همسات هاديس

الفصل الثاني

البارت 2

نزلت من عربيتى تانى وتوجهت ناحية السوبر ماركت

امجد / هاى انا امجد جيت ادفع الفلوس بتاعت امبارح

البائع / انت لسه هنا يبقى اكيد سمعت الكلام انا حسين 50سنه بالحى ده ومحدش دخل الشارع بالليل غير واختفى

أمجد / عم حسين تشرفت بيك ممكن تحكي لى حكاية الشارع لان هعيش انا واهلى هنا

عم حسين / قولى الاول ايه حصل امبارح وانا هحكيلك كل حاجه

جلست انا وعم حسين نشرب شاى وحكيت اللى حصلى بس لقيت عم حسين بيسألنى عن لقب عائلتي

عم حسين / شوف يا بنى اللى حصل جزء منه حقيقى وجزء منه خيال يعنى انت فعلا روحت لابوك باليل بس اللى شفته وسمعته مش حقيقى ده هاديس عايزك تسمعه وتشوفه

امجد / هاديس مين هاديس ده وليه عايزنى اشك فى ابويا وامى

عم حسين / شوف هاديس انت هتعرفه لوحدك بس اللى سمعته انه لانس ولا جان منعرفش جنسه ايه اما بقى يابنى حكايات الشارع فتبدأ بأصل اهلك شوف من زمان كده يجى من 40 سنة أيام ما انا كنت صغير كان الشارع ده مفهوش غير بيتكم اللى فى النص وبعض العمارات دى وكان مليان ناس كان اسم الشارع شارع الآثار لان اكتر اللى عايشين فيه كانوا عمال تنقيب عن الآثار واكبر العمال دول جدك امجد العميرى وكان حاكم على أهل الحي بزراعة شجر امام كل بيت أو مبنى جدك كان عادل والحى كله بيحبه لحد ما يوم رجع من المنجم هو والعمال مبكلمش حد ولا بيرد ومخبى لفه فى ايده جريت عاليه زى كل يوم عشان اخد منه الحلويات بص لى وهو تايه كده وبعدين خدنى من ايدى ودخلنا بدروم البيت بتاعكوا فتح اللفه اللى فى ايده وطلع منها كتاب كبير ناديته

##F. B.###

حسن / ابا الحج ايه الكتاب ده

العميرى/ ده لعنه يا حسن اوعاك تقرا منه اوعاك يابنى

حسن/ حاضر يا أبا الحج بس انت ليه خايف منه كده ده كتاب ممكن تحرقه

العميرى / ه ا أحرقه انى دفنته ورميته فى النيل وسافرت لسعوديه دفنته هناك ورجع تانى يا ولدى بس مافكرت احرقه هات هات يابنى الخشب والبنزين هناك اهو

ذهب حسن واحضر الخشب والبنزين وبدأ بإحراق الكتاب

####End F. B ###

صمت عم حسن عن الكلام وهو يفتح عيناه ثم بدأ يردد

عم حسن / انا مليش دعوه ...... انا محرقة حاجه ........ انت ملكش سلطان عليه ..... انا ما قرأ.........

وبعدين وقع عم حسن على الارض وبدأ يرتعش جريت وشلته واخذته لمستشفى الحى الطبيب اعطاه مهدأ واخبرني انه يمر بحالة زعر اقتربت منه وجدته يحاول الكلام فاقتربت اكثر لاسمع

عم حسن / الكتاب .... الكتاب ..... فى البدروم اوعى ..... اوعى يابنى تقرأه أو تحاول تحرقه ادفنه في قلب البدروم وانقل يابنى من البيت

ثم غاب عم حسن فى نوم عميق بسبب المهدئ تركته بعد ان حضرت زوجته واحدى بناته وعدت للحى وانا بداخلى تصميم لاعرف ما بداخل هذا الكتاب و مين هاديس وايه سر الشارع .

رجعت للبيت وجدت ابى جالس فى حديقة البيت و ينظر لى بطريقه عجيبه دخلت

امجد / اذيك يا بابا ايه مالك

عامر / انت كنت فين ومرحتش الكليه ليه

امجد / لا مفيش روحت ادفع الفلوس لعم حسن صاحب السوبر ماركت والراجل تعب وديته المستشفى ولسه راجع و حضرتك رجعت بدرى ليه

عامر / امم لا مش بدرى بس اول يوم بتعرف على المستشفى والدكتورة مفيش شغل يعنى ....... انا هطلع انام شويه

امجد / امال فين منه

عامر لم يجيب وذهب مسرعا الى داخل البيت .

استغربت من رد فعل بابا بس قولت يمكن تعبان من السفر ولسه هقوم عشان اطلع ادور على منه سمعت صوت عربيه تقف امام باب البيت والغريب اللى كان هيجننى أن .......

امجد / بابا .... ازاى امال مين اللى كان قاعد معايا

منه / امجد..... امجد مش انا كشفت على العيانين مع بابا وكنت شاطره

عامر / اه يا امجد كانت شاطره وبكره تكبر وتكون دكتوره كبيره ههههه يلا يا منه اطلعى اوضتك واستعدى عشان نتغدى سوى .......... ايه يا امجد مالك واقف باصص لى ليه كده ايه شايف شبح

امجد / اه شبح او انا اتجننت اعد اعد احكي لك

وفعلا حكيت له كل حاجه عن كلام عم حسن وعن الشخص اللى كلمته ودخل البيت

عامر / هممممم هو ده اللى كنت خايف منه

شوف يا امجد انسي كلام عم حسن خالص ومفيش كتاب ولا حاجه انا اخدت تراب الكتاب ده ورميته فى البحر اسكندريه وبعدها تعرفت على امك واتجوزت وجبتك انت ومنه رغم ان جدتك كانت بتقول ان ا****ة هتخلينى متجوزش ولو اتجوزت هيموت اولادى وهما فى بطن مراتى واد*ك شايف كلها تخاريف انت اهو ومنه كمان

امجد / طيب واللى كلمنى من شويه ده

عامر / هههههههههه برده انا بس خرجت من الباب اللى بالمطبخ وراء البيت ورجعت بمنه كانت نايمه بالعربيه هههههههههه يلا يا امجد خلينا نتغدى

امجد / بابا طيب ليه بنقفل الشبابيك والباب بالقفل ما بيخرجش بعد المغرب

عامر / يا بنى الحى اكتريته عصابات م**رات وانا خايف عليكم مش اكتر وبعدين ده كلها كام شهر امك تخلص القضية ونرجع اسكندريه يلا يابنى بلاش اسئله كتير بقى تعبتينى

تركنى وتوجه الى البيت وانا غير مقتنع بكلامه هناك شيء يريد اخفاءه انا ميال اكتر لكلام عم حسن وبعدين بابا بيكذب مكنش لابس نفس الملابس اول مره لما دخلت انا البيت بابا اكيد بيدارى... فى حاجه غلط انا لازم انزل ادور على الكتاب لازم اعرف جدى مات ازاى فى اسئله كتير في دماغي لازم اعرفها قبل ما انزل للبدروم .

قررت استنى يوم وارجع اروح لعم حسن يكمل ويحكى لى .

طلعت حجرتى وغيرت هدومى وكنت حاسس بتعب جامد حاسس انى ما نمت من امبارح فتمددت على السرير وسرعان ما رحت فى نوم عميق بعد فترة معرفش اد ايه استيقظت على صوت فتاه تنادي اسمي باستغاثة

الفتاه / امجد حبيبى الحقنى امجد انا هنا محبوسة فى البدروم امجد الحقنى خلاص مش هستحمل عذاب اكتر من كده. امجد. الحقنىىىىىىى

امجد / اعوذوا بالله. مين دى وحبيبى ايه انا معرفش بنات اصلا .......... بتقول محبوسه فى البدروم

وفجأه سمعت خبط ورزع فى البيت وصوت بابا يزعق فى حد مش عارف مين خرجت بسرعه من الحجره بس لقيت البيت مفروش بعفش كله خشب موبيليا قديمه اول مره اشوفها كنت بسمع عنها بس فى حكيات امى لى او فى الكتب المرسومه صوت بابا بدأ يعلى اه ده ده بيزعق في في فيا انا ايه ده

مين ده وانا فين جريت مسكت بابا من زراعه لكن المفاجأة ان ايدى مرت من خلاله زى ما اكون انا الشبح وهو مش شايفنى ولسه بيزعق فى الشاب اللى شبهى

عامر / انا مش نبهت عليك ميت مره متاخدش حاجه من مكان الحفريات يا امجد

شبيه امجد / يا أبا الحج ده مجرد كتاب قديم وانت عارف انى بحب القراءه اذاى وبعدين محدش خد باله

ودخلت فتاه جميله اوى تجرى وهى بتبكى

الفتاه ببكاء / شوفت يا أبا عمرى امجد عمل فيه ايه

العامرى وهو يضم الفتاة / عملت ايه فى البنت يا امجد انطق

الفتاه / ربتنى يا أبا الحج فى البدروم على السرير ودبح معزه وغرق جسمى بدمها وكان عايزنى أكل من لحمها نئ

شبيه امجد / بلعب معاكى يا هدى ايه الواحد ميلعبش مع مرته يعنى

العامرى / اخرس يا امجد او هطردك من البيت لو عملت كده تانى

هدى / لا يا ابا لا ارجوك ده امجد ابنك الوحيد خلاص انى سامحته خلاص

شبيه. امجد / انا ماشي وسايب لكم البيت الساعه دى

واقترب شبيه امجد من هدى وهمس / حسابنا تحت يا هدى ماشى ارجع الاقكى قاعده على السرير تحت احسن لك او هتجوز واحده تسمع كلامى

امجد اه ده انا اكيد لسه نايم اكيد انا بحلم انا فين ومين دول ورجعت حجرتى بسرعه

مددت على السرير حاولت اغمض عينى يمكن انام واصحى لقيت باب الاوضه بيتفتح وبتدخل منه

منه / امجد يا امجد يلا انا جعانه يلا تعالى ماما جت وعاملت العشا مش كفايه نمت ومش اتغديت معايه

امجد/ انا نمت وصحيت صح يا منه مش كده

منه / انت سخن يا امجد كده ليه انت عيان انا هقول لماما

وجريت منه الى ماما وانا فضلت انظر الى الباب بخوف شديد ان انهض اجد نفسي مازلت فى المكان الغريب ده بس شجعت نفسي وخرجت من الحجرة وجدت كل شئ عاد كالسابق جريت لحجرة امى وابى كان أبي يصلي وسلم وابتسم ليه وقال

عامر / متقلقش يا امجد هتعرف كل حاجه جدك العمرى مش هيسيب هاديس يأذيك لانه كمل العهد بس جدك امجد نقده عشان ينقذنى وده دورك تكمل عاهد جدك امجد ده قدرك

وفجأه ابى اختفى صرخت باعلى صوت لى

امجد / اه ده مين اللى كان بيكلمنى طيب انا هتجنن ماما بابا حد يلحقنى دماغى خلاص اه اه اه اه

جاء عامر من اسفل على صوت امجد ووجده فاقد الوعى على باب حجرته من الداخل وماسك ورقه بيده

امسك عامر الورقة وانصدم مما كتب عليها

###########################

###asmaa##

يا ترى مين دول اللى شفهم امجد

يا ترى مين الفتاه اللى بتنادى عليه

يا ترى ايه موجود فى الورقه

##asmaa###

لا تنسوا الفوت و التعليقات الجميلة ??????????