الفصل الاول

1786 Words

تحذير هاديس القراءه لعقدى بداية خطوات امضاءه لا تقرأ ان كنت لا تحتمل الجحيم فعدم تنفيذ البنود تقيدك وتسحبك لارضى (مملكت هاديس ) (هاديس: هو اله الموت لدى الرمان ) حى من احياء القاهره شارع لا يسكنه احد لا يدخله أحد بعد 1 بعد المغرب و قبل السادسة صباحا تسمع منه طوال الليل أصوات صراخ والآلام نداءات استغاثة #########تحذير هاديس####### القراءه لعقدى بداية خطوات امضاءه لا تقرأ ان كنت لا تحتمل الجحيم فعدم تنفيذ البنود تقيدك وتسحبك لارضى (مملكت هاديس ) البارت 1 فى اجواء اسكندريه الساحره بقرب البحر فى منطقة العجمى هانوفيل فى احدى العمارات السكنية التى لا يزورها السكان الا بالمصايف كانت تقطن عائلتى انا امجد عامر ، عمرى عشرون عاما فى الصف الثاني طب كان حلمى اتخصص جراحة و لى اخت صغيره اسمها سلمى عمرها عشرة سنوات بحبها مثل ابنتى لا اختي هي مجتهدة في دراستها وشقيه جدا ومن هواياتها القراءة خاصة عن عالم الجن وقصص الخيال وأفلام الرعب . ابى عامر دكتور جراحة قلب ودايما مشغول غير متواجد بالبيت اما امى هوايده فهي محاميه جنائية كبيرة ودايما مشغول بالمكتب لا نجتمع إلا ليلا على العشاء ده قانون البيت بمعنى ان والدى عندما يحدد مواعيد عملياته يجب ان يضع بحساباته الوقت المخصص للعشاء . نقطن شقة صغيرة ولكن بعيدة عن العمران المكان تقريبا فاضى طول السنة ما عدا أيام الصيف بنشوف ناس من جميع المحافظات كانت حياتنا هاديه وسعيده الى ان جاء يوم رجع ابى الساعة 1 بعد الظهر وكنت بذاكر فى حجرتى ومنه جالسه على سريرى تقرأ روايه كالعادة وفجأه امى عادت هى ايضا ودخلوا حجرة الصالون وبدا صوتهم بالارتفاع امجد / منه شغلى السماعات باغانى ومتجيش ورايه الظاهر خناقه على الظهر استر يارب منه / هما رجعوا يتخانقوا تانى اوووف حاضر أعلي الصوت عشان ما سمعش حاجه خرجت من الحجرة و اقتربت بهدوء من الصالون وسمعت عامر / يعنى اعمل ايه يا هويده قرار النقل للقاهرة لمستشفيات الجندى من حد كبير وقرار نهائي هو انا يعنى كنت عايز انقل هويدا / يعنى مفيش حد تكلمه يلغيه طيب وشغلى والقضايا عامر / انا كلمت ناس كتير والكل بيقول مش هيقدروا يدخلوا الموضوع أكبر منهم وفجأه رن تليفون ماما هويدا / الو ........ ايوه انا هويدا عدنان .......... يعنى ايه استلم قضية فى محكمة القاهرة العليا .......... تكليف من الدولة ......... طيب ما ممكن الاستاذ اديب (محامي مشهور بقضايا جنائية ) يمسك القضية .......... هو اللى وصى بيها ليه انا ...... طيب خلاص على اول الاسبوع القادم هاجى مكتب رئيس المحكمة واطلع عليها ...... تمام عامر / ايه فى ايه هويدا / أمر من القضاء العالى انى اترافع عن المهندس وافى الجندى (صاحب اكبر شركات للمقاولات مسيطرة على الاقتصاد ) وده امر الزامي عامر / يعنى كده النقل بتاعى اللى وراه وافى الجندى عشان يضمن انك تترافعى عنه هويدا / الظاهر كده عامر / كويس انى ما بعتش بيت السكاكينى (حى من احياء القاهره) اهو ننقل فيه امجد / احم احم الحمد لله كليتى فى القاهره ومش هحتاج اسافر وارجع كل ما يكون عندى محاضرات بس منه بقى مفكرتوش هنعمل ايه فى مدرستها عامر / هعملها إجازة مرضية لحد ما نشوف مدرسه خاصه قريبه من الحى وتكون كويسه طبعا هويدا / طيب انا هخرج للمكتب عشان اسلم القضايا اللى فى ايدى لمحامين تانيين وهرجع على موعد العشا عامر / وانا كمان هرجع المستشفى اسلم الحالات للأطباء واعمل اخلاء طرف بس بعد ما اعدى على مدرسة منه وابقى اخذها معايه امجد / تاخد مين منه ما رحتش المدرسة النهارده كانت دافيه فخلتها تغيب عامر / تمام يلا سلام رجعت لحجرتى ووجدت منه واقفه على السرير وبتقفذ منه / ها ها هنروح القاهره وهصاحب ناس جديده يقرأه معايه امجد / ههههههههه لا متحلميش الرعب ده تخصص منه وبس هههههه منه / خلاص هشوف بيقرا ايه واقرءه معاهم ? امجد / طيب طيب ممكن تنامى بقى عشان متسخنيش اكتر ممكن عشان خطرى منه/ طيب هتقرا معاية شوية امجد / حاضر يلا ورينى رواية ايه دى منه / القرية الملعونة امجد/ يا ساتر يا رب ولعنوها ليه دى منه / ههههههه هنخاف من اولها يا مرمر هههههه امجد / مين اللى يخاف ده ده انا ارعب العفريت نفسه فضلت قاعد جنبها اقرء لحد ما نامت والحمد لله حرارتها اتخفضت وبعد 3 ايام كنا بالفعل وصلنا الى حى السكاكينى وهناك لحظت ان الحى زحمه جدا ما عدا الشارع بتاعنا كان هادى والعمارت زى ماتكون فاضيه ما فيها سكان بس المحلات فى الشارع شغاله عادى احنا وصلنا كانت تقريبا قبل المغرب بساعه ونص طلعنا البيت اللى كان موجود باخر الشارع وخلفه زى ارض فاضيه مش زراعه ولا مباني فاضيه ونظيفه قولت يمكن شباب الحى يتجمعوا فيها ويلعبون كوره المهم رتبت حاجتى فى حجرة بطل على الارض الفاضيه و حجرة منه كانت جنبى أما حجرة ماما وبابا فكانت بعد ممر صغير مواجه حجراتنا زى ما تكون معزولة عن باقى البيت اللى هو متكون من طابقين الأول انتريه وصالون ومطبخ وحمام اما الطابق الثانى فهو لاوض النوم وبه حمام خاص لكل حجرة غير مكان مخصص للملابس شبيه بحجرة منفصله لوحده بعد ما خلصت فرش جزء من حاجاتى الضرورية استأذنت من بابا انزل اشترى حجات ماما طلبتها منى وبالفعل نزلت بس فجأة ان المحلات كلها بتقفل بسرعه دخلت سوبر ماركت اشتريت كل ما احتاجه وانا ملاحظ صاحب الماركت متوتر و عايز يقفل بسرعه حتى ماخدش منى فلوس وكل اللي قاله البائع/ بكره يابنى هات الفلوس ده لة بكره اممممممم افتكرت ها امجد / هو ليه انتوا بتقفلوا المغرب كده البائع / انت شكلك جديد هنا يا بنى امجد / اه انا لسه ناقل هناك وشاورت على بيتنا لقيت الراجل اتخض البائع / يا نهار ....... انت نقلت هنا ليه لا اله الا الله ربنا معاك يابنى بس امانه ادخل بيتك واقفل الشبابيك واعى تخرج قبل ما الشمس تملأ الشارع مهما سمعت يابنى امجد / ليه هو فى ايه البائع / اسمع الكلام بس وبكره تعالى وانا هحكيلك بس اوعى اوعى تخرج من البيت بالليل مهما سمعت وانت شايف اهو الشارع مفهوش حد ساكن غيركوا حتى احنا البائعين بنقفل قبل المغرب ومحدش يجى الشارع ده انا نبهتك وانت حر قال الكلام ده وقفل المحل ومشيت لا جرىت بالمعنى الاصح رجعت بتنا وقبل ما احكي لبابا وجدته يغلق الباب بسلسلة وقفل وبيجرى يقفل كل شبابيك البيت بالقفل هو وماما امجد / هو فى ايه يا بابا انت بتعمل كده ليه عامر / شوف يا امجد انا لما كنت عايش هنا مع جدك كان بيعمل كده مبيقولش السبب وكان ممنوع ننزل الشارع بعد المغرب أو قبل طلوع الشمس امجد / بس يا بابا عشان اروح الكليه من هنا لازم اخرج مع الفجر عامر / لا انا اخذت تصريح من الكليه بتاعتك ورتبت محاضراتك بعد 10 يعنى مش هتنزل من هنا غير بعد 7 الصبح امجد / هو ايه ده ازاى تعمل كده هو انا صغير يعنى شكلى ايه أمام اصحابى عامر / شكلك ولا عمرك انا اختارت عمرك. بس ممكن شكلك قول لاصحابك ان امك داخله على قضية ممكن تتأذى فيها عشان كده انا عدلت جدولك وكمان فى بادى جارد هيكون معاك امجد / بودى جارد ؟؟؟ ليه داخلين على حرب ..... متفهموني فى ايه هويدا / يلا على العشا وعندى كلام لازم تسمعوه جلسنا جميعا نأكل وانا بغاية الغضب وحاسس انى بتخنق وفجأه سمعنا صوت ناس بتجرى فى الشارع وزى ما يكون فى ضرب نار انا واختى صرخنا لكن بابا وماما ولا كان حد منهم سامع حاجه امجد/ انتوا مش سمعين ضرب النار عامر / لا تسمعين بس عادى ده حى شعبى تلاقى فى فرح بشارع جنبينا وهما متعودين على ضرب النار فى الافراح هويدا / المهم مفيش خروج للبلكونه او الشارع بالليل مهما سمعتوا . وكمان اللى هيخرج الصبح لازم يرجع قبل اذان المغرب بساعه وده قانون ومش هنتناقش فيه امجد / ايه يا ماما انا بيكون عندي محاضرات متاخر و . عامر /ما انا قولتلك انى نظمت كل حاجه فى كليتك وعرفت عميد الكلية على ظروفك امجد بغضب / لا مينفعش انا مش صغير على المعامله دى نهضت من الاكل ثم صعدت الى حجرتى ولكن فجأة الاصوات سكتت وكمان اعصابي هديت والغضب اللى جوايه اختفى وبدأت افكر هو فى ايه ده اول مره بابا يتعامل معايه كده انا غلط انى زعقت لازم اعتذر وفعلا فتحت الباب وكنت نازل السلم لقيت الدور الاول النور مطفى ومحدش تحت اه بقى انا لسه سايبهم دول ملحقوش حتى يكملوا اكل لفيت ورجعت انظر باتجاه حجرة اختي شفت ظل لبنت كبيرة بتتحرك جوه جريت وفتحت الباب لقيت منه نايمه والغطاء مش عاليها واحنا بالشتا دخلت غطتها بس كنت حاسس زي ما يكون فى حد بيراقبنى حاولت ما افكر وقولت يمكن كلام البائع أو كلام بابا هو سبب احساسى خرجت من اوضة اختى ورحت مشيت بالممر المؤدى لحجرة بابا وماما ولما قربت سمعت بابا بيتكلم عامر / يا هوايده امجد مش صغير ولازم يعرف حقيقة الشارع والبيت هويده / لا امجد لسه صغير متكلمش فى حاجه استنى احنا هنخلص القضيه دى ونرجع اسكندريه ونسيب هنا تانى مش هنكرر اللى حصل من جديد امجد / اه حكاية البيت واه اللى حصل وماله الشارع انا لازم اعرف لازم افهم مشيت وخبط على باب الاوضه بس محدش رد عليه خبط تانى سمعت صوت بابا بس اكنه بيصحى من النوم وبعدين نور الاوضه اتقفل ورجع اتفتح تانى وبابا فتح الباب عامر / خير يا امجد بتخبط ليه دلوقتى انت عارف الساعة كام امجد / العشاء اكيد لسه مش إذن هويدا وهي تعتدل على السرير / الساعه يا حبيبى قربت على 5 الفجر فى حاجه انت كويس امجد / 5 الفجر ايه انا لسه سيبكوا على العشا وجيت اعتذر عامر / انت سخن يا حبيبى ماانت جيت وكملت اكلك واعتذرت واخذت اختك ونيمتها كمان امجد / انا هويدا / روح يا امجد كمل نومك وبكرة نتكلم لسه فاضل 3 ساعات على ما تروح الجامعه رفعت يدى انظر بالساعه فوجئت باني ارتدى ملابس نومى بالفعل اعتذرت ليهم ورجعت لحجرتى وتمددت على السرير بفكر ايه حصل وازاى حصل وراحت بالنوم عميق استيقظت على قفز منه على السرير بجوارى وهى تصيح منه/ امجد ..... اااااااامجد ..... اصحى بقى امجد / خلاص صحيت صحيت منه / انت ليه نايم بهدومك بتاعت الخروج وليه مش رديت عليه امبارح وانا بخبط على الباب انا زعلانه منك منيمتنبش زى كل يوم قفزت انا من السرير وجريت للمرايه لقتنى بهدوم الخروج اللى كنت لابسها جريت على اوضة بابا وماما لقيتها فاضيه وكمان السرير مش مواجه للباب زى امبارح لا ده على جنب سمعت صوت ماما بتنادى هويدا / يلا الفطار يا امجد هتتاخر يلا يا منه هتروحى مع بابا المستشفى عشان مش هينفع اسيبك هنا يلا عامر / صباح الخير امجد رغم انى زعلان من اسلوبك بتاع امبارح بس معلش هقول ضغط النقل الجديد بس انا اكيد كنت بحلم هو فى ايه وايه بيحصل امجد / انا اسف يا بابا بس فى حاجات كتير عايز افهمها عامر / حاضر هفهمك اللى انت عايزه بس لما نرجع وزى ما قولنا قبل المغرب بساعه يلا سلام ونزل بابا معاه منه ونزلت ماما لشغلها واخذت انا حاجتى ونزلت اروح لسيارتي لقيت جميع المحلات اشتغلت عادى قولت اروح الاول لسوبر ماركت اسئل البائع . ########################### #######ASMAA NADA يا ترى كان بيحلم فعلا ؟؟؟؟ يا ترى البائع هيقول ايه ؟؟؟؟ يا ترى البيت حكايته ايه ؟؟؟ يا ترى ايه اللى حصل وخايفين يحصل تانى ؟؟؟؟؟؟ ###asmaa##

Free reading for new users

Scan code to download app

App Store Google Play

Facebookexpand_more