Chapter 43
Kapit na kapit sila Suting at Temyo habang nakasakay sa tricycle patrol na walang bubong ng mga tanod.
Ngayon lang nila naranasan na makasakay sa ganun sa buong buhay nila kaya halos hindi sila humihinga sa kaba dahil baka malaglag.
Mabilis pa naman ang patakbo ng tanod. Malapit sa sila sa bahay ng mga Rosario ng pahintuin ni Suting ang sasakyan.
"Sandali! Huminto ka!" Sigaw nito. Napapreno naman ang nagulat na tanod at napatingin sa kanila na nagtataka.
"Bakit?" Tanong nito.
"M-Maari bang titignan ko lang itong bahay muna?" Sagot ni Suting. Napakamot naman ng ulo ang tanod.
"Ha? Bakit? Baka magalit ang may-ari ng bahay kilalang pamilya pa naman 'yan. Hindi ito hotel na pwedeng tirhan sinabi na namin sa inyo. Residential property 'yan!" Sagot nito. Siniko naman ni Temyo
