My Favorite Girl

Prologue

HappyChic

"GOOD morning, Sir!"

Tiningnan lang ni Strike ang mga service crew na bumati sa kanya saka tinanguan ang mga ito, pagkatapos ay nilibot niya ang tingin niya sa loob ng fastfood chain. HappyChic has been their family's business for fourty years and now, his parents entrusted him the company. Hindi parte ng trabaho niya ang personal na pag-i-inspect sa bawat branch ng HappyChic pero nakasanayan na niyang gawin 'yon.

Tatlong taon siyang namalagi sa US para personal na ma-supervise ang pagtatayo nila ng branch ng HappyChic sa bansang iyon. Nais sana niyang manatili pa ro'n at siya na ang mamahala niyon pero pinauwi siya ng mga magulang niya ng Pilipinas para makasama siya ng mga ito.

Natigil lang siya sa pagmumuni-muni nang may maliit na babaeng dumaan sa gilid niya. Kumunot ang noo niya nang makitang ang bagal maglakad ng babae. May dala itong tray na puno ng pagkain.

Dapat nagpa-assist na lang siya.

Sinubukan niyang alisin dito ang atensiyon niya pero hindi siya napakali. Iiling-iling at patakbong sinundan niya ang babae. Hinarang niya ito. "Ma'am, let me help you," alok niya rito.

Limang segundo ang lumipas bago parang natauhan ang babae. "Ah, thank you for the offer but I can manage," sagot nito bago siya nilagpasan.

That girl seemed to be spacing out. Muli ay hindi na naman siya napakali kaya sinundan niya ito uli. Nakita niyang inokupa ng babae ang pinakadulong mesa, malapit sa CR, kahit pa may mga bakanteng mesa pa naman sa mas komportableng puwesto. Natagpuan na lang niya ang sariling nakaupo sa katapat na mesa habang pinapanood ang dalaga.

Isa lang agad ang napansin niya: ang dami nitong in-order na pagkain! Hinintay niya kung may darating itong kasama pero labinlimang minuto na ang lumipas ay wala pa ring dumating. Nagtaka siya nang huminto sa pagkain ang babae at naglabas ito ng notebook at ballpen. Pagkatapos niyon ay natuon na ang buong atensiyon nito sa pagsusulat.

He watched her. Kahit nakayuko ito ay napansin niyang maganda ang mukha nito. She had a small heart-shaped face, chocolate brown eyes which seemed to travel to different worlds, a pointed nose, rosy cheeks and cherry-colored lips. She was pretty, but not exactly beautiful. Pero may kung ano pa rin dito na humihila sa kanya papunta rito.

She's weird, but in a cute way.