APPLE:
HINDI PA MAN KAMI nakakalabas ni Claude ng gate ay nagsidatingan ang mga bodyguard naming pumalibot sa amin na itinutok kay Claude ang kanilang mga naghahabaang baril na ikinamilog ng mga mata ko!
"What do you think you're doing huh?! Put all your gun down!" asik ko sa mga ito na pinanlisikan ang mga ito ng mata.
"Apple let's go"
"Hindi mo isasama ang pamangkin ko Madrigal. Wala kang karapatang tangayin na naman si Apple!" asik ni tita Christy na hinila ako sa braso.
Natutulala ako sa mga kaganapan. Ano bang nangyayari? Bakit pakiramdam ko may malalim silang pinaghuhugutan na hindi ko mawari kung ano?
"Apple"nagsusumamong pagtawag nito sa akin.
Napailing ako. Natatakot din naman ako sa kapakanan nito. Mag-isa lang siya kumpara sa mga tauhan naming nandiditong may mga armas.
