ليحيا بك قلبي 5

1437 Words

NOVEL ? روايات: #ليحيا_بك_قلبي5 ﺃﺗﺼﺪﻣﺖ ﻟﻤﻦ ﺷﻔﺘﻮ ﻭﺍﻗﻒ ﻗﺪﺍﻣﻲ ﻭﺃﺳﺘﻐﺮﺑﺖ ﺟﺪﺍً ﺍﻟﺠﺎﺑﻮ ﻫﻨﺎ ﺷﻨﻮ! ، ﻫﻮ ﻣﺎ ﺭﻛﺰ ﻣﻌﺎﻱ ﻻﻧﻮ ﺷﻜﻠﻮ ﻣﺎ ﻋﺮﻓﻨﻲ ﺍﻟﺰﻭﻝ ﺍﻟﻮﺭﺍﻧﺎ ﺟﺎﻫﻮ ﻭﻗﺎﻝ ﻟﻴﻬﻮ ﺩﻛﺘﻮﺭ ﻳﺤﻴﻰ ﺩﻳﻞ ﺗﻘﺎﺭﻳﺮ ﺍﻟﻤﺮﻳﺾ ﺍﻻﻣﺒﺎﺭﺡ ﻗﻠﺖ ﻟﻲ ﺃﺟﻴﺒﻬﻢ ﻟﻴﻚ ﺍﻟﻠﻴﻠﺔ ﻣﺎ ﻟﻘﻴﺘﻚ ﻛﻨﺖ ﺑﻔﺘﺶ ﻟﻴﻚ ﻣﻦ ﺍﻟﺼﺒﺎﺡ ﻗﺎﻝ ﻟﻴﻬﻮ ﺃﻱ ﻛﻨﺖ ﻣﺎﻑ ﻻﻧﻮ ﺩﻱ ﺩﺧﻠﺘﻲ ﺍﻟﻤﺴﺘﺸﻔﻰ ﻳﺎﺩﺍﺏ، ﺍﻻﺀ ﺑﺮﺍﺣﺔ ﻗﺎﻟﺖ ﻟﻴﻨﺎ ﻋﺎﺩ ﻳﺎ ﻳﻤﺔ ﻳﺤﻴﻰ ﺍﻟﺴﺮﻭﺭ ﻭﺍﻟﺨﺎﻃﺮ ﺍﻟﻤﺠﺒﻮﺭ ﺑﺮﺍﺀﺓ ﻗﺎﻟﺖ ﻟﻴﻬﺎ ﻭﺑﻌﻠﻴﻴﻲ ﻣﻦ ﺍﻟﺴﻤﺎﺣﺔ ﺃﻧﺎ ﺧﻼﺹ ﺃﻋﻠﻨﺖ ﺇﻧﺒﺮﺷﻲ ﻗﻠﺖ ﻟﻴﻬﻢ ﺃﺳﺘﻜﻮ ﻭﺃﺭﺡ ﻣﻦ ﻫﻨﺎ ﻣﺴﻜﺘﻬﻢ ﻣﻦ ﻳﺪﻳﻨﻬﻢ ﻭﺳﻘﺘﻬﻢ ﻻﻧﻬﻢ ﻣﺎ ﻛﺎﻧﻮ ﺡ ﻳﻤﺸﻮ ﻣﻌﺎﻱ ﻭﺭﻳﺎﻟﺘﻬﻢ ﻛﺎﻧﺖ ﻋﻠﻰ ﻭﺷﻚ ﺃﻧﻬﺎ ﺗﺴﻴﻞ ﻭﻫﻢ ﺑﻌﺎﻳﻨﻮ ﻟﻴﻪ، ﻟﻤﻦ ﻃﻠﻌﻨﺎ ﺑﺮﺓ ﻗﻠﺖ ﻟﻴﻬﻢ ﺃﻧﺎ ﺍﻟﻮﻟﺪ ﺩﺍ ﺑﻜﺮﻫﻮ ﻛﺮﻩ ﺍﻟﻌﻤﻰ ﻣﺎ ﺗﻨﺒﺮﺷﻮ ﻓﻴﻬﻮ ﻗﺪﺍﻣﻲ، ﺍﻻﺀ ﻗﺎﻟﺖ ﻟﻲ ﺃﺟﻲ ﻳﺎ ﺍﻟﺒﻜﺮﻫﻮ ﻫﻮ ﺇﻧﺘﻲ ﺑﺘﻌﺮﻓﻴﻬﻮ ﻣﻦ ﻭﻳﻦ ﺃﺳﺎﺳﺎ ﻋﺸﺎﻥ ﺗﻜﺮﻫﻴﻬﻮ! ﻗﻠﺖ ﻟﻴﻬﺎ ﺩﺍ ﻭﻟﺪ ﺧﺎﻟﺘﻮ ﺳﻠﻤﻰ ﺍﻟﻜﺒﻴﺮ ﻗﺎﻟﺖ ﻟﻲ ﻫﻴﺎ ﺧﺎﻟﺘﻮ ﺳﻠﻤﻰ ﻋﻨﺪﻫﺎ ﻭﻟﺪ ﻛﺒﻴﺮ؟! ﻗﻠﺖ ﻟﻴﻬﺎ ﺇﻳﻮﺓ ﻛﺎﻥ ﻣﺴﺎﻓﺮ ﻭﺟﺎ ﻗﺒﻞ ﺃﺳﺒﻮﻉ ﻛﺪﺓ ﻭﺣﺼﻞ ﻟﻲ ﻣﻌﺎﻫﻮ ﻛﻢ ﻣﻮﻗﻒ ﻋﺸﺎﻥ ﻛﺪﺓ ﺑﻜﺮﻫﻮ ﺍﻻﺀ ﻗﺎﻟﺖ ﻟﻲ ﻳﻌﻨﻲ ﺟﻴﺮﺍﻧﻜﻢ! ﻗﻠﺖ ﻟﻴﻬﺎ ﺃﻳﻲ ﻗﺎﻟﺖ ﻟﻲ ﺧﻼﺹ ﺃﻧﺎ ﺟﺎﻳﺔ ﺃﺳﻜﻦ ﻣﻌﺎﻛﻢ ﻗﻠﺖ ﻟﻴﻬﺎ ﺃﻗﻮﻝ ﻟﻴﻚ ﺑﻜﺮﻫﻮ ﺗﻘﻮﻟﻲ ﻟﻲ ﺟﺎﻳﺔ ﺃﺳﻜﻦ ﻣﻌﺎﻛﻢ ﺷﻮﻑ ﺍﻟﻮﺳﺨﺔ ﺩﻱ ﺑﺎﻟﻠﻪ ﻗﺎﻟﺖ ﻟﻲ ﺧﺎﻟﺪ ﻭﺃﺣﻤﻴﺘﻴﻨﺎ ﻧﺒﺮﺵ ﻓﻴﻬﻮ ﻭﻫﺴﻲ ﺟﺎﻳﺔ ﺗﺤﻤﻴﻨﺎ ﻳﺤﻴﻰ ﻻﻻ ﻣﺎ ﺑﻴﻨﻔﻌﺶ ﻗﻠﺖ ﻟﻴﻬﺎ ﻭﻻ ﻛﻤﺎﻥ ﺑﺘﻘﻮﻟﻲ ﻳﺤﻴﻰ ﺳﺎﺩﺓ ﻛﺪﺓ ﺗﻘﻮﻝ ﺑﺘﻌﺮﻓﻴﻬﻮ ﻣﻦ ﺯﻣﺎﻥ ﺃﻧﺎ ﺑﺖ ﺟﻴﺮﺍﻧﻬﻢ ﻳﺎﺩﺍﺏ ﺩﻱ ﺃﻭﻝ ﻣﺮﺓ ﺃﻋﺮﻑ ﺃﺳﻤﻮ ﻗﺎﻟﺖ ﻟﻲ ﻣﺎ ﻏﺒﻴﺔ ﺑﺲ ﻗﻠﺖ ﻟﻴﻬﺎ ﻧﻔﺴﻲ ﺃﻋﺮﻑ ﺍﻟﺠﺎﺑﻮ ﻫﻨﺎ ﺷﻨﻮ! ﻗﺎﻟﺖ ﻟﻲ ﻣﺎ ﺳﻤﻌﺘﻲ ﺍﻟﻮﻟﺪ ﻗﺎﻝ ﻟﻴﻬﻮ ﺩﻳﻞ ﺗﻘﺎﺭﻳﺮ ﻣﺮﻳﺾ ﻳﻌﻨﻲ ﺷﻐﺎﻝ ﻫﻨﺎ ﻗﻠﺖ ﻟﻴﻬﺎ ﻛﻴﻒ ﻳﻌﻨﻲ ﺷﻐﺎﻝ ﻫﻨﺎ ﻭﻫﻮ ﻣﻦ ﺟﺎ ﺍﻟﺴﻮﺩﺍﻥ ﻣﺎ ﺗﻤﺎ ﻟﻴﻪ ﺃﺳﺒﻮﻉ ﻗﺎﻟﺖ ﻟﻲ ﺑﺮﻱ ﻋﻠﻤﻲ ﻋﻠﻤﻚ ﻳﺨﺘﻲ ﻗﻠﺖ ﻟﻴﻬﺎ ﺃﻛﺘﺮ ﺃﺗﻨﻴﻦ ﺑﻜﺮﻫﻢ ﺷﻐﺎﻟﻴﻦ ﻣﻌﺎﻱ ﻓﻲ ﻧﻔﺲ ﺍﻟﻤﺴﺘﺸﻔﻰ ﺣﺴﺒﻲ ﺍﻟﻠﻪ ﺑﺲ ﻗﺎﻟﺖ ﻟﻲ ﻋﻠﻰ ﻓﻜﺮﺓ ﻳﺎ ﻣﻴﺎﻣﻦ ﺇﻧﺘﻲ ﺟﺎﺣﺪﺓ ﺍﻟﻨﻌﻤﺔ ﻋﻠﻴﻚ ﺍﻟﻠﻪ ﻫﺴﻲ ﺍﻟﺰﻱ ﺧﺎﻟﺪ ﻭﻳﺤﻴﻰ ﺩﻳﻞ ﺑﻜﺮﻫﻮﻫﻢ! ﺃﻻ ﻳﻜﻮﻥ ﻋﻘﻠﻚ ﺩﺍ ﻓﻴﻬﻮ ﺷﻲ ﻗﻠﺖ ﻟﻴﻬﺎ ﺃﻧﺎ ﻋﻘﻠﻲ ﻛﻮﻳﺲ ﻭﻣﺎ ﻓﻴﻬﻮ ﺣﺎﺟﺔ ﺃﻧﺘﻮ ﺍﻟﻐﺮﻳﻴﺎﺕ ﺗﻨﺒﺮﺷﻮ ﻓﻲ ﺍﻟﻤﺎﺷﻲ ﻭﺍﻟﺠﺎﻱ ﺃﻻﺀ ﻗﺎﻟﺖ ﻟﻲ ﺃﺣﻠﻰ ﺷﻲ ﻛﻤﺎﻥ ﻫﻮ ﻧﺤﻨﺎ ﻻﻗﻴﻦ ﻧﺸﻮﻑ ﻭﺷﻮﺵ ﺳﻤﺤﺔ ﻛﺪﺓ ﻗﻠﺖ ﻟﻴﻬﺎ ﺃﺧﺨﺦ ﺍﻟﻜﻼﻡ ﻣﻌﺎﻙ ﻣﺎ ﻣﻨﻮ ﻓﺎﻳﺪﺓ ﺑﺮﺍﺀﺓ ﻗﺎﻟﺖ ﻟﻴﻨﺎ ﻋﺎﻳﻨﻮ ﻛﺪﻱ ﺃﺳﻜﺘﻮ ﺩﻗﻴﻘﺔ ﻭﺃﺳﻤﻌﻮﻧﻲ ﻟﻘﻴﺖ ﻛﻢ ﻣﻜﺎﻟﻤﺔ ﻣﻦ ﺃﻳﻤﻦ ﻭﻧﺤﻨﺎ ﺍﻟﻠﻴﻠﺔ ﻣﺎﺷﻴﻦ ﻧﺎﺱ ﺃﻣﻮ ﻭﺃﻧﺎ ﻗﺒﻴﻞ ﻭﺻﻴﺘﻮ ﻋﻠﻰ ﻛﻢ ﺣﺎﺟﺔ ﻳﺠﻴﺒﻬﺎ ﻟﻲ ﻣﻌﺎﻫﻮ ﻭﺷﻜﻠﻮ ﺿﺮﺏ ﻫﺴﻲ ﻋﺸﺎﻥ ﻳﺸﻮﻓﻨﻲ ﻭﻳﻦ ﻓﺸﻨﻮ ﺑﻄﻠﻮ ﻧﻘﺎﺵ ﻭﺧﻠﻮﻧﺎ ﻧﺘﺨﺎﺭﺝ ﺳﺮﻳﻊ ﻗﻠﺖ ﻟﻴﻬﺎ ﻃﻴﺐ ﺃﺭﺡ ﻋﺸﺎﻥ ﻣﺎ ﺗﺘﺎﺧﺮﻱ ﻋﻠﻰ ﺯﻭﺟﻚ ﻗﺮﺓ ﻋﻴﻨﻚ ﻗﺎﻟﺖ ﻟﻲ ﺃﺣﻴﻲ ﺃﻧﺎ ﻣﻦ ﺯﻭﺟﻚ ﺩﻱ ، ﻗﻠﺖ ﻟﻴﻬﺎ ﻳﻼ ﻗﺪﺍﻣﻲ ﺳﺮﻳﻌﻊ...... ﻟﻤﻦ ﺭﺟﻌﺘﺎ ﺑﻴﺘﻨﺎ ﻟﻘﻴﺖ ﺧﺎﻟﺘﻮ ﺳﻠﻤﻰ ﻗﺎﻋﺪﺓ ﻣﻊ ﻣﺎﻣﺎ، ﻗﻠﺖ ﻟﻴﻬﺎ ﻳﺎﺍ ﺳﻼﻡ ﻭﺃﻧﺎ ﺃﻗﻮﻝ ﺑﻴﺘﻨﺎ ﺩﺓ ﻣﺎﻟﻮ ﻣﻨﻮﺭ ﻗﺎﻟﺖ ﻟﻲ ﺣﺒﻴﻴﺒﺘﻲ ﺇﻧﺘﻲ ﻗﻠﺖ ﻟﻴﻬﺎ ﻛﻮﻳﺲ ﺟﻴﺘﻴﻨﺎ ﻋﺸﺎﻥ ﺃﻣﺸﻲ ﺃﻇﺒﻂ ﻟﻴﻜﻢ ﺍﻟﻘﻬﻮﺓ ﻭﺭﻳﺤﺘﻴﻨﻲ ﻣﻦ ﺍﻻﺗﺼﺎﻝ ﻭﻗﻮﻟﺖ ﻳﺎ ﺧﺎﻟﺘﻮ ﺗﻌﺎﻟﻲ ﺍﻟﻘﻬﻮﺓ ﺿﺤﻜﺖ ﻭﻗﺎﻟﺖ ﻟﻲ ﻣﺶ ﺑﺎﻟﻠﻪ! ﻗﻠﺖ ﻟﻴﻬﺎ ﺇﻳﻮﺓ، ﻣﺮﻗﺖ ﻋﺒﺎﻳﺘﻲ ﻭﻣﺸﻴﺖ ﻋﻤﻠﺖ ﻟﻴﻬﻢ ﺍﻟﻘﻬﻮﺓ ﺑﻲ ﺑﺨﻮﺭﻫﺎ ﻭﺍﻟﻤﻜﺴﺮﺍﺕ ﺣﻘﺘﻬﺎ ﻭﺟﻴﺖ، ﺑﺪﻳﻨﺎ ﻧﺸﺮﺏ ﻓﻴﻬﺎ ﻛﺪﺓ ﻣﺎﻣﺎ ﺿﺮﺑﺘﻨﻲ ﻓﻲ ﺭﺍﺳﻲ ﻭﻫﺒﺸﺖ ﺷﻌﺮﻱ ﻭﻗﺎﻟﺖ ﻟﻲ ﺧﺎﻟﺘﻮ ﻋﻠﻴﻚ ﺍﻟﻠﻪ ﻋﺎﻧﻲ ﺧﺮﺑﺖ ﺷﻌﺮﻫﺎ ﻛﻴﻒ ﻭﻗﺼﺘﻮ ﻗﻠﺖ ﻟﻴﻬﺎ ﺃﺳﻤﻬﺎ ﺣﺮﺭﺕ ﻋﻨﻘﻬﺎ ﻳﺎ ﻣﺎﻣﺎ ﻣﺎ ﻗﺼﺘﻮ ﻗﺎﻟﺖ ﻟﻲ ﺑﻼ ﺗﺤﺮﻳﺮ ﺑﻼ ﺯﻓﺖ ﻣﻌﺎﻙ ﺩﺍ ﺧﺮﺍﺏ ﺷﻌﺮ ﺑﺲ ﻣﺎ ﺃﻛﺜﺮ ﻭﻻ ﻛﻤﺎﻥ ﺻﺎﺑﻐﺎﻫﻮ، ﺧﺎﻟﺘﻮ ﻗﺎﻟﺖ ﻟﻴﻬﺎ ﺃﺻﻼ ﺍﻟﺸﻌﺮ ﺍﻟﻘﺼﻴﺮ ﻃﺎﻟﻊ ﻣﻮﺿﺔ ﻗﻠﺖ ﻟﻴﻬﺎ ﺑﺎﻟﻈﺒﻂ، ﻣﺎﻣﺎ ﻗﺎﻟﺖ ﻟﻲ ﻳﺎ ﺣﻠﻴﻠﻲ ﺃﻧﺎ ﻣﻦ ﻭﺇﻧﺘﻲ ﺻﻐﻴﺮﺓ ﻣﺎ ﺧﻠﻴﺖ ﻭﺩﻙ ﻭﻻ ﻛﺮﻛﺎﺭ ﻭﻻ ﺷﻲ ﻣﺎ ﻋﻤﻠﺘﻮ ﻟﻴﻚ ﻓﻲ ﺷﻌﺮﻙ ﻭﻟﻤﻦ ﺃﺗﺼﻠﺢ ﻭﻃﺎﻝ ﻣﺸﻴﺘﻲ ﻗﺼﻴﺘﻴﻬﻮ ﻗﻠﺖ ﻟﻴﻬﺎ ﻣﺎ ﺗﺘﻀﺎﻳﻘﻲ ﻳﺎ ﺣﺠﺔ ﺍﻟﻘﺺ ﺩﺓ ﺡ ﻳﻔﻴﺪﻭ ﻋﻠﻰ ﻓﻜﺮﺓ ﻭﻟﻮ ﺃﻧﺎ ﻣﺎ ﻗﺼﻴﺘﻮ ﻣﺮﺓ ﺗﺎﻧﻴﺔ ﺡ ﻳﻄﻮﻝ ﺃﻛﺘﺮ ﻣﻦ ﺍﻻﻭﻝ ﻗﺎﻟﺖ ﻟﻲ ﻭﺃﻥ ﺷﺎﺀ ﺗﻜﻮﻧﻲ ﻧﺎﻭﻳﺔ ﺃﻧﻚ ﺗﻘﺼﻴﻬﻮ ﺗﺎﻧﻲ! ﻗﻠﺖ ﻟﻴﻬﺎ ﻣﻔﻜﺮﺓ ﻓﻲ ﺍﻟﻔﻜﺮﺓ ﻗﺎﻟﺖ ﻟﻲ ﻓﻜﺮﻱ ﻛﻮﻳﺲ ﻋﺸﺎﻥ ﺃﻧﺎ ﺃﻗﺺ ﻟﻴﻚ ﺭﻗﺒﺘﻚ ﻳﺎ ﺣﻴﻮﺍﻧﺔ ﻗﻠﺖ ﻟﻴﻬﺎ ﻣﺎﻣﺎ ﺃﻋﺼﺎﺑﻚ ﻗﺎﻟﺖ ﻟﻲ ﺇﻧﺘﻲ ﺑﻘﻴﺘﻲ ﻗﻠﻴﻠﺔ ﺃﺩﺏ ﺟﺪﺍً ﻗﻠﺖ ﻟﻴﻬﺎ ﺧﻼﺹ ﻣﻌﻠﻴﺶ ﻣﻌﻠﻴﺶ ﺣﻤﺮﺕ ﻟﻲ ﻭﺗﺎﺑﻌﺖ ﺑﺎﻗﻲ ﻗﻬﻮﺗﻬﺎ، ﺑﻌﺪ ﺧﺼﻠﻨﺎ ﻣﻦ ﺍﻟﻘﻬﻮﺓ ﺧﺎﻟﺘﻮ ⁩ﻗﺎﻟﺖ ﻟﻴﻨﺎ ﻳﻼ ﻳﺎ ﺟﻤﺎﻋﺔ ﻓﺘﻜﻢ ﺑﻌﺎﻓﻴﺔ، ﻣﺎﻣﺎ ﻗﺎﻟﺖ ﻟﻴﻬﺎ ﻋﻠﻰ ﻭﻳﻦ ﺑﺪﺭﻱ ﻛﺪﺓ! ﻗﺎﻟﺖ ﻟﻴﻬﺎ ﻛﺎﻥ ﺑﻮﺩﻱ ﺃﻗﻌﺪ ﻣﻌﺎﻛﻢ ﻭﺍﻟﻠﻪ ﻟﻜﻦ ﻋﻨﺪﻱ ﺷﻐﻠﺔ ﻣﺎﺷﺔ ﺃﺧﻠﺼﻬﺎ، ﻣﺎﻣﺎ ﻗﺎﻟﺖ ﻟﻴﻬﺎ ﺍﺍﺍ ﺗﻤﺎﻡ، ﻗﺎﻣﺖ ﻭﻣﺎﻣﺎ ﻣﺸﺖ ﻣﻌﺎﻫﺎ ﻗﺪﻣﺘﻬﺎ ﻭﺃﻧﺎ ﻣﺸﻴﺖ ﻏﺴﻠﺖ ﺍﻟﻌﺪﺓ .... ﺑﻠﻴﻞ ﻗﺒﻞ ﻣﺎ ﺃﻧﻮﻡ ﺟﺎﻧﻲ ﺃﺷﻌﺎﺭ ﻣﻦ ﺍﻟﻴﻮﺗﻴﻮﺏ ﺃﻧﻮ ﻓﻲ ﻓﻠﻢ ﺭﻋﺐ ﺟﺪﻳﺪ ﻋﺮﺿﻮ ﺑﻌﺪ ﺷﻮﻳﺔ، ﻓﻲ ﺍﻻﻭﻝ ﻗﻠﺖ ﺃﺣﻀﺮﻭﺍ ﺑﺲ ﺗﺎﻧﻲ ﺃﺗﺬﻛﺮﺕ ﺃﻧﻮ ﻻﺯﻡ ﺃﻧﻮﻡ ﻻﻧﻮ ﺑﻜﺮﺓ ﺃﻭﻝ ﻳﻮﻡ ﻟﻲ ﻓﻲ ﺍﻟﺸﻐﻞ ﻭﻣﺎ ﻣﻔﺮﻭﺽ ﺃﺗﺎﺧﺮ ﻟﻜﻦ ﻗﺪﺭ ﻣﺎ ﺣﺎﻭﻟﺖ ﺃﻧﻮﻡ ﻣﺎ ﻗﺪﺭﺕ ﺟﺎﻧﻲ ﻓﻀﻮﻝ ﺃﺣﻀﺮﻭ، ﻓﺘﺤﺘﻮ ﻭﺑﺪﻳﺖ ﺃﺣﻀﺮ ﻓﻴﺔ ﻛﺎﻥ ﻣﺮﻋﺐ ﺷﺪﺩﺩﺩﻳﺪ ﻭﺑﺨﻮﻑ، ﺃﻧﺎ ﺃﺳﺎﺳﺎ ﺑﺨﺎﻑ ﺟﺪﺍً ﻟﻜﻦ ﺑﻌﻤﻞ ﻧﻔﺴﻲ ﻗﻮﻳﺔ ﻭﺑﻜﻮﻥ ﻃﻮﻝ ﺍﻟﻔﻠﻢ ﻣﺎﺳﻜﺔ ﻓﻲ ﺍﻟﻤﺨﺪﺓ ﻭﺑﺼﺮﺥ ﻣﻌﺎﻫﻢ ﺍﻟﺤﻤﺪ ﻟﻠﻪ ﺃﻧﻮ ﺍﻟﻤﻜﻴﻒ ﺑﻜﻮﻥ ﺷﻐﺎﻝ ﻭﺑﺎﺏ ﺍﻟﻐﺮﻓﺔ ﺑﻜﻮﻥ ﻗﺎﻓﻞ ﻭﻻ ﻛﺎﻥ ﻃﺮﺩﻭﻧﻲ ﻣﻦ ﺍﻟﺒﻴﺖ، ﺣﻀﺮﺗﻮ ﻟﻲ ﺍﻟﻨﻬﺎﻳﺔ ﻭﺃﻧﺎ ﻣﻦ ﺍﻟﺨﻮﻑ ﻟﻤﻦ ﺑﻘﻴﺖ ﺃﻫﻠﻮﺱ ﻭﺣﺎﻭﻟﺖ ﺃﻏﻤﺾ ﻋﻴﻮﻧﻲ ﻟﻜﻦ ﻣﺎ ﻗﺪﺭﺗﺎ ﻭﻛﻞ ﻣﺎ ﺃﻏﻤﻀﻬﻢ ﺑﺘﺨﻴﻞ ﺃﺷﻜﺎﻝ ﺍﻟﻨﺎﺱ ﺍﻟﻔﻲ ﺍﻟﻔﻠﻢ، ﻟﺤﺪﻯ ﻗﺮﻳﺐ ﺍﻟﺴﺎﻋﺔ ﺧﻤﺴﺔ 5 ﺻﺒﺎﺣﺎ ﻭﺃﻧﺎ ﻣﺎ ﻧﻤﺖ ﻣﺎ ﻋﺎﺭﻓﻪ ﻛﻴﻒ ﻟﻜﻦ ﺗﺎﻧﻲ ﻓﺠﺎﺓ ﻏﻔﻴﺖ ﺷﻮﻳﺔ ﻭﻟﻤﻦ ﺻﺤﻴﺖ ﻟﻘﻴﺖ ﺍﻟﺴﺎﻋﺔ 9:30 ﻭﺍﻻﺟﺘﻤﺎﻉ ﻛﺎﻥ ﻋﺸﺮﺓ ﻧﻄﻴﺖ ﻧﻄﺔ ﻭﺍﺣﺪﺓ ﻣﻦ ﺍﻟﺴﺮﻳﺮ ﻭﻓﺘﺤﺖ ﺗﻠﻔﻮﻧﻲ ﻟﻘﻴﺖ ﻛﻤﻴﺔ ﻣﻦ ﺍﻟﻤﻜﺎﻟﻤﺎﺕ ﺍﻟﻜﺘﻴﺮﺓ ﻣﻦ ﺍﻻﺀ ﻭﺑﺮﺍﺀﺓ، ﺟﺮﻳﺖ ﺟﺮﻱ ﺃﺳﺘﺤﻤﻴﺖ ﻭﻟﺒﺴﺖ ﺑﺴﺮﻋﺔ ﻭﺃﺗﺼﻠﺖ ﻟﻲ ﻧﺎﺱ ﺑﺮﺍﺀﺓ ﺷﺎﻛﻠﻮﻧﻲ ﻭﺳﻤﻌﻮﻧﻲ ﻓﺎﺭﻍ ﻭﻗﺎﻟﻮ ﻟﻲ ﻧﺤﻨﺎ ﻣﺸﻴﻨﺎ ﻭﺧﻠﻴﻨﺎﻙ ﻋﺸﺎﻥ ﺗﺎﻧﻲ ﺗﺘﺎﺩﺑﻲ ﻭﺗﻨﻮﻣﻲ، ﻭﻟﺤﺴﻦ ﺣﻈﻲ ﻟﻘﻴﺖ ﺑﺸﺎﺭﻱ ﻃﺎﻟﻊ ﻗﻠﺖ ﻟﻴﻬﻮ ﻭﺻﻠﻨﻲ ﻣﻌﺎﻙ ﺍﻟﻤﺴﺘﺸﻔﻰ ﻗﺎﻝ ﻟﻲ ﻃﻴﺐ، ﺭﻛﺒﺘﺎ ﻣﻌﺎﻫﻮ ﻭﻭﺻﻠﻨﻲ ﺍﻟﻤﺴﺘﺸﻔﻰ ﻭﻓﺎﺕ ﺑﺘﺎﻋﺖ ﺍﻟﺮﺳﺒﺸﻦ ﻗﺎﻟﺖ ﻟﻲ ﺃﻧﻮ ﺍﻻﺟﺘﻤﺎﻉ ﺑﺪﺃ ﻗﻠﺖ ﻟﻴﻬﺎ ﻟﻴﻬﻮ ﻛﺘﺘﻴﺮ! ﻗﺎﻟﺖ ﻟﻲ ﻳﻌﻨﻲ ﻣﺎ ﻛﺘﻴﺮ ﺷﺪﺩﺩﻳﺪ ﻟﻜﻦ ﺷﻴﻠﻲ ﺷﻴﻠﺘﻚ ﺡ ﺗﺴﻤﻌﻲ ﻭﺳﺦ ﺃﺿﻨﻴﻨﻚ ﻣﻦ ﺍﻟﻤﺪﻳﺮ ﻗﻠﺖ ﻟﻴﻬﺎ ﺍﻟﻠﻪ ﻳﻄﻤﻨﻚ ﻳﻬﻨﺎﻳﺔ، ﻭﺻﻔﺖ ﻟﻲ ﻣﻜﺘﺐ ﺍﻻﺟﺘﻤﺎﻋﺎﺕ ﻣﺸﻴﺖ ﻟﻴﻬﻮ ﻭﺩﻗﻴﺖ ﺍﻟﺒﺎﺏ ﻭﻗﻔﺖ ﻣﺴﺎﻓﺔ ﻟﻤﻦ ﻣﺎﻑ ﺯﻭﻝ ﻋﺒﺮﻧﻲ ﻭﻗﺎﻝ ﻟﻲ ﺃﺩﺧﻠﻲ ﺩﺧﻠﺖ ﺑﺮﺍﺍﻱ، ﻃﺒﻌﺎ ﺍﻟﻨﺎﺱ ﻛﻠﻬﺎ ﻛﺎﻧﺖ ﺻﺎﻧﺔ ﻭﺑﺘﻌﺎﻳﻦ ﻟﻲ ﻗﻠﺖ ﺍﻟﺴﻼﻡ ﻋﻠﻴﻜﻢ ﻭﺟﻴﺖ ﺩﺍﻳﺮﺓ ﺃﻗﻌﺪ ﻛﺪﺓ ﻛﺎﻥ ﺳﻤﻌﺖ ﺻﻮﺕ ﺯﻭﻝ ﺑﻘﻮﻝ ﻟﻲ ﺇﻳﻴﺔ ﺍﻟﻬﻤﺠﻴﺔ ﺩﻱ ﻳﺎ ﺃﺳﺘﺎﺫﺓ ! ﻣﻌﻠﻴﺶ ﺑﺲ ﻫﻨﺎ ﻣﺎ ﺑﺘﻨﻔﻊ ﻗﻮﻣﻲ ﻋﻠﻰ ﺣﻴﻠﻚ ﻭﺃﻃﻠﻌﻲ ﺑﺮﺓ، ﻋﺎﻳﻨﺖ ﺗﺠﺎﺓ ﺍﻟﺰﻭﻝ ﺍﻟﺒﺘﺘﻜﻠﻢ ﻟﻘﻴﺘﻮ ﺩﺍ ﺩﻛﺘﻮﺭ ﻳﺤﻴﻰ ﻗﻠﺖ ﻟﻴﻬﻮ ﺍﻧﺎ ﻣﺎ ﻛﻨﺖ ﻗﺎﺻﺪﺓ ﺃﺗﺎﺧﺮ ﻗﺎﻝ ﻟﻲ ﻏﻴﺮ ﻗﺼﺔ ﺍﻟﺘﺄﺧﻴﺮ ﺃﻧﺎ ﺑﺘﻜﻠﻢ ﻋﻦ ﺍﻟﻄﺮﻳﻘﺔ ﺍﻟﻬﻤﺠﻴﺔ ﺍﻟﺠﻴﺘﻲ ﺩﺍﺧﻠﺔ ﺑﻴﻬﺎ ﻗﻠﺖ ﻟﻴﻬﻮ ﺑﺲ ﺃﻧﺎ ﺩﻗﻴﺖ ﺍﻟﺒﺎﺏ ﻗﺎﻝ ﻟﻲ ﻭﺍﻧﺎ ﻣﺎ ﻗﻠﺖ ﻟﻴﻚ ﺃﺩﺧﻠﻲ ﺩﺍﺧﻠﺔ ﻟﻴﻴﻪ! ﻗﻠﺖ ﻟﻴﻬﻮ ﺃﺳﻔﺔ ﻣﺎ ﺡ ﺗﺘﻜﺮﺭ ﻗﺎﻝ ﻟﻲ ﺃﺻﻼ ﻟﻮ ﻓﻜﺮﺗﻲ ﺗﺘﻜﺮﺭﻳﻬﺎ ﺡ ﺗﻨﻄﺮﺩﻱ ﻃﻮﺍﻟﻲ ﺍﻟﻤﺮﺓ ﺩﻱ ﺡ ﺃﻣﺸﻴﻬﺎ ﻟﻴﻚ ﻻﻧﻚ ﺟﺪﻳﺪﺓ ﺑﺲ ﺍﻟﻤﺮﺓ ﺍﻟﺠﺎﻳﺔ ﻻ ﻗﻠﺖ ﻟﻴﻬﻮ ﺷﻜﺮﺍ ﻣﺎ ﺡ ﺗﺘﻌﺎﺩ، ﻗﻌﺪﺗﺎ ﻓﻲ ﺍﻟﻜﺮﺳﻲ ﻭﻫﻮ ﺑﺪﺍ ﻳﺘﻜﻠﻢ ﻗﺎﻝ ﻟﻴﻨﺎ ﺍﻟﻤﻬﻢ ﻗﺒﻞ ﺷﻮﻳﺔ ﻭﺭﻳﺘﻜﻢ ﺗﻔﺎﺻﻴﻞ ﻋﻦ ﻃﺮﻳﻘﺔ ﺗﻌﺎﻣﻠﻨﺎ ﻣﻊ ﺍﻟﻤﺮﺿﻰ ﺑﺘﺎﻋﻨﻨﺎ ﻭﻫﺴﻲ ﺟﺎ ﻭﻗﺖ ﺃﻋﺮﻓﻜﻢ ﻋﻠﻰ ﻧﻔﺴﻲ، ﺃﻧﺎ ﻳﺤﻴﻰ ﺇﺑﺮﺍﻫﻴﻢ ﺧﺮﻳﺞ ﻃﺐ ﻣﺦ ﻭﺃﻋﺼﺎﺏ ﺡ ﺃﻛﻮﻥ ﺍﻟﻤﺪﻳﺮ ﺍﻟﻄﺒﻲ ﻟﻲ ﺍﻟﻤﺴﺘﺸﻔﻰ ﺩﻱ، ﻫﻲ ﺃﺳﺎﺳﺎ ﺣﻘﺖ ﺍﻟﻮﺍﻟﺪ ﺍﻟﻠﻪ ﻳﺪﻳﻬﻮ ﺍﻟﻌﺎﻓﻴﺔ ﺑﻨﺎﻫﺎ ﺑﻌﺪ ﺗﻌﺐ ﻭﺟﻬﺪ ﺩﺍﻡ ﺗﻼﺗﺔ ﺳﻨﻴﻦ ﻭﻛﺎﻥ ﻣﻌﺎﻫﻮ ﺻﺤﺒﻮ ﻟﻜﻦ ﻟﻈﺮﻭﻑ ﻣﺎ ﺃﺗﻀﺮﻳﻨﺎ ﺃﻧﺎ ﻭﻫﻮ ﻧﺴﺎﻓﺮ ﺧﺎﺭﺝ ﺍﻟﺴﻮﺩﺍﻥ ﻭﻧﺴﻠﻢ ﺍﻻﺩﺍﺭﺓ ﻟﻲ ﺻﺤﺒﻮ، ﺑﺲ ﻗﺒﻞ ﻛﻢ ﺃﺳﺒﻮﻉ ﺻﺤﺒﻮ ﺩﺍ ﺃﺗﻮﻓﻰ ﻭﻧﺤﻨﺎ ﻧﺰﻟﻨﺎ ﻣﺨﺼﻮﺹ ﻟﻲ ﺍﻟﻌﺰﺍ ﻭﻣﻨﻬﺎ ﻛﺎﻥ ﻓﺮﺻﺔ ﻋﺸﺎﻥ ﻧﻼﻗﻲ ﺃﻫﻠﻨﺎ ﺇﻟﻴﻨﺎ ﻣﻨﻬﻢ ﺯﻣﻦ، ﺍﻟﻤﻬﻢ ﺃﻭﻻﺩ ﺍﻟﻤﺮﺣﻮﻡ ﻃﺎﻟﺒﻮ ﺑﺤﺼﺘﻬﻢ ﻭﻗﺎﻟﻮ ﻋﺎﻳﺰﻧﻬﺎ ﻗﺮﻭﺵ ﻓﺎﺩﻳﻨﻬﻢ ﻟﻴﻬﺎ ﻭﺑﻘﺖ ﺣﻖ ﺍﻟﻮﺍﻟﺪ ﻭﻃﺎﻟﻤﺎ ﻣﺎﻑ ﺯﻭﻝ ﺑﻌﺪ ﺩﺍ ﺡ ﻳﻤﺴﻚ ﺍﻹﺩﺍﺭﺓ ﻏﻴﺮﻧﺎ ﻓﻨﺤﻨﺎ ﻣﺘﻀﻄﺮﻳﻦ ﻧﻘﻌﺪ ﻫﻨﺎ ﻗﺒﻠﻨﺎ ﻭﻣﺎ ﻧﺮﺟﻊ ﻗﻄﺮ، ﻭﻛﻨﺎ ﺷﻐﺎﻟﻴﻦ ﺍﻻﻳﺎﻣﺎﺕ ﺍﻟﻔﺎﺕ ﺑﻨﻔﺘﺶ ﻟﻲ ﻣﻤﺮﺿﻴﻦ ﻭﺩﻛﺎﺗﺮ ﺟﺪﺍﺩ ﻭﻟﺤﺴﻦ ﺍﻟﺤﻆ ﺗﻢ ﻗﺒﻠﻮﻛﻢ ﺃﻧﺘﻮ، ﺑﺼﺮﺍﺣﺔ ﻛﺪﺍ ﺃﻧﺎ ﻋﺎﻳﺰ ﻧﺎﺱ ﺟﺪﻳﻴﻦ ﺗﺘﻠﺰﻡ ﺑﺎﻟﻘﻮﺍﻧﻴﻦ ﻭﻋﺎﻳﻦ ﻟﻲ ﻧﻈﺎﻡ ﺃﻱ ﻗﺎﺻﺪﻙ ﺇﻧﺘﻲ ، ﺗﺎﺑﻊ ﻛﻼﻣﻮ ﻭﻗﺎﻝ ﺍﻟﻄﺐ ﺩﺍ ﻣﻬﻨﺔ ﺃﻧﺴﺎﻧﻴﺔ ﻗﺒﻞ ﻣﺎ ﻳﻜﻮﻥ ﺭﻏﺒﺎﺕ ﻓﺮﺟﺎﺀ ﺣﺎﻭﻟﻮ ﺃﻧﻘﺬﻭﺍ ﺣﻴﺎﺓ ﺃﻱ ﺯﻭﻝ ﺑﺠﻴﻜﻢ ﻭﻣﺎ ﺗﻴﺎﺳﻮ ﺧﺎﻟﺺ ﻭﻟﺤﺪ ﻣﺎ ﺭﺑﻨﺎ ﻳﻜﺘﺐ ﺃﺟﻠﻮ ﺃﻧﺘﻮ ﺃﻋﻤﻠﻮ ﺍﻟﻌﻠﻴﻜﻢ ﻭﺃﺭﺿﻮ ﻋﻦ ﻧﻔﺴﻜﻢ ﻭﻋﻦ ﺷﻐﻠﻜﻢ ﻋﺸﺎﻥ ﺭﺑﻨﺎ ﻳﺮﺿﻰ ﻋﻨﻜﻢ ﻭﺑﻌﺪ ﺍﻻﺟﺘﻤﺎﻉ ﺃﻥ ﺷﺎﺀ ﺍﻟﻠﻪ ﺩﻛﺘﻮﺭﺓ ﻫﺒﺔ ﺡ ﺗﻮﺭﻳﻜﻢ ﺃﻗﺴﺎﻣﻜﻢ ﻭﻣﻮﺍﻋﻴﺪ ﻋﻤﻠﻜﻢ ﻭﺑﺲ ﺩﺍ ﻛﻞ ﺍﻟﻌﺎﻳﺰ ﺃﻗﻮﻟﻮ ﺍﺫﺍ ﻋﻨﺪﻛﻢ ﺃﻱ ﺃﺳﺌﻠﺔ ﺃﻭ ﺃﺳﺘﻔﺴﺎﺭﺍﺕ ﺃﺗﻔﻀﻠﻮ ﺃﺳﺎﻟﻮ، ﺍﻟﻨﺎﺱ ﺑﺪﺕ ﺗﺴﺎﻝ ﻭﻛﺪﺓ ﻟﺤﺪ ﻣﺎ ﺧﻠﺺ ﺍﻻﺟﺘﻤﺎﻉ ﺗﻘﺮﻳﺒﺎ ﻫﻮ ﻣﻦ ﺳﻤﻊ ﺻﻮﺗﻲ ﻋﺮﻑ ﺃﻧﻮ ﺩﻱ ﺃﻧﺎ، ﻃﻠﻌﺖ ﺑﺮﺓ ﺻﺤﺒﺎﺗﻲ ﺟﻮﻧﻲ ﺑﺮﺍﺀﺓ ﺿﺮﺑﺘﻨﻲ ﻓﻲ ﻛﺘﻔﻲ ﻭﻗﺎﻟﺖ ﻟﻲ ﺯﻓﺘﺎ ﻣﺘﺎﺧﺮﺓ ﻛﺪﺓ ﻣﺎﻟﻚ! ﺍﻻﺀ ﻗﺎﻟﺖ ﻟﻲ ﺷﻮﻓﻲ ﻧﺤﻨﺎ ﺿﺎﺭﺑﻴﻦ ﻟﻴﻚ ﻛﻢ ﻣﻜﺎﻟﻤﺔ ﺃﻧﺎ ﻣﺶ ﻗﻠﺖ ﻟﻴﻚ ﻣﺎ ﺗﺴﺎﻫﺮﻱ! ﻗﻠﺖ ﻟﻴﻬﺎ ﻛﺎﻥ ﻓﻲ ﻓﻠﻢ ﻇﺎﺑﻂ ﻳﺎﺍﺥ ﻭﻣﺎ ﻗﺪﺭﺕ ﻣﺎ ﺡ ﺃﺣﻀﺮﻭ ﻗﺎﻟﺖ ﻟﻲ ﺃﺣﺴﻦ ﺃﺳﻜﺖ ﺑﺲ ﻻﻧﻮ ﻣﺎ ﺡ ﻳﺤﺼﻞ ﺧﻴﺮ، ﻓﻲ ﻭﻗﻔﺘﻨﺎ ﺩﻳﻚ ﺟﺎﺗﻨﺎ ﻭﺍﺣﺪﺓ ﻛﺎﻧﺖ ﻻﺑﺴﺔ ﺑﻨﻄﻠﻮﻥ ﺟﻨﺰ ﻭﻻﺑﻜﻮﺕ ﻭﺧﺎﺗﺔ ﺍﻟﻄﺮﺣﺔ ﻓﻲ ﺃﻛﺘﺎﻓﻬﺎ ﻗﺎﻟﺖ ﻟﻴﻨﺎ ﺃﻧﺘﻮ ﻣﻦ ﺍﻟﻤﻮﻇﻔﻴﻦ ﺍﻟﺠﺪﺍﺩ! " ﺑﺘﺸﺪﻳﺪ ﺍﻟﺠﻴﻢ ﻟﻮ ﺳﻤﺤﺘﻮ " ﻗﻠﻨﺎ ﻟﻴﻬﺎ ﺇﻳﻮﺓ ﻗﺎﻟﺖ ﻟﻴﻨﺎ ﺃﻧﺎ ﺩﻛﺘﻮﺭﺓ ﻫﺒﺔ ﺡ ﺃﻭﺭﻳﻜﻢ ﺃﻗﺴﺎﻣﻜﻢ ﻭﺳﺎﻋﺎﺕ ﻋﻤﻠﻜﻢ ﺗﻌﺎﻟﻮ ﻣﻌﺎﻱ، ﻃﺒﻌﺎ ﻛﻼﻣﻬﺎ ﻛﻠﻮ ﻫﺎﺍﻱ ﻫﺎﺍﻱ ﻭﺣﻨﻜﺸﺔ ﻟﻜﻦ ﻣﺎ ﺷﺎﺀ ﺍﻟﻠﻪ ﺳﻤﺤﺔ ﺳﻤﺎﺣﺔ، ﺃﻫﺎ ﻭﺭﺗﻨﺎ ﺃﻗﺴﺎﻣﻨﺎ ﻭﺍﻟﺪﻭﺍﻡ ﺣﻘﻨﺎ ﻭﻗﺎﻟﺖ ﻟﻴﻨﺎ ﺃﻧﻮ ﻓﻲ ﺃﻳﺎﻡ ﺡ ﻧﺒﻴﺖ ﻓﻴﻬﺎ ﻭﺃﻧﻮ ﺑﻨﻘﺪﺭ ﻧﺪﺍﻭﻡ ﻣﻦ ﺑﻜﺮﺓ ﻭﻛﺪﺓ، ﺑﻌﺪ ﻓﺎﺗﺖ ﻣﻨﻨﺎ ﺑﺮﺍﺀﺓ ﻗﺎﻟﺖ ﻟﻲ ﺩﻱ ﻣﺎﻻ ﻗﺎﻝ ﺑﺘﺘﺤﻨﻜﺶ ﻛﺪﺍ! ﻗﻠﺖ ﻟﻴﻬﺎ ﻣﻊ ﻧﻔﺴﻬﺎ ﻳﺎ ﺯﻭﻟﺔ ﻣﺎ ﻋﻨﺪﻧﺎ ﻓﻴﻬﺎ ﺷﻐﻠﺔ، ﺍﻻﺀ ﻗﺎﻟﺖ ﻟﻴﻬﺎ ﺻﺎﺡ ﺳﻤﺤﺔ ﻟﻜﻦ ﻧﻮﻉ ﺍﻟﻨﺎﺱ ﺍﻟﺒﺸﻮﻓﻮ ﺟﻤﺎﻟﻬﻢ ﺣﺎﺟﺔ ﻭﺍﻭ ﻭﺑﺘﻔﺸﺨﺮﻭ ﺑﻴﻪ ﻗﻠﺖ ﻟﻴﻬﺎ ﺧﻠﻴﻬﺎ ﻳﺎﺍﺥ ﻟﻴﺲ ﻋﻠﻰ ﺍﻟﻤﺮﻳﺾ ﺣﺮﺝ ﻗﺎﻟﺖ ﻟﻲ ﺑﺎﻟﻈﺒﻂ ، ﺍﻟﻤﻬﻢ ﻗﻠﻨﺎ ﻧﻠﻒ ﻓﻲ ﺍﻟﻤﺴﺘﺸﻔﻰ ﻭﻧﺸﻮﻓﻬﺎ ﻭﻧﺤﻨﺎ ﻻﻓﻴﻦ ﻛﺪﺍ ﻓﺠﺎﺓ ﺳﻤﻌﻨﺎ ﺻﻮﺕ ﺯﻭﻝ ﺑﺼﺮﺥ ...... _____________ _ ﻟﻌﻞ ﻣُﺮﺍﺩﻙً ﻫﻮ ﻧﻔﺴﻪُ ﻗُﺪﺭﻙ⁦ ...⁩ ﺃﺷﻮﻓﻜﻢ⁦ ...

Free reading for new users

Scan code to download app

App Store Google Play

Facebookexpand_more