Nakangiti si Arkine habang nakasandal sa passenger seat, pinapanood ang bawat galaw ni CJ sa manibela. Kitang-kita sa mukha niya ang paghanga, hindi na dahil sa pagiging doktor nito, kundi sa kung paano ito humahawak ng buhay—maging sa kalsada man o sa ospital.
Napansin ni CJ ang titig ng lalaki kaya sinulyapan niya ito.
"Anong nginingiti-ngiti mo riyan?" tanong ni CJ. Mas kalmado na siya ngayon, hindi na humaharurot gaya kanina. Ang pagmamaneho niya ay swabe na at swak sa bilis na hindi nakakahilo para sa may sakit.
"Kaya mo naman palang mag-drive ng dahan-dahan... Ginawa mong pang-car racing ang SUV ko kanina," biro ni Arkine, bakas ang pang-aasar sa boses pero may halong respeto.
"Emergency kasi 'yun," depensa ni CJ, sabay tingin nang sandali kay Arkine. "Natakot ka ba? Pasensya ka
