Napakalayo ng tingin ni Kristoff na nakaharap sa bintana ng kanyang opisina habang nakaupo. Napakalalim yata ng kanyang iniisip. Ang kanyang kamay ay nakahawak sa kanyang baba at ang siko nito ay nasa arm rest ng upuan. Tila maraming bumabagabag sa kanyang isipan. Nag-aalala siya kay Abby at gayundin sa kanyang ina na nagtatampo na sa kanya.
Kumatok si Mrs. Park at pinihit ang pinto para mabuksan.
"Excuse me sir," bati ni Mrs. Park.
"Pumasok ka Mrs. Park."
Dahan - dahang pumasok si Mrs. Park sa loob ng opisina ni Kristoff. Hawak niya ang magazine na pinabibigay ni Abby sa Boss.
"Sir, may pinabibigay po si Ms. Abby sa inyo..." ani ni Mrs. Park.
Napalingon agad si Kristoff sa kanya at nabuhayan tuloy ang binata kaya napatayo ito.
"Anong sinabi mo? May pinabibigay si Ms. Abby? Ano iyon
