Sa gitna ng malakas na tugtog at tawanan ng mga tao sa loob ng bar, biglang nagkaroon ng sariling mundo ang sulok nina Arkine at CJ. Ang kaninang masiglang asaran ay napalitan ng isang malalim at makahulugang katahimikan.
Ibinaba ni CJ ang kanyang baso at tumingin sa dance floor, pero ang isip niya ay tila lumilipad. Ang ingay sa paligid ay unt-unting nagiging malabo, at ang tanging malinaw na nararamdaman niya ay ang init ng braso ni Arkine na nakadikit sa kanya.
Napansin ni Arkine ang biglang pagtahimik ng dalaga. Hindi niya ito pinilit magsalita. Sa halip, dahan-dahan niyang inabot ang kamay ni CJ na nakapatong sa kanyang hita—ang kamay na namumula pa rin nang bahagya mula sa nangyari kanina. Pinaglaruan niya ang mga daliri nito, marahan at maingat.
"Anong iniisip mo?" mahinang tanon
