Makalipas ang dalawang buwan, hindi pa halata ang tiyan ni Lyka. Tahimik siyang nagpasya na kunin ang kanyang mga credentials sa school. Hindi na siya magpapatuloy sa Brent University, minabuti ng kanyang mga magulang na doon na muna siya sa Tita Jenny niya, kapatid ng mama niya. Doon siya manganganak, at pagkatapos ay saka na lang muling mag-aaral.
Para kay Lyka, iyon na ang tamang hakbang. Gusto niyang lumayo kay Aiden. Sapat na ang sakit at gulo na dinulot ng pagmamahal niya rito. Sinira niya ang tiwala ng kanyang mga magulang, ipinaglaban niya hanggang sa huli... pero ang kapalit pala, isang masakit na katotohanang niloloko lang siya ng binata.
Habang iniisip iyon, kusa nang tumulo ang kanyang mga luha.
Maaga siyang pumunta sa school para makaiwas sa mga kaklase. Ayaw na niyang maki
