ﻋﺎﻳﺰ ﻳﺘﻬﻮﺭ ﻗﺪﺍﻣﻲ، ﺃﺧﺮ ﺣﺎﺟﺔ ﻗﺎﻝ ﻟﻲ ﺇﻧﺘﻲ ﺃﺩﺧﻠﻲ ﺑﻴﺘﻜﻢ ﻭﺧﻠﻴﻬﻢ ﻟﻲ ﺃﻧﺎ ﺑﻌﺮﻑ ﺃﺗﺼﺮﻑ ﻣﻌﺎﻫﻢ، ﻭﻛﻨﺖ ﻣﺎﺷﺔ ﻛﺪﺍ ﺷﻔﺖ ﺑﺸﺎﺭﻱ ﺟﺎﻱ ﻋﻠﻴﻨﺎ ﻣﻦ ﺍﻟﺪﻛﺎﻥ ﻗﺎﻝ ﻟﻲ ﺟﻴﺘﻲ ﻳﺎﺩﺍﺏ! ﻗﻠﺖ ﻟﻴﻬﻮ ﺇﻳﻮﺓ ﻭﺻﻠﻨﻲ ﻳﺤﻴﻰ ﻋﺸﺎﻥ ﺍﻟﺰﻣﻦ ﺃﺗﺎﺧﺮ، ﻋﺎﻳﻦ ﻟﻲ ﻳﺤﻴﻰ ﻭﺳﻠﻢ ﻋﻠﻴﻬﻮ ﻭﻗﺎﻝ ﻟﻴﻬﻮ ﺃﻭﻭ ﺃﺑﻮ ﺍﻟﺸﺒﺎﺏ ﻭﻳﻴﻴﻦ ﻣﺎ ﻇﺎﻫﺮ ﻳﺎﺍﺥ! ﻳﺤﻴﻰ ﻗﺎﻝ ﻟﻴﻬﻮ ﺗﻘﻮﻝ ﺷﻨﻮ ﺑﺲ ﻣﺸﻐﻮﻝ ﻣﻊ ﺍﻟﻤﺴﺘﺸﻔﻰ ﻭﻗﺎﻋﺪ ﺃﺑﻴﺖ ﻫﻨﺎﻙ ﺑﻌﺪ ﺍﻟﻤﺮﺍﺕ ﻭﻃﺮﻳﻘﺔ ﺃﺣﻚ ﺑﻴﻬﺎ ﺷﻌﺮ ﺭﺍﺳﻲ ﻣﺎ ﻻﻗﻲ ﺣﺘﻰ ﺍﻟﻜﻮﺭﺓ ﺑﻘﻴﺖ ﺑﻔﻮﺗﻬﺎ ﻭﻣﺎ ﺑﺸﻮﻑ ﺍﻻ ﺍﻟﻨﺘﻴﺠﺔ ﺍﻟﻨﻬﺎﺋﻴﺔ ﺑﺲ، ﺑﺸﺎﺭﻱ ﻗﺎﻝ ﻟﻴﻬﻮ ﺃﻱ ﺃﻣﺒﺎﺭﺡ ﺷﻔﺖ ﺍﻟﺤﺎﻟﺔ ﺣﻘﺘﻚ ﺧﺎﺗﻲ ﻧﺘﺎﺋﺞ ﺍﻟﻤﺒﺎﺭﺍﺓ ﺑﺲ، ﻳﺤﻴﻰ ﻗﺎﻝ ﻟﻴﻬﻮ ﻟﻜﻦ ﻣﺎ ﺗﺨﺎﻑ ﻳﺎ ﺯﻭﻝ ﺑﺠﻴﻚ، ﺑﺸﺎﺭﻱ ﻗﺎﻝ ﻟﻴﻬﻮ ﺃﻧﺎ ﺑﻜﺮﺓ ﻋﺎﺯﻡ ﺍﻟﺸﺒﺎﺍﺏ ﻗﻬﻮﺓ ﺗﻌﺎﻝ، ﻳﺤﻴﻰ ﻗﺎﻝ ﻟﻴﻬﻮ ﻃﻴﺐ ﺑﺠﻲ ﻣﺶ ﻧﺎﺱ ﻣﺤﻤﺪ ﻭﺩﻳﻞ ﻣﻌﺰﻭﻣﻴﻦ! ﻗﺎﻝ ﻟﻴﻬﻮ ﺇﻳﻲ ﻭﻓﻲ ﺗﺎﻧﻲ ﺑﺮﺿﻮ ﻣﻦ ﺃﻭﻻﺩ ﺍﻟﺤﻠﺔ، ﺧﻠﻴﺘﻬﻢ ﺑﺘﻜﻠﻤﻮ ﻭﺩﺧﻠﺖ ﺟﻮﺍ ﻣﻦ ﻛﻼﻣﻬﻢ ﻋﺮﻓﺖ ﺃﻧﻬﻢ ﻣﺘﻮﺍﺻﻠﻴﻦ ﻣﻦ ﻳﻮﻡ ﺍﻟﻜﺮﺍﻣﺔ ﻭﻋﻤﻠﻮ ﺷﻠﺔ ﻓﻲ ﺍﻟﺤﻠﺔ ﻭﻛﺪﺓ ﻣﺎ ﺃﺷﺘﻐﻠﺖ ﺑﺎﻟﻤﻮﺿﻮﻉ ﻛﺘﺘﻴﺮ ﻭﻣﺸﻴﺖ ﻏﺮﻓﺘﻲ ﺃﺩﻭﺷﺖ ﻭﺟﻴﺖ ﺩﺍﻳﺮﺓ ﺃﻧﻮﻡ ﻓﻲ ﺍﻟﺴﺮﻳﺮ ﺑﺸﺎﺭﻱ ﺟﺎ ﺩﺍﺧﻞ، ﻗﺎﻝ ﻟﻲ ﻣﻴﺎﻣﻦ ﺍﻟﺴﻤﺤﺔ ﻗﻠﺖ ﻟﻴﻬﻮ ﻳﺎ ﻋﻴﻮﻧﻬﺎ ﻗﺎﻝ ﻟﻲ ﻋﺎﻭﺯ ﺃﻗﻮﻝ ﻟﻴﻚ ﺣﺎﺟﺔ ﺑﺲ ﻣﺎ ﺗﺰﻋﻠﻲ ﻣﻨﻲ ﻗﻠﺖ ﻟﻴﻬﻮ ﻗﻮﻝ ﻣﺎ ﺡ ﺃﺯﻋﻞ ﻗﺎﻝ ﻟﻲ ﺗﺎﻧﻲ ﺯﻱ ﺍﻟﺰﻣﻦ ﺍﻟﻤﺘﺎﺧﺮ ﺩﺍ ﻣﺎ ﺗﺮﻛﺒﻲ ﻋﺮﺑﻴﺔ ﻣﻊ ﺯﻭﻝ ﻣﺎ ﻗﺼﺪﻱ ﺃﺷﻜﻚ ﻓﻴﻚ ﻭﻻ ﻛﺪﺓ ﺃﻧﺎ ﺣﺎﻓﻈﻚ ﻛﻮﻳﺲ ﻭﻋﺎﺭﻑ ﺃﺧﻼﻗﻚ ﺷﻨﻮ ﺑﺲ ﺍﻟﻨﺎﺱ ﺡ ﺗﻌﺎﻳﻦ ﻟﻴﻚ ﺑﻄﺮﻳﻘﺔ ﻣﺎ ﻛﻮﻳﺴﺔ ﻫﺴﻲ ﻣﺎ ﺷﻔﺘﻲ ﺍﻻﻭﻻﺩ ﻛﺎﻥ ﺑﺸﺎﻏﻠﻮ ﻓﻴﻚ ﻛﻴﻒ ﺃﻧﺎ ﺳﻤﻌﺖ ﻧﺺ ﻛﻼﻣﻬﻢ ﻻﻧﻬﻢ ﻛﺎﻧﻮ ﺑﺘﻜﻠﻤﻮ ﺑﺼﻮﺕ ﻋﺎﻟﻲ ﻗﻠﺖ ﻟﻴﻬﻮ ﻃﻴﺐ ﺗﺎﻧﻲ ﻣﺎ ﺡ ﺃﺭﻛﺐ ﻣﻊ ﺯﻭﻝ ﻏﺮﻳﺐ ﻭﺃﻧﺎ ﻋﺎﺭﻓﺔ ﺃﻧﻚ ﻣﺎ ﺩﺍﻳﺮ ﺍﻻ ﺍﻟﺴﻤﺢ ﻭﺑﻌﺪﻳﻦ ﺃﻧﺎ ﻟﻮ ﻣﺎ ﺍﻟﺰﻣﻦ ﺃﺗﺎﺧﺮ ﻣﺎ ﻛﺎﻥ ﺭﻛﺒﺖ ﻣﻌﺎﻫﻮ ﻭﻏﻴﺮ ﺩﺍ ﻛﺎﻧﻮ ﻣﻌﺎﻱ ﺻﺤﺒﺎﺗﻲ ﻣﺎ ﺑﺮﺍﻱ ﻗﺎﻝ ﻟﻲ ﺍﻟﻤﺮﺓ ﺍﻟﺠﺎﻳﺔ ﺃﻋﻤﻠﻲ ﺣﺴﺎﺑﻚ ﻻﻧﻮ ﻣﺎ ﺣﺎﺑﺐ ﺍﻟﻨﺎﺱ ﺗﺎﺧﺪ ﻋﻨﻚ ﻓﻜﺮﺓ ﻏﻠﻂ ﻗﻠﺖ ﻟﻴﻬﻮ ﺣﺎﺿﺮ ﻗﺎﻝ ﻟﻲ ﻓﺎﻟﺤﺔ ﺑﺘﻲ⁦ ⁩ ﻭﺃﺩﺍﻧﻲ ﻛﻴﺲ ﻓﻴﻬﻮ ﻓﺮﺧﺔ ﻗﺎﻝ ﻟﻲ ﻋﻠﻴﻚ ﺍﻟﻠﻪ ﻇﺒﻄﺘﻲ ﻟﻴﻨﺎ ﻛﺒﺴﺔ ﺩﺟﺎﺝ ﻣﻦ ﺗﺤﺖ ﻳﺪﻙ ﻗﻠﺖ ﻟﻴﻬﻮ ﻫﺴﻲ ﻓﺘﺮﺍﻧﺔ ﻭﺍﻟﻠﻪ ﻟﻜﻦ ﺑﻜﺮﺓ ﺑﻌﻤﻠﻬﺎ ﻟﻴﻚ ﺃﺳﺎﺳﺎ ﻣﺎ ﻋﻨﺪﻱ ﺷﻐﻞ ﻗﺎﻝ ﻟﻲ ﻣﺎ ﻣﺸﻜﻠﺔ ﺡ ﺃﺧﺘﻬﺎ ﻟﻴﻚ ﻓﻲ ﺍﻟﺘﻼﺟﺔ ﻗﻠﺖ ﻟﻴﻬﻮ ﺳﻤﺢ، ﻃﻠﻊ ﻣﻦ ﺍﻟﻐﺮﻓﺔ ﻭﺃﻧﺎ ﻛﻨﺖ ﺗﻌﺒﺎﻧﺔ ﻭﻧﻌﺴﺎﻧﺔ ﺷﺪﺩﻳﺪ ﻓﻨﻤﺖ ﻃﻮﺍﻟﻲ... ﺍﻟﻴﻮﻡ ﺍﻟﺘﺎﻧﻲ ﻗﺮﻳﺐ ﻟﻲ ﺍﻟﻌﺼﺮ ﺃﻣﻲ ﻭﺃﺑﻮﻱ ﻃﻠﻌﻮ ﻗﺎﻟﻮ ﻋﻨﺪﻫﻢ ﻣﺮﺓ ﺑﺘﺒﻘﻰ ﻟﻴﻬﻢ ﻋﻴﺎﻧﺔ ﻣﺎﺷﻴﻦ ﻳﺰﻭﺭﻭﻫﺎ، ﻣﻬﺎﺩ ﻗﺎﻟﺖ ﻟﻲ ﻧﺤﻨﺎ ﺟﻌﺎﻧﻴﻦ ﺃﻣﺸﻲ ﺳﻮﻱ ﻟﻴﻨﺎ ﺍﻟﻐﺪﺍ ﻗﻠﺖ ﻟﻴﻬﺎ ﺃﺻﻼ ﻛﻨﺖ ﻣﺎﺷﺔ ﺃﺳﻮﻳﻬﻮ ﺑﺸﺎﺭﻱ ﺃﻣﺒﺎﺭﺡ ﻗﺎﻝ ﻋﺎﻭﺯ ﻛﺒﺴﺔ ﺩﺟﺎﺝ ﻭﺟﺎﺏ ﻟﻴﻨﺎ ﺣﺎﺟﺎﺗﻬﺎ ﻗﺎﻟﺖ ﻟﻲ ﻃﻴﺐ ﺃﻋﻤﻠﻴﻬﺎ ﻟﻴﻨﺎ ﺳﺮﻳﻊ ﺡ ﻧﻤﻮﺕ ﻣﻦ ﺍﻟﺠﻮﻉ، ﻗﺒﻞ ﻣﺎ ﺃﺗﺤﺮﻙ ﻣﻦ ﺟﻨﺒﻬﺎ ﺿﺮﺑﺖ ﻟﻲ ﺃﻓﺎﻕ ﻗﺎﻟﺖ ﻟﻲ ﻫﻴﻲ ﻗﻠﺖ ﻟﻴﻬﺎ ﺃﻫﺎ ﻓﻲ ﺇﻳﻪ! ﻗﺎﻟﺖ ﻟﻲ ﺍﻟﻐﺪﺍً ﺣﻘﻜﻢ ﺷﻨﻮ! ﻗﻠﺖ ﻟﻴﻬﺎ ﻟﺴﺔ ﻣﺎ ﺳﻮﻳﺘﻮ ﻟﻜﻦ ﺡ ﺃﻋﻤﻞ ﻛﺒﺴﺔ ﻭﺳﻠﻄﺔ ﺃﺳﻮﺩ ﻗﺎﻟﺖ ﻟﻲ ﻇﺎﺑﻂ ﺟﺎﻳﺔ ﺃﺗﻐﺪﺍ ﻣﻌﺎﻛﻢ ﺧﻠﻲ ﻟﻲ ﺍﻟﺒﺎﺏ ﻓﺎﺗﺢ ﻋﺸﺎﻥ ﻣﺎ ﺃﺩﻗﻮ ﺳﺎﻋﺘﻴﻦ ﻻﻧﻜﻢ ﻣﺎ ﺑﺘﻔﺘﺤﻮ ﺑﺴﺮﻋﺔ ﻗﻠﺖ ﻟﻴﻬﺎ ﺳﻤﺢ، ﻣﺸﻴﺖ ﻓﺘﺤﺖ ﺑﺎﺏ ﺍﻟﺸﺎﺭﻉ ﻭﺃﺩﻳﺘﻮ ﻗﻔﻠﺔ ﻋﻠﻰ ﺧﻔﻴﻒ ﻋﺸﺎﻥ ﻛﺎﻥ ﺟﺎﺕ ﺗﻠﺰﻭ ﺑﺲ، ﻣﺸﻴﺖ ﻋﻤﻠﺖ ﺍﻟﻜﺒﺴﺔ ﻭﺍﻟﺴﻠﻄﺔ ﺃﺳﻮﺩ ﺑﻌﺪ ﺧﻠﺼﺖ ﻗﻠﺖ ﺃﻣﺸﻲ ﺍﻟﺼﺎﻟﻮﻥ ﺃﻗﻮﻝ ﻟﻲ ﻧﺎﺱ ﺑﺸﺎﺭﻱ ﺗﻌﺎﻟﻮ ﺷﻴﻠﻮ ﺍﻟﻐﺪﺍ، ﻳﻼ ﺑﻴﻦ ﺍﻟﺼﺎﻟﻮﻥ ﻭﺍﻟﺼﺎﻟﺔ ﻋﻨﺪﻧﺎ ﻣﻤﺮ ﺻﻐﻴﺮ ﻛﺪﺍ، ﺃﻫﺎ ﻭﺃﻧﺎ ﻣﺎﺷﺔ ﻋﻠﻴﻬﻮ ﻟﻘﻴﺖ ﺑﺸﺎﺭﻱ ﻭﺍﻗﻒ ﻓﻲ ﺍﻟﻤﻤﺮ ﻭﻣﺪﻳﻨﻲ ﺿﻬﺮﻭ ﻭﻣﻨﺰﻝ ﺍﻟﺘﻠﻔﻮﻥ ﻣﻦ ﺃﺿﺎﻧﻮ ﺷﻜﻠﻮ ﻛﺎﻥ ﻋﻨﺪﻭ ﻣﻜﺎﻟﻤﺔ، ﻗﺒﻞ ﻣﺎ ﻫﻮ ﻳﺘﻠﻔﺖ ﻋﻠﻲ ﻃﻮﺍﻟﻲ ﺑﺪﻳﺖ ﺃﺗﻜﻠﻢ ﻭﻗﻠﺖ ﻟﻴﻬﻮ ﺃﺣﻢ ﺃﺣﻢ ﺍﻟﺸﻴﻒ ﻣﻴﺎﻣﻦ ﺃﺣﻤﺪ ﺟﻬﺰﺕ ﻟﻴﻜﻢ ﺍﻟﻐﺪﺍ، ﺩﺍ ﺃﻧﺘﻮ ﺍﻟﻠﻴﻠﻪ ﺡ ﺗﺎﻛﻠﻮ ﺃﻇﺒﻂ ﺳﻠﻄﺔ ﺃﺳﻮﺩ ﻭﻛﺒﺴﺔ ﻓﻲ ﺣﻴﺎﺍﺍﺗﻜﻢ ﺃﺻﻼ ﺃﻧﺎ ﻃﺒﺎﺧﺔ ﻣﺎﻫﺮﺓ، ﺍﻟﻨﺎﺱ ﺑﺘﻬﺎﺟﺮ ﻣﻦ ﺑﻴﺖ ﻧﺎﺱ ﺧﺎﻟﺘﻮ ﺳﻠﻤﻰ ﺃﻗﺼﺪ ﻣﻦ ﺍﻟﺪﻭﻝ ﺍﻟﻤﺠﺎﻭﺭﺓ ﻟﻲ ﺑﻴﺘﻨﺎ ﺑﺲ ﻋﺸﺎﻥ ﺗﺎﻛﻞ ﺍﻷﻛﻞ ﺍﻷﻧﺎ ﺑﻌﻤﻠﻮ ﻋﺎﺭﻑ ﻟﻮ ﻛﺎﻥ ﺷﺎﺭﻛﺖ ﻓﻲ ﺑﺮﻧﺎﻣﺞ ﺗﻮﺏ ﺷﻴﻒ ﻛﺎﻥ ﻓﺰﺕ ﻋﻠﻴﻬﻢ ﻛﻠﻬﻢ ﻟﻜﻦ ﻟﻼﺳﻒ ﺍﻟﻈﺮﻭﻑ ﺍﻟﻘﺎﺳﻴﺔ ﻣﺎ ﺳﻤﺤﺖ ﻟﻲ، ﺍﻟﻤﻬﻢ ﻫﻮ ﻣﻦ ﺍﻟﻤﻔﺮﻭﺽ ﻳﺪﻭﻧﻲ ﺟﺎﺋﺰﺓ ﻧﻮﺑﻞ ﻋﻠﻰ ﺃﺑﺪﻋﺎﺗﻲ ﺍﻟﺮﻫﻴﺒﺔ ﻣﺎ ﺑﺲ ﻓﻲ ﺍﻟﻄﺒﺦ ﻭﺍﻟﺘﻤﺮﻳﺾ ﻻ ﻓﻲ ﺣﻼﻭﺗﻲ ﺯﺍﺗﻬﺎ، ﻟﻮ ﻣﺎ ﻛﻨﺖ ﻣﻨﻘﺒﺔ ﻛﻨﺖ ﺡ ﺃﺧﺪ ﻟﻘﺐ ﻣﻠﻜﺔ ﺟﻤﺎﻝ ﺍﻟﻌﺎﻟﻢ ﻣﺎ ﻓﻲ ﺍﻟﺴﻮﺩﺍﻥ ﺑﺲ، ﻳﺎ ﺑﺨﺖ ﺃﻱ ﺯﻭﻝ ﺃﻧﺎ ﻓﻲ ﺣﻴﺎﺗﻮ ، ﺑﻌﺪ ﺧﻠﺼﺖ ﻣﻦ ﻛﻼﻣﻲ ﺩﺍً ﺳﻤﻌﺖ ﺻﻮﺕ ﺿﺤﻜﺔ ﻣﺎ ﻏﺮﻳﺒﺔ ﻋﻠﻲ ﻟﻜﻦ ﻣﺎ ﺑﺘﺸﺒﺔ ﺿﺤﻜﺔ ﺑﺸﺎﺭﻱ ﻑ ﺃﺳﺘﻐﺮﺑﺖ ﺟﺪﺍً، ﻫﻮ ﺃﺗﻠﻔﺖ ﺗﺠﺎﻫﻲ ﻭﻛﺎﻥ ﻟﺴﻪ ﺑﻀﺤﻚ ﻟﻤﻦ ﻋﺎﻳﻨﺖ ﻓﻲ ﻭﺷﻮ ﻟﻘﻴﺘﻮ ﺩﺍً ﺩﻛﺘﻮﺭ ﻳﺤﻴﻰ ﻟﺤﻈﺘﻬﺎ ﺃﻧﺎ ﻗﻠﺒﻲ ﻣﻦ ﺍﻟﺨﻠﻌﺔ ﻟﻤﻦ ﻭﻗﻒ ﻭﺃﺗﺼﻤﻐﺖ ﻓﻲ ﻣﻜﺎﻧﻲ ﻭﻛﺎﻧﻮ ﺍﻟﺪﻡ ﺍﻟﻔﻲ ﻋﺮﻭﻗﻲ ﺃﺗﺠﻠﻂ، ﻫﻮ ﻟﻤﻦ ﻗﺒﻞ ﻭﺷﺎﻑ ﻭﺷﻲ ﺃﺗﺨﻠﻊ ﺷﺪﺩﺩﺩﻳﺪ ﻭﺑﻘﻰ ﻳﻌﺎﻳﻦ ﻟﻲ ﺑﻲ ﺃﺳﺘﻐﺮﺍﺏ ﻭﻛﺎﻥ ﻣﻨﻬﺠﻢ ﺟﺪﺍً ﻣﻦ ﺍﻟﺼﻮﺕ ﺍﻟﺴﻤﻌﻮ ﻭﺍﻟﺨﻠﻘﺔ ﺍﻟﺸﺎﻳﻔﺎﻫﺎ ﻗﺪﺍﻣﻮ ﻭﺑﻘﻰ ﻣﺮﻛﺰ ﻓﻲ ﻋﻴﻮﻧﻲ ﻭﻛﺎﻧﻮ ﺑﺘﺎﻛﺪ ﺃﻧﻮ ﺩﻱ ﺃﻧﺎ..... _____________ _ ﻟﻢ ﺃﻛُﻦ ﺃﻋُﻠﻢ ﺃﻥ ﻭﺭﺍﺀَ ﻗﻄﻌﺔ ﺫﺍﻙَ ﺍﻟﻘﻤﺎﺵ ﺟﻤُﺎﻻً ﻳﺒُﻬﺮ ﻋﻴِﻦ ﺍﻟﻨﺎﻇُﺮﻳﻦ .. ﺃﺷﻮﻓﻜﻢ⁦⁩ ...

Free reading for new users

Scan code to download app

App Store Google Play

Facebookexpand_more