Chapter 30
Hindi pa man nag-iinit ang pakiramdam ko sa pagkakayakap sa kaniya ay kaagad na niya akong itinulak palayo sa kaniya. Hawak-hawak ang magkabilang balikat ko, inihiwalay niya ang katawan ko sa katawan niya. Wala akong ibang makita sa mukha niya kundi ang mga kilay niya na magkasalubong na naman at ang kaniyang noo ay nakakunot na.
Binitawan niya ang mga balikat ko at saka siya madiin na napapikit. Kitang-kita ko kung papaano siya humugot ng malalim na buntonghininga habang nananatili na nakapikit ang kaniyang mga mata. Nanatili na ganoon ang kaniyang posisyon kaya hinayaan ko na lang siya. Iniisip ko na lang na baka hindi niya nagustuhan ang ginawa ko.
Napayuko ako nang dahil sa kahihiyan. Ngayon ko lang napagtanto na maling-mali ang ginawa ko. Hindi ko siya dapat niyakap dahi
