Mabilis na lumipas ang mga araw. Tipid na tipid na ang mga kinakain ko dahil ang mahal ng mga gamot ni Jacob. At hindi ko alam kung hanggang kailan aabutin ‘to. Hindi ko rin naman alam kung saan ako kukuha ng pera sa mga susunod na araw.
Hindi ko pa alam kung bakit hindi pa rin nagigising si Jacob. Isang linggo na yata kami dito. Halos wala akong tulog dahil wala akong kapalitan. Ayoko naman na baka mamaya ay magising siya tapos wala ako.
Nakaupo lang ako ngayon dito sa loob ng silid kung nasaan siya. Wala akong makausap at wala din akong malapitan. Balak ko sanang puntahan si Tessa nung nakaraan kaso lang hindi natuloy dahil nga kailangan kong lakarin.
Hinawakan ko ang kamay ni Jacob. Miss na miss ko na siya. Gusto ko na magising na siya para magsama na ulit kami. Namimiss ko na mga
